Ջոն Քերոլ Լինչ
 | |
|---|---|
 | |
| Ծնվել է | օգոստոսի 1, 1963 (61 տարեկան) |
| Ծննդավայր | Բոուլդեր, Կոլորադո, ԱՄՆ |
| Կրթություն | Ամերիկյան կաթոլիկ համալսարան և Regis Jesuit High School? |
| Քաղաքացիություն |  ԱՄՆ |
| Մասնագիտություն | դերասան, ռեժիսոր, կինոդերասան, կինոպրոդյուսեր և կինոռեժիսոր |
Ջոն Քերոլ Լինչ (ծնվել է 1963 թվականի օգոստոսի 1-ին) ամերիկացի դերասան և կինոռեժիսոր։ Նա առաջին անգամ ուշադրություն է գրավել Ֆարգո ֆիլմում (1996)՝ Նորմ Գունդերսոնի դերի կատարմամբ։ Նա նաև հայտնի է իր հեռուստատեսային աշխատանքով ABC սիթքոմում «Դրյու Քերիի շոուն» (1997–2004), որպես գլխավոր հերոսի եղբոր՝ Սթիվ Քերիի, ինչպես նաև «Ամերիկյան սարսափ պատմության» չորս սեզոններում (2014–2019): հատկապես որպես բեկումնային կերպար ՝ Թվիստի ծաղրածուն։ Նրա ֆիլմերից են՝ «Առանց դեմքի» (1997), «Զոդիակ » (2007), «Գրան Թորինո» (2008), « Անիծվածների կղզի» (2010), «Խելագար, հիմար սեր» (2011), «Տեդ 2» (2015), «Հրավեր» (2015), «Հիմնադիրը» (2016) և «Չիկագոյի յոթնյակի դատավարությունը» (2020)։ Նա իր ռեժիսորական դեբյուտը կատարեց 2017 թվականին Հաջողակ ֆիլմում։
Վաղ կյանք
[խմբագրել | խմբագրել կոդը]Լինչը ծնվել է Կոլորադո նահանգի Բոուլդեր քաղաքում։ Նա հաճախել է Դենվերի Regis Jesuit High School-ը։ Նա դերասանական արվեստ է ստացել Ամերիկայի Կաթոլիկ Համալսարանում, որն ավարտել է 1986 թվականին՝ Գեղարվեստի բակալավրի աստիճանով[1]։
Կարիերա
[խմբագրել | խմբագրել կոդը]Լինչն իր դեբյուտը կատարել է 1993-ին «Դժգոհ ծերունիներ» ֆիլմում։ Նա ուշադրություն է գրավել Կոեն եղբայրների 1996-ի «Ֆարգո» ֆիլմում, որտեղ կատարել է Նորմ Գանդերսոնի դերը։ Նրա մյուս նշանավոր ֆիլմերն են «Առանց դեմքի» (1997), «Գոթրիկա» (2003), «Այն, ինչ մենք կորցրեցինք կրակի մեջ» (2007), «Անիծվածների կղզի» (2010), «Փոլ» (2011) և «Խենթ, հիմար, սեր» (2011)։ Նա մարմնավորել է Արթուր Լի Ալենին «Զոդիակում» (2007) և McDonald's- ի առաջին հիմնադիր Մակ Մակդոնալդին «Հիմնադիրը» (2016) ֆիլմում։
Լինչը նաև մեծ կարիերա ունի հեռուստատեսությունում։ Նա հայտնվեց ABC-ի «Դրյու Քերիի շոու» սիթքոմում որպես գլխավոր հերոսի՝ Սթիվ Քերիի հավատացյալ եղբայր։ Նա նաև կանոնավոր դերասանական կազմում է Ամերիկյան սարսափ պատմություն հեռուստասերիալի 4-րդ,5-րդ,7-րդ և 9-րդ եթերաշրջաններում։
Նա նաև նկարահանվել է Ահարոն Սորկինի «Չիկագոյի յոթնյակի դատավարությունը» հայտնի ֆիլմում, որպես ակտիվիստ Դեյվիդ Դելլինգեր։
Անձնական կյանք
[խմբագրել | խմբագրել կոդը]Լինչը 1997 թվականից ամուսնացած է դերասանուհի Բրենդա Վեհլի հետ։
Ծանոթագրություններ
[խմբագրել | խմբագրել կոդը]- ↑ «Alumni Relations: Arts & Entertainment». The Catholic University of America. Արխիվացված է օրիգինալից 2016 թ․ մարտի 4-ին. Վերցված է 2015 թ․ հունիսի 28-ին.
 | Վիքիպահեստն ունի նյութեր, որոնք վերաբերում են «Ջոն Քերոլ Լինչ» հոդվածին։ |
| ||||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
