Էնդրյու Լեսնի
| Էնդրյու Լեսնի | |
|---|---|
| Ծննդյան թիվ՝ | հունվարի 1, 1956[1] |
| Ծննդավայր՝ | Սիդնեյ, Ավստրալիա[2] |
| Վախճանի թիվ՝ | ապրիլի 27, 2015[1][3] (59 տարեկան) |
| Վախճանի վայր՝ | Սիդնեյ, Ավստրալիա |
| Քաղաքացիություն՝ |  Ավստրալիա |
| Մասնագիտություն՝ | օպերատոր-բեմադրիչ, դերասան և ռեժիսոր |
| Պարգևներ՝ | |
| IMDb։ | ID 0504226 |
Էնդրյու Լեսնի (անգլ.՝ Andrew Lesnie, հունվարի 1, 1956[1], Սիդնեյ, Ավստրալիա[2] - ապրիլի 27, 2015[1][3], Սիդնեյ, Ավստրալիա), ավստրալիացի կինոօպերատոր։ «Մատանիների տիրակալը։ Մատանու եղբայրություն» ֆիլմի համար «Օսկարի» և «Մատանիների տիրակալը։ Թագավորի վերադարձը» ֆիլմի համար «BAFTA» մրցանակի դափնեկիր։
Կենսագրություն
[խմբագրել | խմբագրել կոդը]Ծնվել է 1956 թվականի հունվարի 1-ին, Սիդնեյում[4]։ Սովորել է Կինոյի, հեռուստատեսության և ռադիոյի ավստրալիական դպրոցում[5]։ Նրա առաջին աշխատանքը եղել է «Simon Townsend's Wonder World» (1979) շոուն։ Էնդրյուի առաջին կինոնկարը եղել է 1980 թվականի «Վերադարձ» ֆիլմը։ Մինչև 1995 թվականը Լեսնին նկարահանել է ևս 18 նվազ հայտնի ֆիլմեր և սերիալներ, իսկ հետո աշխատանք է ստացել «Բեյբ։ Չորքոտանի երեխա» կինոժապավենում։ 1998 թվականին թողարկվել է ֆիլմի շարունակությունը՝ «Բեյբ։ Խոզուկը քաղաքում» վերնագրով։ 2001 թվականին Էնդրյու Լեսնին նկարահանել է իր առաջին ֆիլմը կինոռեժիսոր Փիթեր Ջեքսոնի հետ։ 2001-2003 թվականներին թողարկվել է «Մատանիների տիրակալը» կինոեռերգությունը։ Առաջին մասի՝ «Մատանիների տիրակալը։ Մատանու եղբայրություն» ֆիլմի համար Լեսնին արժանացել է «Օսկարի»[6], իսկ վերջին՝ «Մատանիների տիրակալը։ Թագավորի վերադարձը» ֆիլմի համար ստացել է «BAFTA» մրցանակ[7]։
Դրանից հետո Էնդրյուն մասնակցել է հետևյալ հայտնի ֆիլմերի նկարահանման աշխատանքներին՝ «Քինգ-Քոնգ», «Ես Լեգենդ եմ», «Սիրելի ոսկորներ», «Տարերքների տիրակալը», «Կապիկների մոլորակի ապստամբությունը»
Մահից առաջ աշխատել է «Մատանիների տիրակալի» նախապատմության՝ «Հոբիթ» կինոեռերգության վրա։ Լեսնի վերջին ֆիլմը եղել է Ռասսել Քրոուի ռեսժիսորական դեբյուտը՝ «Ջուր որոնողը» ֆիլմը, որի առաջնային ցուցադրությունը կայացել է 2014 թվականի վերջին։
Էնդրյու Լեսնին միաժամանակ աշխատել է կինոօպերատորների երկու միջավայրերում՝ ավստրալիական և ամերիկյան։
Մահացել է 2015 թվականի ապրիլի 27-ին սրտի կաթվածից 59 տարեկանում[4][8][9]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Internet Movie Database — 1990.
- ↑ 2,0 2,1 2,2 Deutsche Nationalbibliothek Record #138244669 // Gemeinsame Normdatei (գերմ.) — 2012—2016.
- ↑ 3,0 3,1 3,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 4,0 4,1 «Andrew Lesnie, cinematographer - obituary» (բրիտանական անգլերեն). 2015 թ․ մայիսի 18. 0307-1235. Վերցված է 2017 թ․ դեկտեմբերի 28-ին.
- ↑ «Andrew Lesnie, cinematographer won Oscar for 'The Lord of the Rings'». Washington Post (ամերիկյան անգլերեն). 2015 թ․ ապրիլի 30. 0190-8286. Վերցված է 2017 թ․ դեկտեմբերի 28-ին.
- ↑ «The 74th Academy Awards | 2002». Oscars.org | Academy of Motion Picture Arts and Sciences (անգլերեն). Վերցված է 2017 թ․ դեկտեմբերի 28-ին.
- ↑ «2004 Film Cinematography | BAFTA Awards» (անգլերեն). awards.bafta.org. Վերցված է 2017 թ․ դեկտեմբերի 28-ին.
- ↑ Умер оператор «Властелина колец» и «Хоббита»
- ↑ «Cinematographer Andrew Lesnie has died from a heart attack». Herald Sun. 2015 թ․ ապրիլի 28.
Արտաքին հղումներ
[խմբագրել | խմբագրել կոդը]- Էնդրյու Լեսնի Internet Movie Database կայքում
- Andrew Lesnie's profile on the AFTRS website
- Russell Crowe remembers late cinematographer Andrew Lesnie Արխիվացված 2015-05-05 Wayback Machine
| ||||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
