Մենք ենք, մեր սարերը (ֆիլմ)
Անվան այլ կիրառումների համար տե՛ս՝ Մենք ենք, մեր սարերը
 Մենք ենք, մեր սարերը | |
|---|---|
.jpg) | |
| Երկիր |  ԽՍՀՄ.svg){kind=small} Հայկական ԽՍՀ |
| Ժանր | կինոկատագերգություն |
| Թվական | 1969 |
| Լեզու | հայերեն |
| Ռեժիսոր | Հենրիկ Մալյան |
| Սցենարի հեղինակ | Հրանտ Մաթևոսյան |
| Դերակատարներ | Մհեր Մկրտչյան, Սոս Սարգսյան, Խորեն Աբրահամյան, Ազատ Շերենց, Արտավազդ Փելեշյան և Արմեն Այվազյան |
| Օպերատոր | Կարեն Մեսյան |
| Երաժշտություն | Տիգրան Մանսուրյան |
| Կինոընկերություն | Հայֆիլմ |
| Տևողություն | 94 րոպե |
Մենք ենք մեր սարերը, Հենրիկ Մալյանի՝ Հրանտ Մաթևոսյանի համանուն ստեղծագործության հիման վրա նկարահանած գեղարվեստական կինոնկար։ Նկարահանվել է Հայֆիլմ կինոստուդիայում 1969 թվականին։
Սյուժե
[խմբագրել | խմբագրել կոդը]Իշխանի հոտում հայտնվում են անծանոթ ոչխարներ, և նա երեկոյան աշխատանքից հոգնած հովիվներին ու հնձվորներին առաջարկում է մորթել ոչխարները։ Առանց երկար-բարակ մտածելու, ընկերովի մորթում են ոչխարներն ու խորոված պատրաստում։ Խորովածն ուտելու պահին հայտնվում է Ռևազն ու միանում նրանց կերուխումին։ Ուտելուց հետո Ռևազը հիշում է, որ ոչխար է կորցրել ու հովիվներին հարցնում է, թե նրանք անծանոթ ոչխարներ չե՞ն տեսել արդյոք։ Իշխանն ու ընկերները հասկանում են, որ իրենց մորթածը Ռևազի ոչխարներն էին ու փորձում են վերջինիս խաբելով ճանապարհ դնել։ Միջամտում են Զավենն ու Պավլեն, ովքեր կոպտում են Ռևազին։
Ռևազի կինը դիմում է միլիցիային, և գյուղ գործուղված քննիչը փորձում է քանդել պատմության կծիկը։ Սակայն լեյտենանտը հասկանում է, որ արվածը դիտավորյալ գողություն չէ, և որոշում է հետաքննություն չանցկացնել։ Բայց իր ղեկավարության առաջ անաչառ երևալու համար նա սկսում է, օրենքի տառին համապատասխան, հետաքննել գործն ու հարցաքննել մասնակիցներին։
Քննությունը շարունակելու համար լեյտենանտը որոշում է գործի մասնակիցներին՝ Իշխանին, Ավագին, Պավլեին, Զավենին ու Ռևազին, տանել միլիցիայի բաժանմունք։ Իսկ քանի որ հենց այդ օրերին գյուղից պետք է ոչխարներ տանեին մթերակայան, նրանք քաղաք են գնում սարերով՝ իրենց հետ տանելով մթերման հոտը։
Ստեղծագործական խումբ
[խմբագրել | խմբագրել կոդը]- Սցենարիստ՝ Հրանտ Մաթևոսյան
- ռեժիսոր՝ Հենրիկ Մալյան
- օպերատոր՝ Կարեն Մեսյան
- կոմպոզիտոր՝ Տիգրան Մանսուրյան
- նկարիչներ՝ Ստեփան Անդրանիկյան, Միքայել Առաքելյան
- հնչյունային ռեժիսոր՝ Կարեն Կուրդիյան
- խմբագիր՝ Վ. Մնացականյան
Դերերում
[խմբագրել | խմբագրել կոդը]- Լեյտենանտ - Սոս Սարգսյան
- Իշխան - Մհեր Մկրտչյան
- Պավլե - Խորեն Աբրահամյան
- Ավագ - Ազատ Շերենց
- Զավեն - Արմեն Այվազյան
- Ռևազ - Արտավազդ Փելեշյան
Թևավոր խոսքեր
[խմբագրել | խմբագրել կոդը]«Ուսիդ կեղտը մաքրիր։»
«Սա կեղտ չի, թրիք է։ Կեղտն ու թրիքն էլ չեք տարբերում։»
«Գնացեք եզ էլ կերեք,գոմեշ էլ կերեք,իրար էլ կերեք․․․․»
«Մատանի,հարբեցող․․․․․քսան տարի օրինակ է գտել մարդ է զարմացնում․․․»
«Բա կարծում ես մի մարդով եզ շուռ տալը հե՞շտ է, մի մարդ սկի մի կնիկ էլ չի կարող շուռ տալ, ուր մնաց մի եզ։»
«Արածդ հունձ չի՞։ Հնձածդ խոտ չի՞»:
«Եվ այդ մարդը հիմա ուր է՞: Աշխատանքային գաղութում է։»
«Որ քեզ կանչում են ինչու չես բարեհաճում ժամանել, ընկեր մինիստր։ Թե սպասում էրի ետևիցդ ինքնաթիռ ուղարկեն։»
«Ես քեզանից շաաատ շնորհակալ եմ։ Թե որ դու ինձ չէիր կանչել ես ըսկի լողացողը չէի։»
Արտաքին հղումներ
[խմբագրել | խմբագրել կոդը]
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
