Շառլ Բերբերյան
| Շառլ Բերբերյան (Charles Berberian) | |
|---|---|
 (Իններորդ արվեստի ժանրում | |
| Ծնվել է | մայիսի 28, 1959[1][2] (65 տարեկան) |
| Ծննդավայր | Բաղդադ, Իրաք[3] |
| Քաղաքացիություն | .svg){kind=small} Ֆրանսիա |
| Ազգություն | հայ, ֆրանսիացի |
| Ազդվել է | Ռալֆ Սթեդմանի (Ralph Steadman) |
| Մասնագիտություն | կոմիքսների արտիստ |
| Պարգևներ և մրցանակներ | |
| Անդամություն | Dupuy and Berberian? |
 Charles Berberian Վիքիպահեստում | |
Շառլ Բերբերյան (ֆր.՝ Charles Berberian, մայիսի 28, 1959[1][2], Բաղդադ, Իրաք[3]), հայկական ծագումով մուլտիպլիկատոր, ով ստեղծագործել է ֆրանսիացի Ֆիլիպ Դյուպյիի (Philippe Dupuy) հետ համատեղ և նրա հետ միասին հանդիսանում է ներկայիս ամենաանվանի հեղինակներից մեկն Իններորդ արվեստի ժանրում (ֆրանսախոս հասարակության մեջ ընդունված է այդպես անվանել պատկերապատումը՝ կոմիքսների պատկերման արվեստը)։ Շ. Բերբերյանը ռեժիսոր և սցենարիստ Ալեն Բերբերյանի եղբայրն է։
Կենսագործունեություն
[խմբագրել | խմբագրել կոդը]Ծնվելով Իրաքի Բաղդադ քաղաքում՝ Շառլ Բերբերյանն իր մանկության շատ տարիներ անցկացրել է Լիբանանում։ Երբ արդեն 18 տարեկան էր, Փարիզում սկսեց ուսումնասիրել գեղեցիկ արվեստները։
Շ. Բերբերյանի առաջին պատկերապատումները հրատարակվեցին «Band'à Part» պարբերականում։ Սեփական ոճի զարգացման վաղ շրջանում Շ. Բերբերյանի ստեղծագործությունները կրում էին Ռալֆ Սթեդմանի (Ralph Steadman) և Թոմի Ունգերերի (Tomi Ungerer) աշխատանքների ազդեցությունը[7]։
1983 թ. նա հանդիպում է Ֆիլիպ Դյուպյիին, որի հետ նա համագործակցել է մի շարք նախագծերում՝ և՛ որպես սցենարիստ, և՛ որպես արվեստագետ։
Բերբերյանը և Դյուպյին ստեղծագործել են մի շարք նախագծերում, սակայն նրանց հռչակ բերեց «Մեսյո Ժան» ("Monsieur Jean") պատկերապատումների շարքը, որոնցում նրանք ներկայացրել էին առօրյա կյանքի հումորը։ «Մեսյո Ժան»-ի պրեմիերան կայացավ «Frank Margerin Présente anthologies»-ում 1989 թ., որից կարճ ժամանակ անց պատկերապատումների ներկայացումը շարունակվեց «Yéti» պարբերականում։ «Մեսյո Ժան» շարքի պատկերապատումները նրբիմաստ և միաժամանակ հետաքրքիր, կլանիչ կերպով ներկայացնում են ժամանակակից սերունդը։ Բերբերյան-Դյուպյի դուետը 1999 թ. Ֆրանսիայի Անգուլեմ քաղաքում կայացած Angoulême Alph-Art միջազգային փառատոնում իր «Մեսյո Ժան 4. երջանիկ կյանք՝ առանց օդի» ստեղծագործական շարքի շնորհիվ դարձավ «Ֆրանսիական լավագույն պատկերապատումներով գիրքը» մրցանակի դափնեկիր։
Մրցանակները
[խմբագրել | խմբագրել կոդը]- 1989 թ. Գլխավոր մրցանակ՝ «Առաջին պատկերապատումներով գիրքը» նոմինացիայում, Պատկերապատումների Միջազգային Փառատոն Անգլուլեմում, Ֆրանսիա
- 1999 թ.՝ Գլխավոր մրցանակ՝ «Ֆրանսիական լավագույն պատկերապատումներով գիրքը» նոմինացիայում, Պատկերապատումների Միջազգային Փառատոն Անգլուլեմում, Ֆրանսիա
- 2003 թ.՝ Inkpot Award, ԱՄՆ
- 2008 թ.՝ Grand Prix de la ville d'Angoulême (Անգուլեմ քաղաքի գլխավոր մրցանակ)
Ծանոթագրություններ
[խմբագրել | խմբագրել կոդը]- ↑ 1,0 1,1 Lambiek Comiclopedia — Lambiek, 1999.
- ↑ 2,0 2,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 3,0 3,1 3,2 Who's Who in France (ֆր.) — Paris: 1953. — ISSN 0083-9531; 2275-0908
- ↑ https://www.20minutes.fr/culture/208908-20080127-monsieur-jean-prime-a-angouleme
- ↑ https://www.comic-con.org/awards/inkpot
- ↑ https://www.toutenbd.com/actualites/dupuy-et-berberian-grand-boum-2004/
- ↑ Շառլ Բերբերյանի մասին Lambiek.net կայքում(անգլ.)
 | Վիքիպահեստն ունի նյութեր, որոնք վերաբերում են «Շառլ Բերբերյան» հոդվածին։ |
| ||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
