Առողջապահության ազգային ինստիտուտ
| Առողջապահության ազգային ինստիտուտ | |
|---|---|
.jpg) | |
| Տեսակ | գիտահետազոտական ինստիտուտ |
| Երկիր |  Հայաստան[1][2][3] |
| Հիմնադրված | 1963 |
| Գլխավոր քարտուղար | Ալեքսանդր Բազարչյան |
| Անվանված է | Սուրեն Ավդալբեկյան |
| Կայք | nih.am(հայ.) |
ՀՀ ԱՆ Առողջապահության ազգային ինստիտուտ, ՀՀ ԱՆ «Ակադեմիկոս Սուրեն Ավդալբեկյանի անվան առողջապահության ազգային ինստիտուտ» ՓԲԸ, Հայաստանի առողջապահության նախարարության կողմից հիմնադրված ինստիտուտ[4], որը Հայաստանի բնակչությանը մատուցվող առողջապահական ծառայությունների որակի բարելավման նպատակով Հայաստանի տարածքում գործող առողջապահական հաստատություններում իրականացնում է ազգային կլինիկական ուղեցույցների և դրանց հիման վրա մշակված ազգային կլինիկական գործելակարգերի ներդրում ու գործարկում, իրականացնում է աշխատանքներ ուղղված առողջապահության զարգացման խնդիրների լուծմանը, գիտականորեն հիմնավորում և մշակում է առողջապահության կազմակերպման, կառավարման, ֆինանսավորման և տնտեսվարման ժամանակակից մեխանիզմների մոդելները, բժշկատնտեսագիտական ստանդարտները` պատրաստելով համապատասխան նորմատիվային փաստաթղթերի նախագծերը[5]։
Պատմություն
[խմբագրել | խմբագրել կոդը]Ինստիտուտը հիմնադրվել է 1995 թվականին որպես ՀՀ առողջապահության նախարարության ակադեմիկոս Ս. Ավդալբեկյանի անվան առողջապահության ազգային ինստիտուտ պետական ձեռնարկություն, 1999 թվականի մայիսի 12-ին վերանվանվել է ՀՀ ԱՆ «Ակադեմիկոս Սուրեն Ավդալբեկյանի անվան առողջապահության ազգային ինստիտուտ» ՓԲԸ։ Ինստիտուտն անվանվել է ի պատիվ ակադեմիկոս, ՀԽՍՀ վաստակավոր բժիշկ Սուրեն Ավդալբեկյանի[6]։ Ինստիտուտը հիմնադրվել է 1958 թվականին Երևանի պետական բժշկական համալսարանում ստեղծված բժիշկների կատարելագործման ֆակուլտետի հենքի վրա (1963 թվականին՝ բժիշկների կատարելագործման Երևանի համամիութենական ինստիտուտ)[7]։
Գործառույթներ
[խմբագրել | խմբագրել կոդը]- բժշկական կլինիկական ուղեցույցների պատրաստում՝ ըստ նոզոլոգիաների
- կլինիկական չափորոշիչների, չափորոշչավորման պատասխանատու օղակների գործառույթների, կառուցվածքային և ֆինանսատեխնիկական ապահովման մեխանիզմների մշակում, ներդրում և վերահսկում
- առողջապահության համակարգի գործունեության արդյունավետ գնահատման նպատակով տեղեկատվության հավաքագրում
- ազգային զեկույցների պատրաստում
- առողջապահության կադրային ներուժի վերաբերյալ տվյալների հավաքագրում և շտեմարանի ստեղծում
Ծանոթագրություններ
[խմբագրել | խմբագրել կոդը]- ↑ Միջազգային տիպօրինակ անունների նույնացուցիչ — 2012.
- ↑ Google Maps — 2005.
- ↑ Global Research Identifier Database — 2015.
- ↑ «Առողջապահության ազգային ինստիտուտ». moh.am. Վերցված է 2017 թ․ մարտի 9-ին.
- ↑ «ԱՌՈՂՋԱՊԱՀՈՒԹՅԱՆ ԱԶԳԱՅԻՆ ԻՆՍՏԻՏՈՒՏ, ակադ. Ս.Խ. Ավդալբեկյանի անվան». www.med-practic.com. Վերցված է 2017 թ․ մարտի 9-ին.
- ↑ «Ակադեմիկոս Սուրեն Խաչատուրի Ավդալբեկյան | ԱԱԻ Հայաստան». nih.am. Արխիվացված է օրիգինալից 2017 թ․ հունվարի 30-ին. Վերցված է 2017 թ․ մարտի 9-ին.
- ↑ Admin. «Երևանի պետական բժշկական համալսարանի համառոտ պատմությունը». www.ysmu.am. Արխիվացված է օրիգինալից 2017 թ․ հոկտեմբերի 12-ին. Վերցված է 2017 թ․ մարտի 9-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Առողջապահության ազգային ինստիտուտ» հոդվածին։ |
| ||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
