Պյոտր Իվանովսկի
Ծնվել է	մայիսի 24, 1906(1906-05-24)
Ծննդավայր	Q4326159?, Q4466037?, Նևելսկի շրջան, ԽՍՀՄ
Մահացել է	հոկտեմբերի 12, 1958(1958-10-12) (52 տարեկան)
Մահվան վայր	Լենինգրադ, ՌԽՖՍՀ, ԽՍՀՄ
Քաղաքացիություն	Ռուսական կայսրություն,  ՌԽՖՍՀ և  ԽՍՀՄ
Մայրենի լեզու	ռուսերեն
Կրթություն	Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ
Մասնագիտություն	նկարիչ
Անդամություն	ԽՍՀՄ նկարիչների միություն

Պյոտր Իվանովսկի (ռուս.՝ Пётр Иванович Ивановский, մայիսի 24, 1906(1906-05-24), Q4326159?, Q4466037?, Նևելսկի շրջան, ԽՍՀՄ - հոկտեմբերի 12, 1958(1958-10-12), Լենինգրադ, ՌԽՖՍՀ, ԽՍՀՄ), ռուս և խորհրդային գեղանկարիչ, գծանկարիչ և մանկավարժ, Լենինգրադի նկարիչների միության անդամ։

Պյոտր Իվանովսկին ծնվել է 1906 թվականի մայիսի 24-ին Նովոհովանսկ գյուղակում (այժմ` Պսկովի մարզի Նևելսկի շրջանում)։ 1929-1937 թվականներին սովորել է Լենինգրադի Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում` Դմիտրի Կարդովսկու, Միխայիլ Բերնշտեյնի և Վասիլի Շուխաևի մոտ։ 1937 թվականին ավարտել է ինստիտուտը` գեղանկարչի կոչումով։ Դիպլոմային աշխատանքը եղել է «Պարտիզանի հուղարկավորությունը»<sup>[1]</sup> նկարը։ Ինստիտուտն ավարտելուց հետո 1937 թվականից դասավանդել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում։ 1939-1941 թվականներին միաժամանակ սովորել է ասպիրանտուրայում։ Պատերազմի սկսումից հետո մինչև 1942 թվականը մնացել է Լենինգրադում։ 1942 թվականին տարահանվել է Կիրով։ Պատերազմից հետո 1945 թվականին վերադառնում է Ի. Ե. Ռեպինի անվան գեղանկարչության, քանդակագործության, ճարտարապետության լենինգրադյան ինստիտուտի իր ուսուցչական աշխատանքին։ Միաժամանակ շարունակել է աշխատանքը ասպիրանտուրայում և 1948 թվականին պաշտպանելով դիսերտացիոն աշխատանքը` «Ֆելիքս Ձերժինսկինը անապաստանների կողքին» նկարը, նրան շնորհվել է արվեստագիտության որակավորված թեկնածուի կոչում^[2]։

1937 թվականից մասնակցել է ցուցահանդեսների։ Նկարել է ժանրային և պատմական նկարներ, բնանկարներ և դիմանկարներ։ «Միխայիլ Կալինինի ելույթը աշխատավորների առջև Ֆինլանդական կայարանում` Պետրոգրադում. 1917 թվական» (1939 թվական), «Ընդհանուր գործադուլը Դոնի Ռոստովում. 1902 թվական» (1940 թվական), «Նևա» (1941 թվական), «Մեզ համար վրեժ լուծել»<sup>[3]</sup> (1943 թվական), «Փախստականները» (1945 թվական), «Գիշերային», «Խարույկի մոտ»<sup>[4]</sup> (երկուսն էլ` 1950 թվական), «Ղրիմ. Ձորակը», «Ղրիմ. Ճանապարհը»^[5] (երկուսն էլ` 1953 թվական), «Բարձունքների ճանապարհը»<sup>[6]</sup> (1956 թվական), «Անապա. Քարերը», «Բարձունքների ճանապարհը»<sup>[4]</sup> (երկուսն էլ` 1958 թվական) և այլ նկարների հեղինակ է։ Անհատական ցուցահանդեսները անց են կացվել 1977 թվականին Լենինգրադում և Ռուսաստանի գեղարվեստի ակադեմիայի թանգարանում։ 1945-1958 թվականներին դասավանդել է Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում։ Կերպարվեստի և գեղարվեստական կրթության հարցերով մի շարք հոդվածների հեղինակ է։

Մահացել է 1958 թվականի հոկտեմբերի 12-ին Լենինգրադում` 53 տարեկան հասակում։

Պյոտր Իվանովսկու ստեղծագործությունները պահվում են Ռուսաստանի և արտասահմանյան երկրների թանգարաններում և մասնավոր հավաքածուներում։

• Всесоюзная выставка молодых художников, посвященная 20-летию ВЛКСМ. М., 1939. С. 58.
• Молодые художники РСФСР. Выставка. М., 1941. С. 29.
• Выставка произведений ленинградских художников 1951 года. Каталог. — М-Л., Искусство. 1951. С. 17.
• Весенняя выставка произведений ленинградских художников 1954 года. Каталог. — Л: Изогиз, 1954. — с.10-11.
• Осенняя выставка произведений ленинградских художников. 1956 года. Каталог. — Л: Ленинградский художник, 1958. — с.12.
• 1917 — 1957. Выставка произведений ленинградских художников. Каталог. — Л: Ленинградский художник, 1958. — с.11.
• Осенняя выставка произведений ленинградских художников 1958 года. Каталог. — Л: Художник РСФСР, 1959. — с.27.
• П. И. Ивановский. 1906—1958. Живописью Графика. Каталог выставки. Л., 1977. 28 с.
• Художники народов СССР. Биобиблиографический словарь. Т. 4. Кн. 1. — М., 1983. С. 458—459.
• Matthew Cullerne Bown. A Dictionary of Twentieth Century Russian And Soviet Painters. 1900 — 1980s. — London: Izomar Limited, 1998.
• Иванов С. В. Неизвестный соцреализм. Ленинградская школа. — Санкт-Петербург: НП-Принт, 2007. — с.19, 384, 390. ISBN 5-901724-21-6, ISBN 978-5-901724-21-7.
• Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Санкт Петербург: «Первоцвет», 2007. — с.44.