Ներքին Անկուզիք
Անվան այլ կիրառումների համար տե՛ս՝ Անկուզիք (այլ կիրառումներ)
| Գյուղատեղի | ||
|---|---|---|
| Ներքին Անկուզիք | ||
| Երկիր |  Ադրբեջան | |
| ԻՀ | Նախիջևանի Ինքնավար Հանրապետություն | |
| Շրջան | Ջուղայի շրջան | |
| Համայնք | Ջուղայի շրջան | |
| Բնակչություն | 0 մարդ (2014) | |
| Ազգային կազմ | Հայեր էին | |
| Ժամային գոտի | UTC+4 | |
| ||
Ներքին Անկուզիք, նախկինում խոշոր միջնադարյան հայաբնակ գյուղ Մեծ Հայքի Սյունիք նահանգի Երնջակ գավառում, որը այժմ վերածվել է գյուղատեղիի ներկայիս Ադրբեջանական Հանրապետության կազմում գտնվող Նախիջևանի Ինքնավար Հանրապետության Ջուղայի շրջանում[1]։ Տեղակայված է Անկուզաձորի ներքևի մասում, անմիջապես դեպի Երնջակ բերդն իջնող ճանապարհի աջ կողմում[2]։
Պատմություն
[խմբագրել | խմբագրել կոդը]Գյուղն անմարդաբնակ է և ավերակ։ Այստեղ բնակվել է շուրջ 150 տուն հայ բնակչություն, որոնք տեղահան են արվել 19-րդ դարի կեսերին[2]։
Հուշարձաններ
[խմբագրել | խմբագրել կոդը]Ներքին Անկուզիքի ավերակներում դեռևս կիսակործան վիճակով կանգուն է նրա եկեղեցին։ Վերջինս գտնվում է գյուղի հյուսիսային թաղամասում և կառուցված է մշակված որձաքարերով, կրաշաղախով, իսկ 17-րդ դարի վերանորոգման ժամանակ օգտագործվել է աղյուս։ Այս հուշարձանը քառամույթ բազիլիկայի հորինվածք ունի, որի հատակագիծը բաղկացած է աբսիդից, զույգ ավանդատներից և դահլիճից։ Աբսիդը բազմանիստ հորինվածք ունի, որի հատակը դահլիճի հատակի հետ միևնույն հավասարությունն ունի։ Ըստ եկեղեցու հյուսիսային կողմում գտնվող ընդարձակ շինության ավերակների՝ կարելի է ենթադրել, որ այն եղել է սեղանատուն[2]։
Ինչպես Վերին և Միջին Անկուզիքների, այնպես էլ այս եկեղեցու անվանակոչումն անհայտ է։ Շինության շարվաքներում նկատվում են մի քանի վերանորոգումների հետևանքներ, որոնցից վերջինը վերաբերվում է 17-րդ դարին։ Ներքին Անկուզիքի հարավային կողմում, անմիջապես Վերին և Միջին գյուղերը տանող ճանապարհի ձախ կողմում գտնվում է գյուղի ընդարձակ գերեզմանատունը, ուր կան 13-18-րդ դարերի մի շարք վիմագիր խաչքարեր, հարթ, խոյաձև տապանաքարեր[2]։
Տես նաև
[խմբագրել | խմբագրել կոդը]Ծանոթագրություններ
[խմբագրել | խմբագրել կոդը]- ↑ Արգամ Այվազյան, Նախիջևանի ԻՍՍՀ հայկական հուշարձանները։ Համահավաք ցուցակ (խմբ. խմբ. Բ. Ա. Ուլուբաբյան), Երևան, «Հայաստան», 1986 — 80-82, էջեր 80-82 — 224 էջ։
- ↑ 2,0 2,1 2,2 2,3 Ա․ Ա․ Այվազյան, ՆԱԽԻՋԵՎԱՆ․ պատկերազարդ բնաշխարհիկ հանրագիտակ, Երևան, «Հուշարձան», 1995, էջ 105-106 — 368 էջ. — 2700 հատ, ISBN 5-8079-0911-9։
| ||||||||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
