Էլեն Բյորստին
Էլեն Բյորստին (անգլ.՝ Ellen Burstyn, Էդնա Ռեյ Ջիլուլի (անգլ.՝ Edna Rae Gillooly), դեկտեմբերի 7, 1932[1][1][1][…], Դետրոյթ, Միչիգան, ԱՄՆ[2]), թատրոնի, կինոյի և հեռուստատեսության ամերիկացի դերասանուհի։ «Օսկար» (1975), BAFTA (1975), «Ոսկե գլոբուս» (1979), «Թոնի» (1975), «Ջինի» (2008) և երկու «Էմմի» (2009, 2013) մրցանակների դափնեկիր։ Դերասանական կարիերան սկսել է 1957 թվականին՝ կատարելով Լինդայի դերը «Քրաֆթի հեռուստատեսային թատրոնը» ֆիլմում (1947-1958)։
Կինոյում նրա առաջին նշանակալի աշխատանքը եղել է Լոիզ Ֆերոուի դերը 1971 թվականի «Վերջին կինոսեանսը» ֆիլմում, որի համար դերասանուհին ներկայացվել է «Օսկար» և «Ոսկե գլոբուս» մրցանակների «Երկրորդ պլանի կնոջ լավագույն դերակատարման» համար։ 1973 թվականին Էլեն Բյորստինը նկարահանվել է «Սատանա քշողը» սարսափ ֆիլմում․ այդ դերի համար նա ներկայացվել է «Օսկար» և «Ոսկե գլոբուս» մրցանակների «Կնոջ լավագույն դերակատարման» համար։
Դերասանների շրջանում Էլեն Բյորստինը ճանաչման է արժանացել «Ալիսան այստեղ այլևս չի ապրում» (1974) դրամատիկական ֆիլմում Ալիսա Հայյաթի դերը կատարելուց հետո, որի համար արժանացել է «Օսկար» և BAFTA մրցանակների, ինչպես նաև ներկայացվել է «Ոսկե գլոբուս» մրցանակի «Կնոջ լավագույն դերակատարման» համար 1975 թվականին։ Նա «Օսկար» մրցանակի ներկայացվել է նաև 1979, 1981 և 2001 թվականներին «Կնոջ լավագույն դերակատարման» անվանակարգում «Այս նույն ժամանակ՝ հաջորդ տարի» (1978), «Հարություն» (1980) և «Ռեքվիեմ երազանքի համար» (2000) ֆիլմերում կատարած դերերի համար։
1975 թվականին Էլեն Բյորստինն արժանացել է «Թոնի» թատերական մրցանակի «Կնոջ լավագույն դերակատարում պիեսում» անվանակարգում։ Նա նաև երեք անգամ ներկայացվել է ԱՄՆ կինոդերասանների գիլդիայի մրցանակի (2001, 2008, 2015) և վեց անգամ՝ «Ոսկե գլոբուս» մրցանակի (1972, 1974, 1975, 1981, 1982, 2001), որոնցից հաղթել է միայն մեկ անգամ՝ «Կնոջ լավագույն դերակատարման» անվանակարգում մրցանակի արժանանալով «Այս նույն ժամանակ՝ հաջորդ տարի» (1978) ֆիլմում կատարած դերի համար։ Էլեն Բյորստինը մեծ հաջողություն է ունեցել հեռուստատեսությունում․ 2009 թվականին նա արժանացել է «Էմմի» մրցանակի դրամատիկական հեռուստասերիալում կնոջ լավագույն դերակատարման համար («Օրենք և կարգ։ Հատուկ կորպուս», 1999), իսկ 2013 թվականին՝ «Երկրորդ պլանի կնոջ լավագույն դերակատարում մինի սերիալում կամ ֆիլմում» անվանակարգում («Պոլիտիկաններ», 2012)։
Դերասանուհին ներկայացվել է նաև «Էմմի» ցերեկային մրցանակի «Ակնառու կատարող մանկական, երիտասարդական կամ ընտանեկան հատուկ թողարկումներում» անվանակարգում «Ջրահարսը» ֆիլմի համար 2001 թվականին և վեց անգամ ներկայացվել է «Էմմի» մրցանակի (1981, 1987, 2006, 2008, 2014, 2016)։ Էլեն Բյորստինը նաև ստացել է «Ջինի» կանադական բարձրագույն կինոմրցանակ «Կնոջ լավագույն դերակատարում» անվանակարգում «Քարե հրեշտակ» ֆիլմի համար 2008 թվականին։
2014 թվականին Էլեն Բյորստինն արժանացել է Անգլիական միջազգային կինոփառատոնի հատուկ մրցանակի, իսկ 2015 թվականին՝ Մերի Փիքֆորդի անվան «Արբանյակ» հատուկ մրցանակի։
Կենսագրություն
[խմբագրել | խմբագրել կոդը]Էլեն Բյորստինը ծնվել է 1932 թվականի դեկտեմբերի 7-ին ԱՄՆ Միչիգան նահանգի Դեթրոյթ քաղաքում, Մարի (ծննդյան անունը՝ Ամել) և Ջոն Օսթին Գիլուլիների ընտանիքում։ Հայրը եղել է գրող[7]։ Էելեն Բյորստինն ունի իռլանդական, ֆրանսիական, հոլանդական ու հնդկացիական արմատներ[8][9]։ Նա ունի երկու եղբայր՝ Ջեքը և Սթիվը[7][10]։ Ծնողները բաժանվել են, երբ նա դեռ փոքր էր, և նա ապրել է մոր ու խորթ հոր հետ[7]։
Էլեն Բյորստինը հաճախել է դասընթացների «Cass Technical High School» և «University-preparatory school» ուսումնական հաստատություններում, որոնք սովորողներին թույլ էին տալիս ընտրել կրթության որոշակի ոլորտ։ Բյորստինը մասնագիտացել է նորաձև հագուստի դիզայնի բնագավառում[11]։ Միջնակարգ դպրոցում սովորելու ընթացքում նա եղել է ուսանողական խորհրդի անդամ և նախագահ յունիորների դասարանում։ Ուսուցման վերջին տարում մի քանի քննություն չհանձնելուց հետո նա թողել է դպրոցը[12][13]։
Դպրոցից հեռանալուց հետո Էլեն Բյորստինն ստացել է մոդելի աշխատանք Դեթրոյթի հանրախանութում։ Հետագայում նա տեղափոխվել է Դալլաս, որտեղ շարունակել է աշխատել որպես մոդել նախքան Նյու Յորք տեղափոխվելը։ 1955 թվականից մինչև 1956 թվականը նա որպես պարուհի աշխատել է «The Jackie Gleason Show»-ում[14]։ Դրանից հետո նա որոշել է դառնալ դերասանուհի և վերցրել է Էլեն Մաքրեյ բեմական անունը․ նա փոխել է ազգանունը Նիլ Բյորստինի հետ ամուսնանալուց հետո[15]։
Կարիերա
[խմբագրել | խմբագրել կոդը]Առաջին դերեր
[խմբագրել | խմբագրել կոդը]Էլեն Բյորստինը Բրոդվեյում իր նորամուտը կատարել է 1957 թվականին «Արդար խաղ» թատերական պիեսում։ Մինչ 1960-ական թվականների սկիզբը սկսել են ուշադրության արժանանալ սկսնակ դերասանուհու հաջողությունները «փոքր էկրանին», և Բյորստինը որոշակի ժամանակով դադարեցրել է կարիերան, որպեսզի սովորի Լի Ստրասբերգի դերասանական ստուդիայում։
Սկսած 1950-ական թվականների վերջից և 1960-ական թվականների ընթացքում Էլեն Բյորստինը՝ որպես հրավիրված դերասան, խաղացել է տարբեր հեռուստասերիալներում, որոնցից են՝ «Բժիշկ Քիլդեր» (1961-1966), «77 Սանսեթ Ստրիպ» (1958-1964), «Բեն Քեյսի» (1961-1966), «Ծուխ հրացանափողից» (1955-1975), «Փերի Մեյսոն» (1957-1966), «Սայլերի քարավան» (1957-1965), «Մեծ հովիտ» (1965-1969), «Վիրջինիացիներ» (1962-1971) և այլն։
![](https://upload.wikimedia.org/wikipedia/commons/thumb/e/ec/EllenBurstyn07TIFF.jpg/194px-EllenBurstyn07TIFF.jpg)
1964-1965 թվականներին Էլեն Բյորստինը կատարել է բժիշկ Քեյթ Բարտոկի երկրորդական դերը NBC ալիքի «Բժիշկներ» սերիալում։ 1967 թվականից մինչև 1968 թվականը նա նկարահանվել է АВС ալիքի «Պողպատե հովատակ» սերիալում՝ մարմնավորելով Ջուլի Փարսոնսին[16]։ Դերասանուհին Էլեն Մաքրեյ անունն օգտագործել է մինչև 1967 թվականը, ինչից հետո նա ամուսնացել է Նիլ Բյորստինի հետ ու վերցրել նրա ազգանունը[17]։ Էլեն Բյորստինի համար նշանակալի է եղել դերը Փիթեր Բոգդանովիչի «Վերջին կինոսեանսը» (1971) ֆիլմում, որի համար դերսանուհին ներկայացվել է «Օսկար» և «Ոսկե գլոբուս» մրցանակների։
Հաջողություն և հետագա աշխատանքներ
[խմբագրել | խմբագրել կոդը]1972 թվականին Էլեն Բյորստինը մասնակցել է «Այգու թագավորը» քրեական դրամայի նկարահանման աշխատանքներին, որտեղ նրա գործընկերն է եղել դերասան Ջեք Նիկոլսոնը։ Նրա հաջորդ նշանակալի աշխատանքը եղել է Քրիս Մաքնիլի դերը ռեժիսոր Ուիլյամ Ֆրիդկինի «Սատանա քշողը» սարսափ ֆիլմում (1973)։ Այդ դերի համար Էլեն Բյորստինը կրկին ներկայացվել է «Օսկար» և «Ոսկե գլոբուս մրցանակների։ Էլեն Բյորստինի լավագույն աշխատանքներից է դարձել Ալիսա Հայյաթի դերը «Ալիսան այլևս այստեղ չի ապրում» դրամատիկական ֆիլմում, որի համար նա արժանացել է «Օսկար» և BAFTA մրցանակների, ինչպես նաև ներկայացվել է «Ոսկե գլոբուս» կինոմրցանակի «Կնոջ լավագույն դերակատարում – դրամա» անվանակարգում 1975 թվականին։
«Ալիսան այլևս այստեղ չի ապրում» ֆիլմի հերոսուհին ծանր ճակատագիր ունեցող կին է, որն ամուսնու մահվանից հետո մնում է առանց ապրուստի միջոցների և ստիպված է լինում աշխատել որպես մատուցողուհի, որպեսզի պահի դեռահաս որդուն։ Նրան թվում է, թե ամեն լավագույնը մնացել է անցյալում։ Սակայն անսպասելիորեն Ալիսայի կյանքում հայտնվում է Դևիդը (որին մարմնավորել է Քրիս Քրիստոֆերսոնը), որն անում է ամեն ինչ նրանց կյանքը թեթևացնելու համար։ 1980 թվականին թողարկվել է «Հարություն» ֆիլմը, որտեղ Էլեն Բյորստինը մարմնավորում է բուժելու գերբնական ունակություններ ունեցող կնոջ։ Իր դերակատարման համար նա ներկայացվել է «Օսկար» և «Ոսկե գլոբուս» մրցանակների «Կնոջ լավագույն դերակատարում» անվանակարգում 1981 թվականին։ 1977 թվականին Էլեն Բյորստինը եղել է Բեռլինի 27-րդ միջազգային կինոփառատոնի ժյուրիի կազմում․ այդ կինոփառատոնի ժյուրիի կազմում դերասանուհին ընդգրկվել է նաև 1988 թվականին[18][19]։
1978 թվականին էկրան է բարձրացել «Այս նույն ժամանակ՝ հաջորդ տարի» ֆիլմը, որ նկարահանվել է Բեռնարդ Սլեյդի պիեսի հիման վրա։ Ֆիլմի հիմքում ընկած է երկու սիրահարների պատմություն, որոնք հանդիպում են բոլորից գաղտնի 26 տարի։ Այդ ֆիլմում կատարած դերի համար Էլեն Բյորստինը ներկայացվել է «Օսկարի» և ստացել «Ոսկե գլոբուս» «Կնոջ լավագույն դերակատարում – դրամա» անվանակարգում 1979 թվականին, իսկ հետագայում այդ դերի համար նա արժանացել է «Թոնի» թատերական մրցանակի «Կնոջ լավագույն դերակատարում պիեսում» անվանակարգում։
![](https://upload.wikimedia.org/wikipedia/commons/thumb/1/19/Ellen_Burstyn_2009.jpg/196px-Ellen_Burstyn_2009.jpg)
Հաջողության հասնելուց հետո Էլեն Բյորստինը կարճատև ընդմիջում է կատարել իր կարիերայում և 1978 թվականին նկարահանվել է ֆրանսիացի ռեժիսոր Ալեն Ռենեի ֆիլմում, սակայն այդ նախագիծը մեծ հաջողություն չի ունեցել։ 1980-ական թվականներին Էլեն Բյորստինը գրեթե չի նկարահանվել կինոյում, սակայն երկու անգամ ներկայացվել է «Էմմի» մրցանակի հեռուստասերիալներում կատարած դերերի համար։ Նա ներկայացվել է նաև «Ջինի» կանադական բարձրագույն կինոմրցանակի «Օտարերկրացի լավագույն դերասանուհի» անվանակարգում «Հյուսիսի լռությունը» ֆիլմում դերակատարման համար։ 1990-ական թվականներին դերասանուհին շարունակել է աշխատել հեռուստատեսությունում, ինչպես նաև կատարել է մի քանի ոչ մեծ դերեր «Գերեզմանային ակումբ» (1993), «Լաթերից ծածկոց» (1995), «Դայակների ակումբ» (1995) ֆիլմերում։
2000 թվականին թողարկվել է ռեժիսոր Դարրեն Արոնոֆսկու «Ռեքվիեմ երազանքի համար» ֆիլմը, որում Էլեն Բյորստինը մարմնավորում է միայնակ ծեր կնոջ՝ Սառա Գոլդֆարբին, որն ապրում է հեռուստաշոուում հայտնվելու երազանքով, ընդունում է նիհարելու դեղահաբեր և հետզհետո կորցնում է կապը իրականության հետ։ Նրա հետ այդ ֆիլմում նկարահանվել են Ջարեդ Լետոն, Ջենիֆեր Քոնելին ու Մառլոն Ուեյանս։ Էլեն Բյորստինի դերակատարումն այդ ֆիլմում բարձր է գնահատվել կինոքննադատների կողմից, և դերասանուհին վեցերորդ անգամ ներկայացվել է «Օսկարի», ինչպես նաև «Ոսկե գլոբուսի» և ԱՄՆ կինոքննադատների գիլդիայի մրցանակի և ստացել «Անկախ ոգի» և «Արբանյակ» մրցանակների «Կնոջ լավագույն դերակատարում» անվանակարգում 2001 թվականին։
Էլեն Բյորստինը մեծ հաջողություն է ունեցել հեռուստատեսությունում։ 1982 թվականին նա կատարել է գլխավոր դեր «Ժողովուրդն ընդդեմ Ջին Հարիսի» հեռուստատեսային ֆիլմում, որի համար ներկայացվել է «Էմմի» և «Ոսկե գլոբուս» մրցանակների «Կնոջ լավագույն դերայատարում մինի սերիալում կա ֆիլմում» անվանակարգում։ 2009 թվականին նա արժանացել է «Էմմի» մրցանակի «Լավագույն հրավիրված դերասանուհի դրամատիկական հեռուստասերիալում» անվանակարգում «Օրենք և կարգ։ Հատուկ կորպուս» ֆիլմում դերակատարման համար։
2006 թվականին մամուլում մեծ արձագանք է ստացել Էլեն Բյորստինի ներկայացվելը «Էմմի» մրցանակի «Միսիս Հարիս» հեռուստաֆիլմում կատարած էպիզոդիկ դերի համար, որ տևել է 14 վայրկյան, և այդ ընթացքում նա արտասանել է 38 բառ[20]։ 2013 թվականին Էլեն Բյորստինն ստացել է երկրորդ «Էմմի» մրցանակը «Երկրորդ պլանի կնոջ լավագույն դերակատարում մինի սերիալում կամ ֆիլմում» անվանակարգում («Պոլիտիկաններ», 2012)։
2014 թվականին դերասանուհին ներկայացվել է «Էմմի» մրցանակի «Երկրորդ պլանի կնոջ լավագույն դերակատարում մինի սերիալում կամ ֆիլմում» անվանակարգում «Ծաղիկներ ձեղնահարկում» ֆիլմում կատարած դերի համար (2014)։ Նա ներկայացվել է նաև «Էմմի» ցերեկային մրցանակի «Ակնառու կատարող մանկական, երիտասարդական կամ ընտանեկան հատուկ թողարկումներում» անվանակարգում «Ջրահարս» ֆիլմում կատարած դերի համար 2001 թվականին։ 2016 թվականին նա ներկայացվել է «Էմմի» մրցանակի «Լավագույն հրավիրված դերասանուհի դրամատիկական հեռուստասերիալում» անվանակարգում («Խաղաթղթե տնակ», 2016)։
Էլեն Բյորստինը նկարահանվել է նաև «Գլխավոր փողոց» (2010), «Հարազատներ» (2011), «Պոլիտիկաններ» (2012), «Կոչում» (2013), «Երկուսը քաղաքում» (2014), «Հիմքերի գետ» (2014), «Տերևները քամուն» (2014), «Ադալինի դարը» (2015), «Որոնումներ» (2015) և «Հաղթող շունը» (2016) ֆիլմերում։
Գործունեության այլ ոլորտներ
[խմբագրել | խմբագրել կոդը]- 1970-ական թվականներին Էլեն Բյորստինը ակտիվորեն մասնակցել է այն շարժմանը, որ խնդրում էր բանտից ազատել բռնցքամարտիկ Ռուբին Քարտերին[21]։
- 1981 թվականին դերասանուհու պատվին գրվել է «Բալլադ ֆաշիստական զինվորի կնոջ մասին» (երաժշտական ձևավորումը՝ Քուրտ Վայլի, տեքստը՝ Բերտոն Բրեխտի)։
- 1997 թվականին Էլեն Բյորստինն ընդգրկվել է Միչիգանի «կանանց փառքի սրահում»[22]։
- 2000 թվականին Էլեն Բյորստինը հայտարարվել է դերասանական ստուդիայի համանախագահ Ալ Պաչինոյի և Հարվի Քեյթելի հետ միասին[23]։
- Էլեն Բյորստինը Բարաք Օբամայի դեմոկրատական կուսակցության վաղեմի կողմնակից է։ «Փոլիվուդ» վավերագրական ֆիլմում ներկայացրել է մի քանի հարց 2008 թվականի նրա ընտրարշավի վերաբերյալ և որպես նրա կողմնակից նշել, որ այլևս մրցակցություն չկա դեմոկրատների ու հանրապետականների միջև։
- Էլեն Բյորստինը բազմիցս արժանացել է «Ջեֆերսոնի սելեկտորների մրցանակի» պետական ծառայության համար[24]։
- 1982 թվականից մինչև 1985 թվականը Էլեն Բյորստինը եղել է «Կինոդերասանների ամերիկյան միության» նախագահը[25]։
- 2006 թվականին Էլեն Բյորստինը հրատարակել է իր ինքնակենսագրությունը «Lessons in Becomind Myself» խորագրով։
Անձնական կյանք
[խմբագրել | խմբագրել կոդը]Հարաբերություններ
[խմբագրել | խմբագրել կոդը]1950 թվականին Էլեն Բյորստինն ամուսնացել է Բիլ Ալեքսանդրի հետ, սակայն նրանք բաժանվել են 1957 թվականին։ Հաջորդ տարի դերասանուհին ամուսնացել է Պոլ Ռոբերտսի հետ․ 1961 թվականին ծնվել է նրանց որդին, որին կոչել են Ջեֆերսոն։ Նույն թվականին նրանք բաժանվել են[26]։ 1964 թվականին Էլեն Բյորստինն ամուսնացել է դերասան Նիլ Բյորստինի հետ։ Վերջինս տառապում էր շիզոֆրենիայով, ինչի պատճառով նրանց ընտանիքում եղել են բռնության դեպքեր, և արդյունքում նրանք բաժանվել են 1972 թվականին։ Նիլ Բյորստինն ինքնասպանություն է գործել 1978 թվականին[27]։
Կրոն
[խմբագրել | խմբագրել կոդը]Էլեն Բյորստինը դաստիարակվել է որպես կաթոլիկ, սակայն հետագայում սկսել է իրեն ասոցացնել բոլոր կրոնների հետ։ Իր հոգևոր ուղին նա սկսել է իսլամի ու սուֆիզմի ուսումնասիրությամբ։ Նա բացատրել է․
Ես իմանում եմ ճշմարտությունը, որ ապրում է այս բոլոր կրոններում․․․ ես միշտ աղոթում եմ հոգով, սակայն երբեմն դա աստված է։ Երբեմն դա Հիսուսն է․․․ երբեմն ես աղոթում եմ, որ Գանեշան, եթե ինձ պետք է, օգնի ինձ։ Գուան Ինը աստվածայինի իմ ամենասիրելի դրսևորումներից մեկն է, կարեկցության մարմնացում․․․ այդ պատճառով էլ Գուան Ինն ինձ հետ է միշտ[28]։
Էլեն Բյորստինը հայտարարել է, թե ինքը հոգևոր ոլորտում սկսել է դրսևորվել դեռ քառասուն տարին չլրացած սուֆիական ուսուցիչ Պիր Վիլայյատ Ինայյատ Խանի գլխավորությամբ, ով իրեն տվել է Նադյա անունը, որ արաբերենում նշանակում է «նա, ով ուղղորդում է»։
Ընտրյալ ֆիլմագրություն
[խմբագրել | խմբագրել կոդը]Կինո
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
1964 | ֆ | Ցտեսություն, Չարլի | Goodbye Charlie | Ֆրեննի Սելզմեն |
1964 | ֆ | Նրանց համար, ովքեր մտածում են երիտասարդ | For Those Who Think Young | Պոլին Սվենսոն |
1969 | ֆ | Pit stop | Էլեն Մաքլեոդ | |
1970 | ֆ | Քաղցկեղի արևադարձ | Tropic of Cancer | Մոնա Միլլեր |
1970 | ֆ | Ալեքսը հրաշքների երկրում | Alex in Wonderland | Բեթ Մորիսոն |
1971 | ֆ | Վերջին կինոսեանսը | The Last Picture Show | Լոիզ Ֆերոու |
1972 | ֆ | Այգու թագավորը | The King of Marvin Gardens | Սալլի |
1973 | ֆ | Սատանա քշողը | The Exorcist | Քրիս Մաքնիլ |
1974 | ֆ | Ալիսան այլևս այստեղ չի ապրում | Alice Doesn't Live Here Anymore | Ալիսա Հայյաթ |
1974 | ֆ | Հարրի և Տոնտո | Harry and Tonto | Շիրլի |
1977 | ֆ | Նախախնամություն | Providence | Սոնյա Լենգհեմ |
1978 | ֆ | Կրքոտ երազանք | A Dream of Passion | Բրենդա Քոլինս |
1978 | ֆ | Այս նույն ժամանակ՝ հաջորդ տարի | Same Time, Next Year | Դորիս |
1980 | ֆ | Հարություն | Resurrection | Էդնա Մեյ Մաքքոուլի |
1981 | ֆ | Հյուսիսի լռությունը | Silence of the North | Օլիվ Ֆրեդերիկսոն |
1982 | ֆ | Ես սիրում եմ ազատություն | I Love Liberty | Քեթի |
1984 | ֆ | Դեսպանը | The Ambassador | Ալեքս Հեքեր |
1985 | ֆ | Երկու անգամ կյանքում | Twice in a Lifetime | Քեյթ Մաքքենզի |
1987 | ֆ | Թանկագին Ամերիկա։ Նամակներ տուն Վիետնամից | Dear America: Letters Home from Vietnam | միսիս Սթոքս |
1988 | ֆ | Հաննայի պատերազմը | Hanna's War | Քեթելին |
1991 | ֆ | Մեռնել երիտասարդ | Dying Young | Միսիս Օ'Նիլ |
1991 | ֆ | Գրենդ Այլ կղզի | Grand Isle | Մադմաուզել Ռեյզ |
1993 | ֆ | Գերեզմանային ակումբ | The Cemetery Club | Էսթեր Մոսկովից |
1994 | ֆ | Երբ տղամարդը սիրում է կնոջը | When a Man Loves a Woman | Էմիլի |
1994 | ֆ | Երեկոյի գույնը | The Color of Evening | Քեյթ Օ'Ռելլի |
1995 | ֆ | Սենյակակիցներ | Roommates | Ջուդիթ |
1995 | ֆ | Դայակների ակումբ | The Baby-Sitters Club | Էմիլի Հեբերմեն |
1995 | ֆ | Լաթերից ծածկոց | How to Make an American Quilt | Հայ Դոդ |
1996 | ֆ | The Spitfire Grill | Հաննա Ֆերգյուսոն | |
1996 | ֆ | Ժամանակի գերի | Timepiece | Մոդ Գենոն |
1996 | ֆ | Անցնել գիծը | Cross the Line | Մերի Դևիս |
1997 | ֆ | Մահացու տեսիլ | A Deadly Vision | Իվետ Ուոթսոն |
1997 | ֆ | Ստի դետեկտոր | Deceiver | Մուք |
1998 | ֆ | Ստախոսների հովանավորը | The Patron Saint of Liars | Ջուն Քլատերբակ |
1998 | ֆ | Playing by Heart | Միլդրեդ | |
1999 | ֆ | Շնորհակալություն կհայտնես հետո | You Can Thank Me Later | Շիրլի Կուպերբերգ |
1999 | ֆ | Զբոսանք Եգիպտոսում | Walking Across Egypt | Մեթի Ռիգսբի |
2000 | ֆ | Յարդեր | The Yards | Վել Հենդլեր |
2000 | ֆ | Ռեքվիեմ երազանքի համար | Requiem for a Dream | Սառա Գոլֆարբ |
2002 | ֆ | Յա-Յա քույրերի աստվածային գաղտնիքները | Divine Secrets of the Ya-Ya Sisterhood | Վիվյեն Ջոան / Էբոտ Ուոքեր |
2002 | ֆ | Կարմիր վիշապ | Red Dragon | Սանդրա Դոնքերհուդ |
2003 | ֆ | Բախում ճակատագրի հետ | Brush with Fate | Ռիկա |
2006 | ֆ | Հյուսված մարդ | The Wicker Man | քույր Սամերսայլ |
2006 | ֆ | Շատրվան | The Fountain | բժիշկ Լիլիան Գուզետի |
2006 | ֆ | Փղերի արքան | The Elephant King | Դիանա Հանթ |
2006 | ֆ | 30 օր | 30 Days | Մաուրա |
2007 | ֆ | Քարե հրեշտակ | The Stone Angel | Հեգեր Շիպլի |
2007 | ֆ | Եվս մեկ օր | Mitch Albom's For One More Day | Պոլին / Պոզի Բենետո |
2008 | ֆ | Դեռևս գեղեցիկ է | Lovely, Still | Մերի Մելոուն |
2008 | ֆ | «Արցունք» ալմաստի կորուստը | The Loss of a Teardrop Diamond | միսս Էդի |
2008 | ֆ | Բուշ | W. | Բարբարա Բուշ |
2009 | ֆ | Գրետա | According to Greta | Կատերին |
2009 | ֆ | Թավշե նապաստակ | The Velveteen Rabbit | Սվոն |
2009 | ֆ | Մայթի Մաքս | The Mighty Macs | Սեն-Ջոնի մայրը |
2009 | ֆ | Հնարավոր են կողմնակի ազդեցություններ | Possible Side Effects | Կատերինա |
2010 | ֆ | Գլխավոր փողոց | Main Street | Ջորջիանա Կար |
2010 | ֆ | Հանդուգն 70-ականներ | Saucy 70's Volume 2 | Քլեր |
2011 | ֆ | Another Happy Day | Դորիս Բեյքեր | |
2011 | ֆ | Մի օր այդ ցավն օգտակար կլինի քեզ | Someday This Pain Will Be Useful to You | Նանետ |
2013 | ֆ | Ցանկանում են ձեզ լավագույնը | Wish You Well | Լուիզա Մեյ |
2014 | ֆ | Կոչում | The Calling | Էմիլի Միկալեֆ |
2014 | ֆ | Երկուսը քաղաքում | Two Men in Town | Գարնետի մայրը |
2014 | ֆ | Հիմքերի գետ | River of Fundament | Հեթֆերտիտի |
2014 | ֆ | Draft Day | Բարբ Ուիվեր | |
2014 | ֆ | Interstellar | Մերֆը ծեր հասակում | |
2015 | ֆ | Ադալինի դարը | The Age of Adaline | Ֆլեմինգ |
2015 | ֆ | Ադամանդը փոշու մեջ | Diamond in the Dust | Նանա Լուիզա |
2015 | ֆ | Որոնումներ | Scout | Գրեմ |
2016 | ֆ | Հաղթող շունը | Wiener-Dog | Նանա |
2016 | ֆ | The Tale | Բեատրիս Ֆիշեր | |
2017 | ֆ | Նոստալգիա | Nostalgia |
Հեռուստատեսություն
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
1947-1958 | ս | Քրաֆթի հեռուստատեսային թատրոն | Kraft Television Theatre | Լինդա |
1953-1961 | ս | Նամակ Լորետային | Letter to Loretta | Էնն Ուոլտերս |
1955-1975 | ս | Ծուխ հրացանափողից | Gunsmoke | Էմի Ուոտերս |
1955-1963 | ս | Շայեն | Cheyenne | Էմմի Մեյ |
1957-1965 | ս | Սայլերի քարավան | Wagon Train | Մարգարետ Ուիթլոու |
1957-1966 | ս | Փերի Մեյսոն | Perry Mason | Մոնա Ուինթրոուփ Ուայթ |
1957-1961 | ս | Դյուպոնի ամսվա շոուն | The DuPont Show of the Month | Էլեն Մաքգրատ |
1957-1963 | ս | Մաքքոյների ընտանիքը | The Real McCoys | Դորոթի Քարթեր |
1958-1964 | ս | 77 Սանսեթ Ստրիպ | 77 Sunset Strip | Բեթի Բենսոն |
1959-1963 | ս | Լարամի | Laramie | Էմմի |
1959-1963 | ս | Դոբի Գիլիսի հաջողությունը | The Many Loves of Dobie Gillis | Դոննա Ուիտակեր |
1960-1961 | ս | Մայքլ Շեյն | Michael Shayne | Քերոն |
1960-1962 | ս | Սյորֆսայդ 6 | Surfside 6 | Վանդա Դրեյք |
1961-1965 | ս | Պաշտպանները | The Defenders | Հիլդա Ուիզլի |
1961-1963 | ս | Դիք Փաուելի շոուն | The Dick Powell Show | Ռոուզ Մեքսոն |
1961-1966 | ս | Բժիշկ Քիլդեր | Dr. Kildare | Էննի Գարներ |
1961-1966 | ս | Բեն Քեյսի | Ben Casey | Քոննի |
1962-1971 | ս | Վիրջինիացիներ | The Virginian | Քեյթ Բյորդեն |
1963-1982 | ս | Բժիշկները | The Doctors | բժիշկ Քեյթ Բերտոկ |
1963-1967 | ս | Հանգստի տուն | Vacation Playhouse | Էլեն |
1963-1964 | ս | Մեծագույն շոուն Երկրի վրա | The Greatest Show on Earth | Սյուզան Մեյսոն |
1963 | հֆ | Մեծ ուղեղ | The Big Brain | Էլեն |
1963-1967 | ս | Բոբ Հոուփը ներկայացնում է | Bob Hope Presents the Chrysler Theatre | Էմմա |
1963-1965 | ս | Սասփենս ստեղծողների թատրոն | Kraft Suspense Theatre | Բարբարա Շիրվուդ |
1965-1969 | ս | Մեծ հովիտ | The Big Valley | Սառա |
1966-1967 | ս | Ժամանակի թունել | The Time Tunnel | Իվ Հոլանդ |
1966-1968 | ս | Պողպատե հովատակ | The Iron Horse | Ջուլի Փերսոնս |
1969-1972 | ս | Անվախները։ Փաստաբանները | The Bold Ones: The Lawyers | Ռեյչել Լամբերտ |
1974 | հֆ | Խաղ հինգշաբթի օրերը | Thursday's Game | Լինն Էվերս |
1981 | հֆ | Ժողովուրդն ընդդեմ Ջին Հարիսի | The People vs. Jean Harris | Ջին Հարիս |
1985 | հֆ | Surviving: A Family in Crisis | Թինա Բրոգան | |
1985 | հֆ | Բարակ օդում | Into Thin Air | Ջոան Ուոքեր |
1986 | հֆ | Վրեժի ակտ | Act of Vengeance | Մարգարետ Յաբլոնսկի |
1986 | հֆ | Ինչ-որ ընդհանուր բան | Something in Common | Լին Հոլանդեր |
1987 | հֆ | Մի տոպրակ սուտ | Pack of Lies | Բարբարա Ջեքսոն |
1987 | հֆ | Շրջվիր | Look Away | Մերի Թոդ Լինքոլն |
1990 | հֆ | Երբ դու կհիշես իմ մասին | When You Remember Me | բուժքույր Կուդեր |
1991 | հֆ | Միսիս Լամբերտի սերը | Mrs. Lambert Remembers Love | Լիլիան Լամբերտ |
1992 | հֆ | Հետ վերցրու իմ կյանքը։ Նենսի Զիգենմայերի պատմությունը | Taking Back My Life: The Nancy Ziegenmeyer Story | Ուիլմա |
1993 | հֆ | Ինչպես վստահել։ Քարիի պատմությունը | Shattered Trust: The Shari Karney Story | Ջոան Դելվեչիո |
1994 | հֆ | Getting Out | Էռլիի մայրը | |
1994 | հֆ | Գլխավոր գաղտնիքները | Trick of the Eye | Ֆրենսիս Գրիֆին |
1994 | հֆ | Բռնել Գոտիին | Getting Gotti | Ջո Ջիաքլոն |
1995 | հֆ | Իմ եղբոր պահապանը | My Brother's Keeper | Հելեն |
1995 | հֆ | Գետի հոսանքով | Follow The River | Գրետել |
1996 | հֆ | Մեր որդին խնամախոս է | Our Son, the Matchmaker | Իվա Մեյ Լոնգուել |
1997 | հֆ | Բռնկում | Flash | Լաուրա Սթրոնգ |
1998 | ս | Նրանց կամքն է | A Will of Their Own | Վերոնիկա Ստյուարդ |
1999 | հֆ | Երկար ճանապարհ դեպի տուն | Night Ride Home | Մեգի |
1999 | ս | Օրենք և կարգ։ Հատուկ կորպուս | Law & Order: Special Victims Unit | Բռնի Ստեբլեր |
2000 | հֆ | Ջրահարս | Mermaid | Թրիշ |
2000-2002 | ս | Այս կյանքը | That's Life | Դոլի Դելյուկա |
2001 | հֆ | Դոդսոնի ճանապարհորդությունը | Dodson's Journey | մայր |
2001 | հֆ | Պատերի մեջ | Within These Walls | Ջոան Թոմաս |
2002-2008 | ս | Լռությո՞ւն | Silenci? | Դանիելա |
2004 | հֆ | The Madam's Family: The Truth About the Canal Street Brothel | Թոմի | |
2004 | հֆ | Ուր են տանում երազները | The Five People You Meet in Heaven | Ռուբի |
2005 | հֆ | Մեր հայրերը | Our Fathers | Մերի Ռայան |
2005 | հֆ | Միսիս Հարիս | Mrs. Harris | Ջին Հարիս |
2006 | ս | Դանիելի գիրքը | The Book of Daniel | եպիսկոպոս Բեատրիս Քոնգրիվ |
2006-2011 | ս | Մեծ սեր | Big Love | Նենսի Դևիս Դատոն |
2007 | ս | Հինգ վայրկյանանոց ֆիլմ | 5 Second Movies | Քրիս Մաքնիլ |
2010 | հֆ | Սարսափ պատմություն Մարկ Գատիսի հետ | A History of Horror with Mark Gatiss | Քրիս Մաքնիլ |
2012 | ս | Պոլիտիկաններ | Political Animals | Մարգարետ Բերիշ |
2012 | ս | Դեռահասներն ուզում են իմանալ | Teens wanna know | Մեգի |
2012 | ս | Կոմա | Coma | Էմերսոն |
2014 | հֆ | Ծաղիկներ ձեղնահարկում | Flowers in the Attic | Օլիվիա Ֆոքսվորտ |
2014 | հֆ | Տերևները քամուն | Petals on the Wind | Օլիվիա Ֆոքսվորդ |
2014 | հֆ | Ծեր հոգի | Old Soul | Էյլին |
2014 | ս | Լուի | Louie | Իվանկա |
2016 | ս | Թաղաթղթե տնակ | House of Cards | Էլիզաբեթ Հեյլ |
Մրցանակներ և անվանակարգեր
[խմբագրել | խմբագրել կոդը]Մրցանակներ և անվանակարգերի ամբողջական ցանկն առկա է IMDb կայքում[29].
Մրցանակ | Թվական | Անվանակարգ | Աշխատանք | Արդյունք |
---|---|---|---|---|
Օսկար | 1972 | Երկրորդ պլանի կնոջ լավագույն դերակատարում | Վերջին կինոսեանսը | Առաջադրված |
1974 | Կնոջ լավագույն դերակատարում | Սատանա քշողը | Առաջադրված | |
1975 | Կնոջ լավագույն դերակատարում | Ալիսան այլևս այստեղ չի ապրում | Հաղթանակ | |
1979 | Կնոջ լավագույն դերակատարում | Այս նույն ժամանակ՝ հաջորդ տարի | Առաջադրված | |
1981 | Կնոջ լավագույն դերակատարում | Հարություն | Առաջադրված | |
2001 | Կնոջ լավագույն դերակատարում | Ռեքվիեմ երազանքի համար | Առաջադրված | |
BAFTA | 1975 | Կնոջ լավագույն դերակատարում | Ալիսան այլևս այստեղ չի ապրում | Հաղթանակ |
Ոսկե գլոբուս | 1972 | Երկրորդ պլանի կնոջ լավագույն դերակատարում − Կինոֆիլմ | Վերջին կինոսեանսը | Առաջադրված |
1974 | Կնոջ լավագույն դերակատարում − դրամա | Սատանա քշողը | Առաջադրված | |
1975 | Կնոջ լավագույն դերակատարում − դրամա | Ալիսան այլևս այստեղ չի ապրում | Առաջադրված | |
1979 | Կնոջ լավագույն դերակատարում − կատակերգություն կամ մյուզիքլ | Այս նույն ժամանակ՝ հաջորդ տարի | Հաղթանակ | |
1981 | Կնոջ լավագույն դերակատարում − դրամա | Հարություն | Առաջադրված | |
1982 | Կնոջ լավագույն դերակատարում մինի սերիալում կամ հեռուստաֆիլմում | Ժողովուրդն ընդդեմ Ջին Հարիսի | Առաջադրված | |
2001 | Կնոջ լավագույն դերակատարում − դրամա | Ռեքվիեմ երազանքի համար | Առաջադրված | |
Էմմի | 1981 | Կնոջ լավագույն դերակատարում մինի սերիալում կամ հեռուստաֆիլմում | Ժողովուրդն ընդդեմ Ջին Հարիսի | Առաջադրված |
1987 | Կնոջ լավագույն դերակատարում մինի սերիալում կամ ֆիլմում | Մի տոպրակ սուտ | Առաջադրված | |
2006 | Երկրորդ պլանի կնոջ լավագույն դերակատարում մինի սերիալում կամ հեռուստաֆիլմում | Միսիս Հարիս | Առաջադրված | |
2008 | Լավագույն հրավիրված դերասանուհի դրամատիկական հեռուստասերիալում | Մեծ սեր | Առաջադրված | |
2009 | Լավագույն հրավիրված դերասանուհի դրամատիկական հեռուստասերիալում | Օրենք և կարգ։ Հատուկ կորպուս | Հաղթանակ | |
2013 | Երկրորդ պլանի կնոջ լավագույն դերակատարում մինի սերիալում կամ հեռուստաֆիլմում | Պոլիտիկաններ | Հաղթանակ | |
2014 | Երկրորդ պլանի կնոջ լավագույն դերակատարում մինի սերիալում կամ ֆիլմում | Ծաղիկներ ձեղնահարկում | Առաջադրված | |
2016 | Լավագույն հրավիրված դերասանուհի դրամատիկական հեռուստասերիալում | Խաղաթղթե տնակ | Առաջադրված | |
«Էմմի» ցերեկային մրցանակ | 2001 | Ակնառու կատարող մանկական, երիտասարդական կամ ընտանեկան հատուկ թողարկումներում | Ջրահարս | Առաջադրված |
ԱՄՆ կինոդերասանների գիլդիայի մրցանակ | 1996 | Դերասանական լավագույն կազմ խաղարկային կինոյում | Լաթերից ծածկոց | Առաջադրված |
2001 | Կնոջ լավագույն դերակատարում | Ռեքվիեմ երազանքի համար | Առաջադրված | |
2008 | Կնոջ լավագույն դերակատարում հեռուստաֆիլմում կամ մինի սերիալում | Միտչի ալբոմը | Առաջադրված | |
2015 | Կնոջ լավագույն դերակատարում հեռուստաֆիլմում կամ մինի սերիալում | Ծաղիկներ ձեղնահարկում | Առաջադրված | |
Թոնի | 1975 | Կնոջ լավագույն դերակատարում պիեսում | Այս նույն ժամանակ՝ հաջորդ տարի | Հաղթանակ |
Անկախ ոգի | 2001 | Կնոջ լավագույն դերակատարում | Ռեքվիեմ երազանքի համար | Հաղթանակ |
Ջինի | 1982 | Օտարերկրացի լավագույն դերասանուհի | Հյուսիսի լռությունը | Առաջադրված |
2008 | Կնոջ լավագույն դերակատարում | Քարե հրեշտակ | Հաղթանակ | |
Արբանյակ | 2001 | Կնոջ լավագույն դերակատարում − կինոֆիլմ | Ռեքվիեմ երազանքի համար | Հաղթանակ |
2007 | Կնոջ լավագույն դերակատարում մինի սերիալում կամ հեռուստաֆիլմում | Եվս մեկ օր | Առաջադրված | |
2015 | Մերի Փիքֆորդի անվան մրցանակ | Հաղթանակ | ||
Անգլիական միջազգային կինոփառատոն | 2014 | Մրցանակ կինոյի և հեռուստատեսության բնագավառում ունեցած ներդրման համար | Հաղթանակ | |
Կինոքննադատների ազգային միության մրցանակ | 1971 | Երկրորդ պլանի կնոջ լավագույն դերակատարում | Վերջին կինոսեանսը | Հաղթանակ |
2001 | Կնոջ լավագույն դերակատարում | Ռեքվիեմ երազանքի համար | Առաջադրված | |
Դրամա Դեսկ | 1975 | Ներկայացման լավագույն դերասանուհի | Այս նույն ժամանակ՝ հաջորդ տարի | Հաղթանակ |
Բոստոնի կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Լաս Վեգասի կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Չիկագոյի կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Կինոքննադատների հարավարևելյան միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Քննադատների արտաքին միության մրցանակ | 1975 | Լավագույն դերասանուհի | Ալիսան այլևս այստեղ չի ապրում | Հաղթանակ |
Ֆինիքսի կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Ֆորիդայի կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Օնլայն կինոքննադատների միության մրցանակ | 2001 | Լավագույն դերասանուհի | Ռեքվիեմ երազանքի համար | Հաղթանակ |
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 1,5 Internet Broadway Database — 2000.
- ↑ 2,0 2,1 2,2 Deutsche Nationalbibliothek Record #132413671 // Gemeinsame Normdatei (գերմ.) — 2012—2016.
- ↑ https://www.beliefnet.com/entertainment/celebrities/ellen-burstyns-true-face.aspx
- ↑ https://www.oscars.org/oscars/ceremonies/1975
- ↑ http://www.michiganwomen.org/Images/Burstyn,%20Ellen.pdf
- ↑ Passchendaele wins Best Picture at Canada's Genie Awards // Screen International — 2009. — ISSN 0307-4617
- ↑ 7,0 7,1 7,2 Burstyn, Ellen (2007). Lessons in Becoming Myself. Penguin. էջ 4. ISBN 1-594-48268-3.
- ↑ Clark, John (19 октября 2009).Movies; Independent Minded; Academy Award Winner Ellen Burstyn, "A 'Tough Cookie,' Is Back with Two Gritty Films and a TV Show" Արխիվացված 2012-07-25 Wayback Machine (Abstract; for full article). Los Angeles Times (via ProQuest Archiver). Проверено 20 декабря 2009.
- ↑ Staff writer (17 февраля 1975). "Show Business: Gillooly Doesn't Live Here Anymore" Արխիվացված 2008-12-05 Wayback Machine. Time. Проверено 20 декабря 2009.
- ↑ Burstyn 2007, p. 14
- ↑ Burstyn 2007, p. 36
- ↑ Encyclopædia Britannica, Incorporated (1976). Britannica Book of the Year. Encyclopædia Britannica. էջ 29. ISBN 0-852-29311-9.
- ↑ Sweeney, Louise (23 ноября 1980). «Burstyn: Women must find own roles in movies». The Baltimore Sun. էջ N2.
- ↑ "Ellen Burstyn Biography," Biography.com. Проверено 23 апреля 2015.
- ↑ Glover, William (1 мая 1975). «Ellen Burstyn wants to be director». Park City Daily News. էջ 28. Վերցված է 15 января 2013-ին.
- ↑ Marill, Alvin H. Television Westerns: Six Decades of Sagebrush Sheriffs, Scalawags, and Sidewinders. Scarecrow Press, 2011, p. 79-80. 978-0-8108-8132-7
- ↑ Dern, Bruce, et al. Bruce Dern: A Memoir. Univ. Press of Kentucky, 2014, p. 61. 978-0-470-10637-2
- ↑ «Berlinale 1977: Juries». berlinale.de (անգլերեն). Արխիվացված է օրիգինալից 2010 թ․ մարտի 29-ին. Վերցված է 19 июля 2010-ին.
- ↑ «Berlinale: 1988 Juries». berlinale.de (անգլերեն). Արխիվացված է օրիգինալից 2011 թ․ հունվարի 2-ին. Վերցված է 4 марта 2011-ին.
- ↑ «Ellen Burstyn Bemused by 14-Second Emmy Nomination» (անգլերեն). Hollywood. 6 ноября 2006. Արխիվացված օրիգինալից 2013 թ․ հունվարի 26-ին. Վերցված է 2012-13-01-ին.
- ↑ «N.J. Won't Seek a Retrial of Hurricane Carter». Los Angeles Times (անգլերեն). Associated Press. 20 февраля 1988. Վերցված է 4 декабря 2013-ին.
- ↑ «Ellen Burstyn: Michigan's Women's Hall of Fame» (անգլերեն). michiganwomen.org. Արխիվացված է օրիգինալից 2015 թ․ սեպտեմբերի 14-ին. Վերցված է 4 декабря 2013-ին.
- ↑ «The Official Webside of the Actors Studio» (անգլերեն). Actors Studio. Վերցված է 4 декабря 2013-ին.
- ↑ «Our Board of Selectors» (անգլերեն). Jefferson Awards for Public Service. Արխիվացված է օրիգինալից 24 ноября 2010-ին. Վերցված է 4 декабря 2013-ին.
- ↑ «How I Got My Equity Card» (անգլերեն). Actors' Equity Association. Արխիվացված է օրիգինալից 21 октября 2013-ին. Վերցված է 4 декабря 2013-ին.
- ↑ «Timeline—A Chronology of Key Events from Lessons in Becoming Myself» (անգլերեն). archive.org. Արխիվացված է օրիգինալից 7 марта 2011-ին. Վերցված է 4 декабря 2013-ին.
- ↑ (1 декабря 2006).Ellen Burstyn—Burstyn Feared Death as Abusive Husband Stalked Her". contactmusic.com. Проверено 20 декабря 2009.
- ↑ «Ellen Burstyn's True Face» (անգլերեն). Beliefnet. 2006. Վերցված է 4 декабря 2013-ին.
- ↑ «Ellen Burstyn Awards». Ellen Burstyn—IMDb (անգլերեն). 2 հունիսի, 2017.
Գրականություն
[խմբագրել | խմբագրել կոդը]- Burstyn, Ellen (2006). Lessons in Becoming Myself. Riverhead Books (New York City, New York). ISBN 978-1-59448-929-7.
Արտաքին հղումներ
[խմբագրել | խմբագրել կոդը]- Էլեն Բյորստինի պաշտոնական կայքը Համացանցի արխիվում
- Էլեն Բյորստին (անգլ.) Internet Movie Database կայքում
- Էլեն Բյորստինը (անգլ.) Internet Broadway Database կայքում
![]() | Վիքիպահեստն ունի նյութեր, որոնք վերաբերում են «Էլեն Բյորստին» հոդվածին։ |
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.