Հասմիկ Կիրակոսյան
- Վիքիպեդիայում կան հոդվածներ Կիրակոսյան ազգանունով այլ մարդկանց մասին։
Հասմիկ Կիրակոսյան | |
---|---|
Ծնվել է | հոկտեմբերի 27, 1942 |
Ծննդավայր | Լենինական, Հայկական ԽՍՀ, ԽՍՀՄ |
Մահացել է | մայիսի 9, 2021 (78 տարեկան) |
Քաղաքացիություն | ԽՍՀՄ և Հայաստան |
Կրթություն | Շիրակի պետական համալսարան և Շևչենկոյի անվան համալսարան |
Մասնագիտություն | մշակութային գործիչ |
Պարգևներ և մրցանակներ |
Հասմիկ Պարույրի Կիրակոսյան (հոկտեմբերի 27, 1942, Լենինական, Հայկական ԽՍՀ, ԽՍՀՄ - մայիսի 9, 2021[1]), հայ մշակութային գործիչ։ ՀՀ մշակույթի վաստակավոր գործիչ (2004)։ Գյումրիի Միքայել Նալբանդյանի պետական ինստիտուտի պատվավոր պրոֆեսոր։
Կենսագրություն
[խմբագրել | խմբագրել կոդը]Հասմիկ Պարույրի Կիրակոսյանը ծնվել է 1942 թվականի հոկտեմբերի 27-ին, Լենինականում։ 1949-1959 թվականներին սովորել է Լենինականի թիվ 26 միջնակարգ դպրոցում, 1959-1963 թվականներին՝ Լենինականի Միքայել Նալբանդյանի անվան մանկավարժական ինստիտուտի պատմա-բանասիրական ֆակուլտետում։ Հոռոմ գյուղի դպրոցում աշխատել է որպես հայոց լեզվի և գրականության ուսուցչուհի[2]։ 1964 թվականին եղել է «Անի»-ի արտադրական միավորման դպրոցական բաժնի վարիչ, այնուհետ՝ Արթիկի կոմերիտական շրջկոմի 2-րդ քարտուղար։ Մոսկվայում կոմ բարձրագույն դպրոցում սովորելուց հետո աշխատանքի է անցել Հայաստանի կենտրոնական կոմիտեում, այնուհետև Լենինականում զբաղվել է դասախոսական գործունեությամբ, միաժամանակ սովորել և ավարտել է Կիևի Շևչենկոյի անվան պետական համալսարանի ասպիրանտուրան՝ փիլիսոփայության գծով։
1976 թվականից եղել է Լենինականի քաղաքային խորհրդի մշակույթի բաժնի վարիչը, 1996 թվականից նշանակվել է Շիրակի մարզպետարանի մշակույթի բաժնի վարիչ, 2009-2018 թվականներին եղել է Շիրակի մարզպետի խորհրդական[3][4], 2018 թվականին նշանակվել է Գյումրու քաղաքապետի խորհրդականի պաշտոնում[5]։
Պարգևներ
[խմբագրել | խմբագրել կոդը]- Մովսես Խորենացու մեդալ, 2000,
- Գրիգոր Նարեկացու մեդալ,
- «Հայրենիքին մատուցած ծառայությունների համար» 2-րդ աստիճանի մեդալ,
- Ազգային ժողովի պատվո մեդալ,
- ՀՀ վարչապետի հուշամեդալ,
- Ազգային ժողովի պատվո մեդալ,
- ՀՀ մշակույթի վաստակավոր գործիչ, 2004,
- ՀՀ մշակույթի նախարարության ոսկե մեդալ, 2007,
- Սուրբ Էջմիածնի հոգևոր մեդալ,
- ՀՀ թատերական միության ոսկե մեդալ,
- Երկրապահ կամավորականների մեդալ,
- Մ. Նալբանդյանի պետական ինստիտուտի պատվավոր պրոֆեսորի կոչում և ոսկե մեդալ,
- Գյումրու երախտավոր մեդալ,
- ՀՀ Շիրակի մարզպետարանի հուշամեդալ,
- Գյումրու պատվավոր քաղաքացի։
Ծանոթագրություններ
[խմբագրել | խմբագրել կոդը]- ↑ «Մահացել է Հասմիկ Կիրակոսյանը».
- ↑ «Հասմիկ Կիրակոսյան. «Ես այդպես էլ ընկա, սոսնձվեցի, սիրահարվեցի և մնացի մշակույթում՝ արդեն 40 տարի»». Hetq.am. Վերցված է 2021 թ․ մայիսի 9-ին.
- ↑ «Այսօր իր վաստակած հանգստին գնաց ՀՀ Շիրակի մարզպետի խորհրդական Հասմիկ Կիրակոսյանը - Շիրակի մարզպետարան». shirak.mtad.am. Վերցված է 2021 թ․ մայիսի 9-ին.
- ↑ «Շիրակի նոր մարզպետն աշխատանքից ազատել է մշակույթի վաստակավոր գործչին». archive3.ankakh.com (անգլերեն). Արխիվացված է օրիգինալից 2021 թ․ մայիսի 10-ին. Վերցված է 2021 թ․ մայիսի 9-ին.
- ↑ «Հասմիկ Պարույրի Կիրակոսյան». Արխիվացված է օրիգինալից 2021-05-09-ին. Վերցված է 2021-05-09-ին.
Text is available under the CC BY-SA 4.0 license; additional terms may apply.
Images, videos and audio are available under their respective licenses.