Սամանտա Բոնդ
 անգլ.՝ Samantha Bond | |
|---|---|
| Ծնվել է | նոյեմբերի 27, 1961[1][2] (62 տարեկան) |
| Ծննդավայր | Լոնդոն, Միացյալ Թագավորություն |
| Կրթություն | Բրիստոլ Օլդ Վիկ թատերական դպրոց և Գոդոլֆին և Լատիմեր դպրոց |
| Քաղաքացիություն | .svg){kind=small} Միացյալ Թագավորություն |
| Մասնագիտություն | դերասանուհի, թատրոնի դերասանուհի, կինոդերասանուհի և հեռուստատեսային դերասանուհի |
| Ծնողներ | հայր՝ Philip Bond? |
| Ամուսին(ներ) | Alexander Hanson? |
Սամանտա Բոնդ (անգլ.՝ Samantha Bond,նոյեմբերի 27, 1961[1][2], Լոնդոն, Միացյալ Թագավորություն), թատրոնի, կինոյի և հեռուստատեսության բրիտանացի դերասանուհի։ Առավել հայտնի է օրիորդ Մանիպենի դերով Ջեյմս Բոնդի մասին պատմող 4 ֆիլմերում և օրիորդ Ռոզամունդ Պենսվիկի դերով «Դաունթոնի աբբայություն» հեռուստասերիալում։
Կարիերա
[խմբագրել | խմբագրել կոդը]Սամանտա Բոնդի առաջնախաղը տեղի է ունեցել 1983 թվականին «Daisy Pulls It Off» պիեսում՝ Սաուտհեմփթոնում, իսկ դրանից հետո Վեսթ-Էնդում[3]։ Նույն թվականին նա կատարել է Մարի Բերտրամի դերը «Մենսֆիլդ այգի» հեռուստասերիալում, որ նկարահանվել է ըստ Ջեյն Օսթինի համանուն վեպի։ 1985 թվականին նա նկարահանվել է Ագաթա Քրիստիի «Հայտարարված է սպանություն» վեպի էկրանավորման մեջ՝ օրիորդ Մարփլի մասին պատմող սերիաներում։ 1989 թվականին Բոնդը կատարել է «Վիկինգ Էրիկ» գեղարվեստական սերիալի երկրորդական դերերից մեկը։
1990 թվականին Բոնդը նկարահանվել է «Պուարո Ագաթա Քրիստի» սերիալի սերիաներից մեկում, 1992 թվականին՝ «Տեսուչ Մորս» հեռուստասերիալում։ 1997 թվականին նա կատարել է օրիորդ Թեյլորի դերը «Էմմա» հեռուստաֆիլմում։ 1999 թվականին ներկայացվել է Թոնի կինոմրցանակի «Amy’s View» պիեսում դերակատարման համար։
1995 թվականին «Ոսկե աչք» գեղարվեստական ֆիլմում առաջին անգամ կատարել է Օրիորդ Մանիպեննիի՝ МИ-6 М ղեկավարի քարտուղարի դերը։ Դրանից հետո նա ևս երեք անգամ խաղացել է 007 գործակալի դերը տարբեր ֆիլմերում․ 1997 թվականին՝ «Վաղը երբեք չի մահանա», 1999 թվականին՝ «Եվ ամբողջ աշխարհն է քիչ», 2002 թվականին՝ «Մահացիր, բայց ոչ հիմա»։ Նա լքել է նախագիծը Բրոսնանայի հեռանալու հետ միասին։
Դրանից հետո նա հայտնվել է այնպիսի բրիտանական հեռուստասերիալներում և հեռուստատեսային ֆիլմերում, ինչպիսիք են՝ «Բաբելոն հյուրանոց», «Հեռավոր ափեր», «Մի քիչ լույս Քենդլֆորդում», «Դոնովան», «Սառա Ջեյնի արկածները»[4], «Սպանություն Միդսոմերում»։ Վերջին տարիներին Սամանդա Բոնդին կարելի է տեսնել հրավիրված աստղի դերում կամ «Դաունթոնի աբբայություն» և «Փոքրամասնություն» հեռուստասերիալներում երկրորդ պլանի դերակատարմամբ։
Ընտանիք
[խմբագրել | խմբագրել կոդը]Սամանտան ծնվել է դերասան Ֆիլիպ Բոնդի և հեռուստատեսային պրոդյուսեր Փեթ Սենդիսի ընտանիքում[5]։ Նա ունի ավագ եղբայր՝ Մեթյու անունով և քույր՝ Աբիգել անունով, ով նույնպես դերասանուհի է։ 1989 թվականին Սամանտան ամուսնացել է բրիտանացի թատերական դերասան Ալեքսանդր Հենսոնի հետ։ Նրանք ունեցել են երկու երեխա[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Broadway Database — 2000.
- ↑ 2,0 2,1 Discogs — 2000.
- ↑ Review of 2002 production of Daisy(չաշխատող հղում), Telegraph, 25 April 2002.
- ↑ «Doctor Who spin-off set for BBC». BBC News Online. 2006 թ․ սեպտեմբերի 14. Վերցված է 2006 թ․ սեպտեմբերի 14-ին.
- ↑ Brocklehurst, Philip (Winter 2011). «Mr Brocklehurst meets...». Mystmargarets.com. էջ 28. Արխիվացված է օրիգինալից 2014 թ․ փետրվարի 1-ին. Վերցված է 2014 թ․ հունվարի 21-ին.
- ↑ Wolf, Matt.«Samantha Bond on Her Ideal London Role Opposite Real-Life Husband Alexander Hanson», broadway.com, 5 January 2011; accessed 13 April 2014.
Արտաքին հղումներ
[խմբագրել | խմբագրել կոդը]
| ||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
