Վուդու ամրոց
Վուդու ամրոց | |
|---|---|
 Թանգարանի նախասրահը | |
| Տեսակ | թանգարան |
| Երկիր | Ֆրանսիա |
| Տեղագրություն | 4, rue de Koenigshoffen |
| Վայր | Ստրասբուրգ |
| Կայք | chateau-vodou.com |
 | |
 | |
Վուդու ամրոցը (նախկինում Վուդու թանգարան) գտնվում է Ֆրանսիայի Էլզաս մարզի Ստորին Հռենոս գավառի Ստրասբուրգ քաղաքում։
Նկարագրություն
[խմբագրել | խմբագրել կոդը].jpg)
Թանգարանը ստեղծվել է 2014 թվականի հունվար ամսին՝ Մերի-Լյուսի և Մարկ Արբոգաստի կողմից, ինչպես նաև շահ չհետապնդող տեղային կազմակերպության օժանդակությամբ։ Այս թանգարանը համարվում է Ֆրանսիայի հռչակավոր վուդու թանգարաններից մեկը, քանզի այն ներառում է ամենաարժեքավոր վուդու արվեստի հավաքածուներ[1].։
Ամրոցի արտաքնապատը կարելի է տեսնել հին Ստրասբուրգի ջրի ամրոցում։ Վերջինս հիմնադրված է 1878 թվականին և 1984 թ․–ից սկսած գտնվում է Ֆրանսիայի պատմական հուշարձանների ցանկում[2]։.
Թանգարանն իր դռները բացում է չորեքշաբթիից՝ կիրակի, ժամը 14–ից մինչև 18–ը։ Ամրագրման դեպքում թանգարանը հասանելի կարող է լինել խմբային այցելության համար (նվազագույնը 8 հոգի) սահմանված ժամերից դուրս ևս։ Երիտասարդ այցելուները նույնպես կարող են այցելություն կատարել թանգարան՝ ծանոթանալու վուդու արվեստի բազում գաղտնիքների հետ։
Հավաքածու
[խմբագրել | խմբագրել կոդը]Մարկ Արբոգաստն ու Մերի-Լյուսը հավաքել են շուրջ 1060 արվեստի գործոցներ Տոգոյից, Բենինից, Գանայից և Նիգերիայից, որոնցից 220 ցուցադրված են « վուդուն՝ արվեստ, այլ կերպով դիտելու համար » (ֆրանսերեն՝ « le vodou, l’art de voir autrement ») մշտական ցուցահանդեսում։ Սա աշխարհում աֆրիկյան վուդու առարկաների ամենամեծ հավաքածուն է։
Հավաքածուի ստեղծողները դրա մասին արտահայտվել են հետևյալ կերպ․ «Վուդու ամրոցը ներկայացնում է Աֆրիկայի հանդեպ իմ ունեցած կիրքը, որը ներառում է ավանդական գիտելիքների, քիմիայի և որսորդության շուրջ հետաքրքրություններս։ [...] Ինչպես Աֆրիկայում իմ կատարած ճամփորդությունները, ցանկանում եմ, որ թե՛ այս թանգարանը և թե՛ իր հավաքածուները առաջացնեն զարմանալի և համարձակ արձագանքներ այն մարդկանց կողմից, ովքեր դեռ օրս լի են մարդկային բնության հանդեպ հետաքրքրվածությամբ։ Հենց այդ հետաքրքրությունն է, որն առկա է եղել վուդուի այս ստեղծագործությունները կազմելու ընթացքում՝ միշտ մարդկային խորը ուշադրությամբ։ »
Արտաքին հղումներ
[խմբագրել | խմբագրել կոդը]Գրքեր
[խմբագրել | խմբագրել կոդը]- Պասկալ Կոքի, « L'esprit Vodou », հրապարակված Les Saisons d'Alsace–ում, համար 64, 2015 թ․, էջ․ 18-23
- Պոլին Մոներիո, « Initiation au vodou », հրապարակված է Cahier Vodou–ում, խմբագրված է Association des Amis du Château Vodou–ի կողմից, Ստրասբուրգ, 2015 թ․, 24 էջ
- Բերնարդ Մուլեր և Նանետ Ջակոմինջ Սնոեպ, Vodou : autour de la collection Arbogast, Փարիզ, 2013 թ․, 271 էջ
Ֆիլմեր
[խմբագրել | խմբագրել կոդը]- Sur la piste du vaudou, Դավիթ Առնոլդի վավերագրական ֆիլմը Bix Films/France Télévisions–ի համար, 2012 թ․, 52 րոպե
Ծանոթագրություններ
[խմբագրել | խմբագրել կոդը]- ↑ Stéphane Hilarion, « Ouverture du Musée Vodou de Strasbourg : voyage au pays des fétiches », sur le site culturebox.francetvinfo.fr, 14 janvier 2014.
- ↑ Կաղապար:Base Mérimée
 | Վիքիպահեստն ունի նյութեր, որոնք վերաբերում են «Վուդու ամրոց» հոդվածին։ |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
