Խոհարար, մարդ որի մասնագիտությունը ուտելիքի պատրաստումն է։ Կան նաև այդ մասնագիտության պաշտոններ տարբեր կազմակերպություններում, օրինակ՝ ավագ խոհարար, խոհարար հրուշակագործ և այլն։

Նավատորմում խոհարարին անվանում են կոկ։

Պատրաստում են ապուրներ, երկրորդ ճաշատեսակները և այլ ուտելիքներ։ Գիտեն, թե ինչպես ճիշտ պահեն մթերքը, պատրաստում են տարբեր ճաշատեսակներ ըստ բաղադրատոմսերի և կարողանում են կազմակերպել պատրաստումը։ Կազմակերպում է մթերքի պահպանումը, ըստ սանիտարահիգիենիկ կանոնների։ Չնայած նրան, որ խոհարարը պատրաստում է ուտելիքը ըստ բաղադրատոմսերի, նա նաև կարող է փոփոխություններ անել, կախված հումքի որակից և հաճախորդների քանակից։ Աշխատում է բարձր ջերմաստիճանի պայմաններում։

Խոհարարի մասնագիտություն կարող են ստանալ հատուկ քոլեջներում, միջին և բարձրագույն մասնագիտական հաստատություններում։

• Շեֆ խոհարար (executive chef կամ head chef)

Կազմակերպում է անհրաժեշտ մթերքի, հումքի և կիսաֆաբրիկատի ձեռք բերումը և պահեստում դրանք ճիշտ դասավարում, վերահսկում է դրանց պիտանելիության ժամկետը և նմուշակազմը։ Ուսումնասիրում է հաճախորդի պատվերները և կազմում ճաշացուցակը։ Վերահսկում է աշխատակիցների ճաշատեսակները պատրաստելու տեխնիկան, նրանց անձնական հիգիենան և սանիտարական պահանջները։ Կազմակերպում է խոհարարների ու արտադրության այլ աշխատակիցների տեղաբաշխումը և նրանց գրաֆիկը։ Կազմում է պատրաստի ուտելիքի խոտանորոշումը։

• Խոհարար հրուշակագործ

Մասնագիտացված է հրուշակեղենի պատրաստման մեջ։

• Խոհարար տեխնոլոգ

Կազմակերպում է պատրաստման գործընթացը։ Որոշում է հումքի որակը, հաշվարկում է ուտելիքի պատրաստման համար դրա անհրաժեշտ քանակը, դրանց կալորիականությունը, կազմում է ճաշացուցակը և գնացուցակը։ Պատրաստում է նոր ճաշատեսակներ և կազմում դրանց տեխնոլոգիական քարտերը։ Վերահսկում է ծախսված և ստացած ֆինանսը։

• Վարպետ խոհարար

Կազմում է ճաշացուցակը, ուտելիքի պատվերները, պատրաստում է ճաշատեսակները, կատարում է զտումը, խառնումը, մանրացումը, կաղապարումը, լցոնումը, վերահսկում է ջերմաստիճանը, որոշում է ուտելիքի ուտելիքի պատրաստ լինելը, ըստ հոտի, արտաքին տեսքի, գույնի և համի և դրանք ձևավորում է գեղարվեստական կերպով։

• Ջադա Դե Լաուրենտիս (ծնվ.՝ 1970), իտալիա-ամերիկացի խոհարար։
• Գորդոն Ռամզի (ծնվ.՝ 1966), բրիտանացի խոհարար
• Ջեյմի Օլիվեր (ծնվ.՝ 1975), անգլիացի խոհարար

Աշխարհի լավագույն խոհարարների ոչ պաշտոնական խումբը ձևավորվել է 2010 թվականին և բաղկացած է 9 հոգուց։

• «Խոհարարները եկել են մրցույթի», գեղարվեստական ֆիլմ։
• «Խոհարարը, գողը, նրա կինը և նրա սիրեկանը», անգլիա-ֆրանսիական ֆիլմ։
• «Ամերիկյան խոհանոց», գեղարվեստական ֆիլմ։
• «Неотразимая Марта» (Германия, Италия, Австрия, Швейцария, 2001 год)
• «Գող խոհարարը», գեղարվեստական ֆիլմ։
• «Խոհարար», գեղարվեստական ֆիլմ։
• «Բեռլինյան ձևով եփած նապաստակ»
• «Ռատատույ (ֆիլմ)», ամերիկյան մուլտֆիլմ։
• «Կյանքի համը», 2007 թվականի ռոմանտիկ կատակերգություն։
• «Փոքրիկ խոհարարի արկածները» (անգլ.՝ The Adventures of Food Boy), ամերիկյան կատակերգություն։
• «Հոգևոր խոհանոց», 2009 թվականի կատակերգություն։
• «Խոհանոց», 2012 թվականի ռուսական կատակերգություն։
• «Շեֆ», 2012 թվականի ֆրանկ-իսպանական կատակերգություն։
• «Խոհարարը անիվների վրա» (անգլ.՝ Chef), 2014 թվականի կատարկերգություն, որի ռեժիսորը և սցենարիստը Ջոն Ֆավրոն է։

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Խոհարար կատեգորիայում։