Թեյթ Թեյլոր
 անգլ.՝ Tate Taylor | |
|---|---|
 | |
| Ծնվել է | հունիսի 3, 1969 (55 տարեկան) |
| Ծննդավայր | Ջեքսոն |
| Կրթություն | Միսիսիպիի համալսարան |
| Քաղաքացիություն |  ԱՄՆ |
| Մասնագիտացում | կինոռեժիսոր, սցենարիստ, դերասան և կինոպրոդյուսեր |
| IMDb | ID ID 0853238 |
Թեյթ Թեյլոր,(անգլ.՝ Tate Taylor, հունիսի 3, 1969, Ջեքսոն), ամերիկացի կինոռեժիսոր, դերասան, սցենարիստ և կինոպրոդյուսեր։ Մեծ ճանաչում է ձեռք բերել շնորհիվ «Սպասուհի» (2011 թ.) և «Կինը գնացքում» (2016 թ.) ֆիլմերով։
Կենսագրություն
[խմբագրել | խմբագրել կոդը]Թեյթ Թեյլորը ծնվել և մեծացել է Ջեքսոնում, Միսիսիպի նահանգում, ԱՄՆ։ Ավարտել է Միսիսիպի Համալսարանը։ Որոշ ժամանակ ապրել է Նյու Յորքում, այնուհետև տեղափոխվել է Լոս Անջելես, որտեղ էլ սկսել է իր գործունեությունը կինոյի ասպարեզում։
Որպես դերասան Թեյթը կատարել է իր դեբյուտը էպիզոդիկ դերով 1995 թվականին «Դրյու Քերի շոու» սերիալում։ Իր ռեժիսորական կարիերան Թեյլորը սկսել է 2003 թվականին, թողարկելով «Ճուտիկների խնջույքը» կարճամետրաժ ֆիլմը, որտեղ նա հանդես է եկել որպես ռեժիսոր, սցենարիստ, դերասան և պրոդյուսեր։ Կարճամետրաժ ֆիլմը ստացել է բազմաթիվ մրցանակներ 12 տարբեր կինոփառատոններում։ Այս նկարով սկսեց Թեյլորի համագործակցությունը դերասանուհի Օկտավիա Սփենսերի հետ, որի դերը «Սպասուհի» ֆիլմում բերեց նրան մրցանակներ։
Որպես լիամետրաժ ֆիլմի սցենարիստ և ռեժիսոր Թեյլորը կատարել է իր դեբյուտը 2008 թվականին, «Հիանալի տգեղները» ֆիլմով։ Կատակերգության նկարահանումները անցել են Glacier ժողովրդական այգում Մոնտանայում, Չիկագոյում և Լոս Անջելեսում։ Շնորհիվ դժվար օպերատորական հնարքների և հիանալի դերասանական կազմի ֆիլմը Թեյլորին ճանաչում բերեց հոլիվուդյան ռեժիսորների և սցենարիստների շրջանում։
Վերջին կինոնկարներից մեկը, որտեղ Թեյթը հանդես է եկել որպես դերասան, «Ձմեռային ոսկոր» ֆիլմն է, Դենիել Վուդրելլի վեպի մոտիվներով։ Ֆիլմը ստացել է Գրան-պրի Սանդենս կինոփառատոնում։
2011 էկրան է բարձրանում Թեյլորի 3-րդ ռեժիսորական աշխատանքը՝ «Սպասուհի» դրաման, Քեթրին Ստոկեթի համանուն վեպի էկրանավորումը։ Ֆիլմի նկարահանումները սկսել են 2010 թվականի հուլիսին, Գրինվուդ քաղաքում։ Ֆիլմում նկարահանվել են Էմմա Սթոունը, Բրայս Դալլաս Հովարդը, Ջեսսիկա Չեսթեինը, Վիոլա Դեյվիսը և Օկտավիա Սփենսերը։ Ֆիլմը արժանացել է կինոքննադատների դրական արձագանքներին, ստացել է կինոմրցանակներ, նոմինացվել է «Ոսկե Գլոբուս» և «Օսկար»։
Ֆիլմագրություն
[խմբագրել | խմբագրել կոդը]Դերասանական աշխատանքները
[խմբագրել | խմբագրել կոդը]- 1995 - 2004 թթ. - «Դրյու Քերի Շոու» / The Drew Carey Show - Ջիմ
- 1997 թ. - «Ռոմին ու Միշելը շրջանավարտների հանդիպմանը » / Romy and Michele's High School Reunion - Քեյսի
- 2003 թ. - «Ճուտիկների խնջույք» / Chicken Party - Լյուկ Սմիթ
- 2004 թ. - «Բաժանումների հանրագիտարանը» / Breakin' All the Rules - օգնական
- 2008 թ. - «Հիանալի տգեղները» / Pretty Ugly People - Ջորջի ընկերը
- 2008 թ. - «Թշվառ կյանք» / Sordid Lives: The Series - Րիչի Միլլեր
- 2011 թ. - «Ձմեռային ոսկոր» / Winter's Bone - Մայք
Ռեժիսորական աշխատանքներ
[խմբագրել | խմբագրել կոդը]- 2003 թ. - «Ճուտիկների խնջույք» / Chicken Party
- 2008 թ. - «Հիանալի տգեղները» / Pretty Ugly People
- 2011 թ. - «Սպասուհի» / The Help
- 2014 թ. - «Ջեյմս Բրաուն. ճանապարհ դեպի վեր» / Get on Up
- 2015 թ. - «Գրեյսը և Ֆրենկին» / Grace and Frankie
- 2016 թ. - «Կինը գնացքում» / The Girl on the Train
Սցենարական աշխատանքներ
[խմբագրել | խմբագրել կոդը]- 2003 թ. - «Ճուտիկների խնջույք» / Chicken Party
- 2008 թ. - «Հիանալի տգեղները» / Pretty Ugly People
- 2011 թ. - «Սպասուհի» / The Help
Պրոդյուսերական աշխատանքներ
[խմբագրել | խմբագրել կոդը]- 2003 թ. - «Ճուտիկների խնջույք» / Chicken Party
- 2008 թ. - «Հիանալի տգեղները» / Pretty Ugly People
- 2011 թ. - «Սպասուհի» / The Help
- 2014 թ. - «Ջեյմս Բրաուն. ճանապարհ դեպի վեր» / Get on Up
- 2015 թ. - «Գրեյսը և Ֆրենկին» / Grace and Frankie
Փաստեր
[խմբագրել | խմբագրել կոդը]Թեյթ Թեյլորը ամերիկացի գրող Քեթրին Սթոկետի լավագույն ընկերներից է, ում հետ միասին մանկապարտեզ է հաճախել Ջեքսոնում։ Հիմա նրանք հանդիսանում են սկսնակ կինեմատոգրաֆիստների ու գրողների ֆոնդի հիմնադիրներ Միսիսիպիում։
 | Վիքիպահեստն ունի նյութեր, որոնք վերաբերում են «Թեյթ Թեյլոր» հոդվածին։ |
| ||||||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
