Սրբոց Վարդանանց Նահատակաց եկեղեցի

Սրբոց Վարդանանց Նահատակաց եկեղեցի;
	Սուրբ Վարդանանց Նահատակաց եկեղեցի
Հիմնական տվյալներ
Տեսակ	եկեղեցի
Երկիր	Հայաստան
Տեղագրություն	Երևան
Ներկա վիճակ	գործող
Ճարտարապետական ոճ	Հայկական
Կառուցման սկիզբ	1994
Կառուցման ավարտ	1998
	Holy Martyrs Vardanants Church Վիքիպահեստում

Անվան այլ կիրառումների համար տե՛ս՝ Սրբոց Վարդանանց եկեղեցի (այլ կիրառումներ)

Սրբոց Վարդանանց Նահատակաց եկեղեցի, Հայ առաքելական եկեղեցի Հայաստանի Երևանի Մալաթիա-Սեբաստիա համայնքում` Երևան-Էջմիածին ավտոմայրուղուց աջ՝ Եռաբլուր բարձունքում։

Պատմություն

Եռաբլուրի Սրբոց Վարդանանց Նահատակաց եկեղեցու կառուցման աշխատանքները սկսվել են 1994 թվականին Գարեգին Ա Ամենայն Հայոց կաթողիկոսի և Վազգեն Սարգսյանի և գեղանկարիչ Կարեն Սմբատյանի նախաձեռնությամբ։ Եկեղեցու կառուցման հովանավորներն են ամերիկաբնակ Հրաչ և Վիկտորյա Ոսկանյանները։ Եկեղեցին օծվել է 1998 թվականին Տեր Գարեգին արքեպիսկոպոս Ներսիսյանի ձեռամբ։

Եկեղեցու շուրջ աստիճանաբար ձևավորվել է համայնք` կազմված այն զոհված ազատամարտիկների ծնողներից, ում շիրիմներն ամփոփված են Եռաբլուր պանթեոնում, հարակից տարածքի բնակչությունից, ծառայող զինվորներից։ Ամենայն Հայոց կաթողիկոսի կարգադրությամբ եկեղեցում յուրաքանչյուր կիրակի, տաղավար տոներին, Մեռելոց օրերին, Սուրբ Վարդանանց և Սուրբ Սարգիս Զորավարի տոներին Սուրբ Պատարագ է մատուցվում^[1]։