Հրաչուհի Ջինանյան
 | |
|---|---|
 | |
| Ծնվել է | նոյեմբերի 25, 1919 |
| Ծննդավայր | Կոստանդնուպոլիս |
| Մահացել է | սեպտեմբերի 19, 2012 (92 տարեկան) |
| Մահվան վայր | Երևան, Հայաստան |
| Կրթություն | Երևանի պետական համալսարան (1941) |
| Քաղաքացիություն |  Հայաստան |
| Մասնագիտություն | դերասանուհի |
| Ամուսին(ներ) | Հայկարամ Ութմազյան |
| Երեխա(ներ) | Արթուր Ութմազյան |
| Պարգևներ և մրցանակներ | |
Հրաչուհի Ջինանյան (նոյեմբերի 25, 1919, Կոստանդնուպոլիս - սեպտեմբերի 19, 2012, Երևան, Հայաստան[1]), դերասանուհի, հաղորդավարուհի, ՀԽՍՀ ժողովրդական արտիստ, Երևանի պատվավոր քաղաքացի։
Կենսագրություն
[խմբագրել | խմբագրել կոդը].jpg)
Հրաչուհի Ջինանյանը ծնվել է 1919 թվականի նոյեմբերի 25-ին, Կոստանդնուպոլիսում։ 1925 թվականին ներգաղթել է Խորհրդային Հայաստան։ 1936-1941 թվականներին սովորել է Երևանի պետական համալսարանի բանասիրական ֆակուլտետում։ 1941 թվականից աշխատել է Հայաստանի հանրային ռադիոյում` որպես հաղորդավար, ապա` խմբագիր և ռեժիսոր։ Երևանի պետական թատերական ինստիտուտի հիմնադրման օրվանից մինչև 2002 թվականը զբաղվել է մանկավարժական գործունեությամբ, երկար տարիներ ղեկավարել բեմական խոսքի ամբիոնը։
Արժանացել է բազմաթիվ պատվոգրերի ու մրցանակների, պարգևատրվել պետական պարգևներով։ 1977 թվականին արժանացել է ՀԽՍՀ ժողովրդական արտիստի պատվավոր կոչման։ 1984 թվականին ստացել է բեմական խոսքի ամբիոնի պրոֆեսորի կոչում։ 2001 թվականին պարգևատրվել է «Մովսես Խորենացու մեդալով»։ 2003 թվականին արժանացել է «Երևանի պատվավոր քաղաքացի» կոչմանը։ Ջինանյանի ստեղծագործական գործունեության մեջ առանձնահատուկ տեղ է զբաղեցնում ասմունքի ժանրը[2]։
Պարգևներ
[խմբագրել | խմբագրել կոդը]- ՀԽՍՀ ժողովրդական արտիստ, 1977
- Բեմական խոսքի ամբիոնի պրոֆեսոր, 1984
- Մովսես Խորենացու մեդալ, 2001
- «Երևանի պատվավոր քաղաքացի», 2003
Ծանոթագրություններ
[խմբագրել | խմբագրել կոդը]- ↑ Մահացել է սիրված դերասանուհի Հրաչուհի Ջինանյանը
- ↑ Ով ով է. Հայեր. Կենսագրական հանրագիտարան, հատոր երկրորդ, Երևան, 2007.
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
