Խամուրի լեռնաշղթա
Խամուրի լեռնաշղթա | |
---|---|
Տեսակ | լեռնաշղթա |
Երկիր | Թուրքիա[1] |
Վարչատարածքային միավոր | Մուշի մարզ և Էրզրումի մարզ |
Բարձրություն (ԲԾՄ) | 2924 մետր |
Երկարություն | 30 կմ |
Խամուրի լեռներ, հրաբխային խոշոր լեռնազանգված Հայկական լեռնաշխարհի կենտրոնական մասում, Բյուրակն լեռնազանգվածից հարավ-արևելք, Խնուս քաղաքից հարավ-արևելք, Խուսի դաշտի հարավային սահմանում։ Բարձրությունը 2924 մ է, ջրբաժան է Արածանու և նրա վտակ Խնուսի միջև։ Լանջերը զառիթափ են, մակերևույթը՝ բլրա-ալիքավոր, կան քարակարկառներ։ Կազմված է վերին պլիոցենի և անթրոպոգենի անդեզիտաբազալտային լավաներից։ Ծածկված է հարուստ ու փարթամ բուսականությամբ։ Սրա վրա կա համանուն բերդ։ Ըստ ոմանց լեռան անունը առաջացել է բերդի անունից։ Հայտնի է իր քյաֆիր վարդով։ «Խամբլերդի վերեվեն, Քաֆիր վարդի տերևեն», — երգել է ժողովուրդը[2]։
Ծանոթագրություններ
[խմբագրել | խմբագրել կոդը]- ↑ GEOnet Names Server — 2018.
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 637 — 992 էջ։
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 10)։ |
Text is available under the CC BY-SA 4.0 license; additional terms may apply.
Images, videos and audio are available under their respective licenses.