Ճապոնիայի կայսերական կնիք
 | |
| Մանրամասնություններ |
|---|
Ճապոնիայի կայսերական կնիք կամ Քրիզանթեմի կնիք (ճապ.՝ 菊の御紋 կիկու-նո գոմոն), Ճապոնիայի ազգային կնիքներից մեկը, պետական խորհրդանիշ՝ դեղին կամ նարնջագույն 16 թերթանի քրիզանթեմի տեսքով։ Ճապոնիայի կայսեր և կայսերական ընտանիքի կողմից օգտագործվող կնիքը և ընտանեկան գերբն է։ Տարբերվում է երկրի կառավարության գերբից։
Պատմություն
[խմբագրել | խմբագրել կոդը]Կամակուրայի ժամանակաշրջանից ի վեր կնիքը համարել են ճապոնական կայսրերի և ճապոնական կայսերական ընտանիքի անդամների խորհրդանիշը։
Կայսերական կնիքը երբեմն օգտագործվել է որպես ազգային զինանշան, չնայած Ճապոնիայում պաշտոնական զինանշան գոյություն չի ունեցել[1]։
Կառուցվածք
[խմբագրել | խմբագրել կոդը]Կայսերական կնիքը բաղկացած է կենտրոնական շրջանակից, որը շրջապատված է 16 թերթիկներով, որոնք շրջապատված են դրսի երկրորդ շարքի թերթերով։
Կիրառություն
[խմբագրել | խմբագրել կոդը]Քրիզանթեմի պատկերն առաջին անգամ օգտագործվել է Գո-Տոբա կայսեր կողմից։
Որպես կայսերական տան պատվանշան՝ քրիզանթեմի պատկերն ընդունվել է 1869 թվականից։ Մեյձիի հեղափոխության ժամանակ, 1871 թվականի հրամանագրով, բացի Ճապոնիայի կայսրից, ոչ ոք իրավունք չի ունեցել օգտագործել այդ կնիքը։
Երկրորդ համաշխարհային պատերազմից հետո այդ արգելքը հանվել է[2]։
Կայսերական ընտանիքի յուրաքանչյուր անդամ ունեցել է կայսերական կնիքի իր ձևափոխված տարբերակը` 14 թերթիկով։
Սինտոյի սրբավայրերը նույնպես օգտագործել են կայսերական կնիքը կամ դրա մի մասը փոփոխված տեսքով։
Ներկայումս քրիզանթեմի խորհրդանշական պատկերն օգտագործվում է Ճապոնիայի խորհրդարանի և դիվանագիտական հաստատությունների տարածքներում, ծառայում է որպես քաղաքական գործիչների ատրիբուտ, ինչպես նաև տեղադրվում է ճապոնական արտասահմանյան անձնագրերի շապիկներին։
Պատկերասրահ
[խմբագրել | խմբագրել կոդը]-
Փոստային նամականիշ -
«Միկասա» ռազմանավ -
Ճապոնիայի կայսերական գահ -
Ճապոնական անձնագիր
Տես նաև
[խմբագրել | խմբագրել կոդը]- Ճապոնիայի կառավարության կնիք
- Քրիզանթեմ և թուր
Ծանոթագրություններ
[խմբագրել | խմբագրել կոդը]- ↑ [ГОСУДАРСТВЕННЫЙ ГЕРБ // Япония от А до Я. Популярная иллюстрированная энциклопедия. (CD-ROM). — М.: Directmedia Publishing, «Япония сегодня», 2008. — ISBN 978-5-94865-190-3. «Популярная иллюстрированная энциклопедия»].
((cite web)): Check|url=value (օգնություն) - ↑ «Государственные символы Японии». Info-Japan.ru (անգլերեն). Վերցված է 2020 թ․ դեկտեմբերի 25-ին.
 | Վիքիպահեստն ունի նյութեր, որոնք վերաբերում են «Ճապոնիայի կայսերական կնիք» հոդվածին։ |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
