Իվան Լազարով (քանդակագործ)
| Իվան Լազարով | |
|---|---|
.jpg) | |
| Ծնվել է | հոկտեմբերի 2, 1889[1] |
| Ծննդավայր | Կառլովո, Բուլղարիայի իշխանություն |
| Մահացել է | նոյեմբերի 4, 1952[1] (63 տարեկան) |
| Վախճանի վայրը | Սոֆիա, Բուլղարիայի Ժողովրդական Հանրապետություն |
| Քաղաքացիություն | .svg){kind=small} Բուլղարիա |
| Կրթություն | Սոֆիայի արվեստի և արդյունաբերության պետական ուսումնարան Մյունխենի գեղարվեստի ակադեմիա |
| Ուսուցիչ | Ժեկո Սպիրիդոնով |
| Մասնագիտություն | քանդակագործ |
| Պարգևներ և մրցանակներ | Բուլղարիայի վաստակավոր նկարիչ (1952) Բուլղարիայի ժողովրդական նկարիչ (1969) |
| Անդամություն | Բուլղարիայի գիտությունների ակադեմիա |
 Ivan Lazarov Վիքիպահեստում | |
Իվան Լազարով (բուլղար․՝ Иван Лазаров; հոկտեմբերի 2, 1889[1], Կառլովո, Բուլղարիայի իշխանություն - նոյեմբերի 4, 1952[1], Սոֆիա, Բուլղարիայի Ժողովրդական Հանրապետություն), բուլղարացի քանդակագործ, մանկավարժ, պրոֆեսոր (1919-1952), Բուլղարիայի գեղարվեստի ազգային ակադեմիայի ռեկտոր, Բուլղարիայի վաստակավոր (1952), ժողովրդական (1969) նկարիչ, Բուլղարիայի գիտությունների ակադեմիայի ակադեմիկոս (194))։
Կենսագրություն
[խմբագրել | խմբագրել կոդը]Իվան Լազարովը ծնվել է Կառլովոյում 1889 թվականին։ 1907-1912 թվականներին սովորել է Սոֆիայի արվեստի և արդյունաբերության պետական ուսումնարանի քանդակագործության բաժնում՝ պրոֆեսոր Ժեկո Սպիրիդոնովայի դասարանում։ Կրթությունը շարունակելու նպատակով Բուլղարիայի Լուսավորության նախարարության կողմից ստանում է կրթաթոշակ և ուսումը շարունակում Մյունխենի և Դրեզդենի ակադեմիաներում։
Հայրենիք վերադառնալով՝ 1919-1924 թվականներին Սոֆիայում նկարչություն է դասավանդում, իսկ գեղարվեստի պետական ակդեմիայում՝ քանդակագործություն։
1932-1935, 1937-1939, 1943-1945 թվականներին եղել է Սոֆիայի գեղարվեստի ազգային ակադեմիայի ռեկտորը։
1944 թվականի սեպտեմբերի 9-ի հեղափոխությունից հետո, երբ Բուլղարիայում իշխանության են գալիս խորհրդային ուժերը, ակադմեիկոս Իվան Լազարևը ձերբակալվում է և որոշ ժամանակ անցկացնում բանտում։ Բանտից ազատվում է ակադեմիկոս Թոդոր Պավլովի միջամտությամբ։
Բուլղարիայի գիտությունների ակադեմիային կից Արվեստաբանության ինստիտուտի նախաձեռնողն ու առաջին տնօրենն է եղել 1949-1952 թվականներին։
Ստեղծագործություններ
[խմբագրել | խմբագրել կոդը]Իվան Լազարովի գործերը կերտված են քարից, փայտից, նվիրված են Բուլղարիայի աշխատավոր ժողովրդին և տարբերվում են ճշմարտացիությամբ և մարդկայնությամբ, կերպարների ամբողջականությամբ, ազգային ժողովրդական բնավորության նուրբ պատկերացմամբ, ընդհանրացված ծավալով։
1910-ական թվականներին ստեղծել է դրամատիկ հակապատերզմյան կոմպոզիցիաներ, ստեղծել է մարդկանց ընդհանրացված կերպարներ, որոնք տարբերվում են կենսական արտահայտչականությամբ և պատկերների մոնումենտալ ամբողջականությամբ։
- «Կրկին պատերազմում» (1915)
- «Զրուցող գյուղացիները» (1920-ական թվականներ)
- «Աշխատավորը» (1937)
- «Բանվորը» (1946-1947)
- «Մայրը» (Դիմչո Դեբելյանովի գերեզմանին)
Քանդակագործի աշխատանքներից գտնվում են Սոֆիայի ազգային գեղարվեստի պատկերասրահում։
Պատկերասրահ
[խմբագրել | խմբագրել կոդը]
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Nedeva-Wegener J. Lazarov, Ivan // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — doi:10.1093/GAO/9781884446054.ARTICLE.T049741
Գրականություն
[խմբագրել | խմբագրել կոդը]- Популярная художественная энциклопедия. Под ред. Полевого В.М.; М.: Издательство "Советская энциклопедия", 1986.
Արտաքին հղումներ
[խմբագրել | խմբագրել կոդը]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
