Եվրատեսիլ 2013 երգի մրցույթ
«Եվրատեսիլ 2013 երգի մրցույթը» եղել է Եվրատեսիլի հերթական 58-րդ մրցույթը։ Մրցույթը տեղի է ունենեցել շվեդական Մալմյո քաղաքում 2013 թվականի մայիսի 14–ին, 16–ին և 18-ին։ Շվեդիան հնարավորություն է ստացել հյուրընկալելու մրցույթը այն բանից հետո, երբ 2012-ին Ադրբեջանի մայրաքաղաք Բաքվում կայացած Եվրատեսիլ 2012 երգի մրցույթում Շվեդիան ներկայացնող Լորինը իր «Euphoria» երգով հաղթեց՝ հավաքելով 372 միավոր։
2013 թվականի մրցույթին մասնակցել են 39 երկիր՝ Հայաստանը վերադարձել է 1 տարվա բացակայությունից հետո, իսկ Բոսնիա և Հերցեգովինան, Պորտուգալիան, Սլովակիան և Թուրքիան հայտարարել էին, որ չեն մասնակցի մրցույթին։
Եվրատեսիլ 2013-ի հաղթող ճանաչվեց Դանիան ներկայացնող Էմիլի դը Ֆորեսթը իր «Only Teardrops» երգով, ով հավաքեց 281 միավոր։ Երկրորդ հորիզոնականում հայտնվեց Ադրբեջանի ներկայացուցիչը, իսկ լավագույն եռյակը եզրափակեց Ուկրաինան։
Անցկացման վայր
[խմբագրել | խմբագրել կոդը]2012 թվականի հուլիսի 8-ին շվեդական SVT հեռուստաընկերությունը հայտարարեց որ Եվրատեսիլ 2013-ի հյուրընկալող քաղաքը կլինի Մալմյոն, իսկ մրցույթը կանցկացվի Մալմյո Արենայում։ Մինչև սա Շվեդիայում արդեն 4 անգամ անցկացվել էր Եվրատեսիլը՝ 1975, 1985, 1992 և 2000 թվականներին, իսկ Մալմյո Արենայում երկրորդ անգամ կանցկացվի մրցույթը (առաջին անգամ անցկացվել էր 1992-ին)[6]։
Մալմյոն մեծությամբ Շվեդիայի երրորդ քաղաքն է և մեկն է ժամանակակից խոշոր տրանսպորտային և արդյունաբերական կենտրոններից Սկանդինավներում։ 2010 թվականի մարդահամարի տվյալներով քաղաքի բնակչությունը կազմում է 300,515 մարդ, իսկ բնակչության գրեթե մեկ երրորդը ներգաղթածներ են։
Ընտրական փուլ
[խմբագրել | խմբագրել կոդը]SVT հեռուստաընկերության ներկայացուցիչ Էվի Հեմիլտոնը հայտարարեց, որ Եվրատեսիլ 2013-ը անցկացվելու է կամ Ստոքհոլմի Ֆրենդս Արենայում, կամ Մալմյոյի Մալմյո Արենայում, կամ էլ Գոթեբորգի Սկանդինավիյում և Շվեդական ցուցահանդեսի կենտրոն արենաներից մեկում։
SVT-ն քննարկում էր մի քանի տարբերակներ մրցույթի հյուրընկալման հետ կապված։ Տարբերակներից մեկը այն էր, որ մրցույթը տեղի կունենա երեք տարբեր քաղաքներում. Կիսաեզրափակիչները՝ Գոթեբորգում և Մալմյոյում, իսկ եզրափակիչը՝ Ստոքհոլմում։
Հունիսի 20-ին հայտարարվեց, որ Գոթեբորգը չի ընդունի մրցույթը իսկ հուլիս 8-ին պաշտոնապես հայտարարվեց որ մրցույթը կանցկացվի Մալմյո Արենայում[7]։
Քաղաք | Վայր | Տարողություն | Նշումներ |
---|---|---|---|
Ստոքհոլմ | Ֆրենդս Արենա | 67,500 | Անցկացվել է Մելոդիֆեստիվալենի եզրափակիչ փուլը 2013 թվականի մարտին, և նաև Շվեդիայի 2013 ֆուտբոլի առաջնության եզրափակիչ փուլը, որը Եվրատեսիլի եզրափակից 5 օր հետո է կայացել հետո։ |
Մալմյո | Մալմյո Արենա | 15,500 | Կայացել են Մելոդիֆեստիվալենի կիսաեզրափակիչները՝ վերջին չորս տարիներին։ |
Գոթենբուրգ | Սկանդինավիյում | 14,000 | Նախկինում տեղի է ունեցել Եվրատեսիլ 1985 երգի մրցույթը։ |
Գոթենբուրգ | Սվենսկա Մասսան | Չկան մշտական նստատեղեր | Հյուրընկալելու հայտը ետ է վերցերել 2012 թվականի հունիսի 20-ին։ |
Ֆորմատ
[խմբագրել | խմբագրել կոդը]2013 թվականի մրցույթում ժյուրիի և հեռուստադիտողի քվեարկության համադրությունը չի փոխվել, սակայն յուրաքանչյուր երկրի ժյուրի ի տարբերություն նախորդ տարիների պետք է գնահատի բոլոր երգերը բացի իրենց երգից և արդյունքում բոլոր ժյուրիների ձայները և հեռուստադիտողի քվեարկության արդյունքները գումարվում են իրար և ստացվում է թոփ։ Երգը որը կստանա ամենաբարձր գնահատականը դա 12 միավորն է, իսկ տասնյակը եզրափակող երգը կստանա 1 միավոր։
Մրցույթի հեռարձակման պաշտոնական հովանավորներն են եղել TeliaSonera հեռահաղորդակցման ընկերությունը և գերմանական Schwarzkopf կոսմետիկայի ընկերությունը։ Մրցույթի մյուս հովանավորներն են՝ IsaDora դիմահարդարման ընկերությունը, ICA սուպերմարկետը և Tetra Pak ընկերությունը։
Սարահ Դավն Ֆայները նույնպես իր մասնակցությունն է ունեցել մրցույթում։ Նա մրցույթային 3 օրերի ընթացքում հեռուստադիտողներին ներկայացել է որպես Լիդա Վուդրուֆի զվարճալի նմանակող։ Իսկ Էրիկ Սաադեն ով 2011 թվականի Եվրատեսիլում ներկայացրել է Շվեդիան, մրցույթում հանդես եկավ որպես կանաչ սենյակի հաղորդավար։
Վիճակահանություն
[խմբագրել | խմբագրել կոդը]Ի տարբերություն նախորդ տարիների 2013-ի ելույթների հերթականությունը որոշելու են պրոդյուսերները, այլ ոչ թե վիճակահանություն միջոցով։
2013 թվականի հունվարի 3-ին ԵՀՄ-ն հայտարարեց որ կիսաեզրափակիչների վիճակահանությունը կայանալու է հունվարի 17-ին։
1-ին արկղ | 2-րդ արկղ | 3-րդ արկղ | 4-րդ արկղ | 5-րդ արկղ |
---|---|---|---|---|
|
Հաղորդավար
[խմբագրել | խմբագրել կոդը]2012 թվականի հոկտեմբերի 17-ին մրցույթի գործադիր պրոդյուսեր՝ Մարտին Էստերդալը հայտարարեց, որ 2013-ի մրցույթը կունենա միայն մեկ հաղորդավար, ի տարբերություն նախորդ տարիների երբ հաղորդավարների թիվը հասնում էր մինչև երեքի։ Վերջին անգամ 1995-ին էր երբ մրցույթը վարել էր միայն մեկ հաղորդավար։
2013 թվականի հունվարի 28-ին հայտարավեց որ մրցույթը վարելու է Պետրա Մեդեն։
Գրաֆիկական դիզայն
[խմբագրել | խմբագրել կոդը]2013 թվականի հունվարի 17-ին կայացած վիճակահանության հետ մեկտեղ նաև հայտարարվեց մրցույթի կարգախոսը և ցուցադրվեց լոգոն։ Մրցույթի կարգախոսն է "We Are One" (Մենք միասնական ենք), իսկ մրցույթի խորհրդանիշը գույնզգույն թիթեռը, որը ստեղծվել է Happy F&B ընկերության կողմից։
Մրցույթը հյուրընկալող SVT հեռուստաընկերությունը փետրվարի 19-ին հայտարարեց որ յուրաքանչյուր երկրի տեսաբացիկ նկարահանվելու է իր երկրում, ընդ որում տեսաբացիկում նկարահանվելու են տվյալ երկիրը ներկայացնող մասնակիցները, այլ ոչ թե ցուցադրվելու են երկրի կամ քաղաքի վայրերը նախորդ տարիների նման։
Սկանդալներ
[խմբագրել | խմբագրել կոդը]Հայաստան
[խմբագրել | խմբագրել կոդը]Հայաստանը ներկայացնող Դորիանսը Բելգիայում և Նիդերլանդներում գտնվող հայկական սփյուռքից ստացել էր տասնյակ հազարավոր SMS-ներ, սակայն նրանք ճիշտ չէին հաշվել և Հայաստանը առաջին անգամ ստացավ 0 միավոր Բելգիայից և Նիդերլանդներից[8]։
Արդբեջան
[խմբագրել | խմբագրել կոդը]Մինչև Եվրատեսիլի եզրափակիչ փուլի մեկնարկը Լիտվական «15min.lt» լրատվական գործակալությունը Յութուբում տեղադրեց մի տեսագրություն, թե ինչպես են մի քանի ադրբեջանցիներ կաշառքի դիմաց գնում Լիտվացի ուսանողների ձայները, որի արդյունքում Լիտվան մրցույթի եզրափակչում առավելագույն 12 միավորը տվեց Ադրբեջանին։ Ուսանողները նշել էին, թե այդ ադրբեջանցիները իրենց ամեն մեկին վճարել են 20 եվրո։ Նրանց նպատակն է եղել հավաքել 10 մարդկանցից կազմված խմբեր և նրանց տալ SIM քարտեր որպեսզի նրանք 15 րոպե տևող հեռուստադիտողի քվեարկության ժամանակ քվեարկեն Ադրբեջանի օգտին։ Տեսանյութի երկխոսությունում այդ ադրբեջանցիներից մեկը նշում է, որ այս գործողությունը կատարվում է մոտ 15 երկրում, այդ թվում Լատվիայում, Էստոնիայում, Բելառուսում, Ուկրաինայում, Խորվաթիայում և Շվեյցարիայում[9]։
Ի պատասխան այս ամենի Եվրատեսիլի պաշտոնական կայքը՝ eurovision.tv-ին հրապարակեց հոդված, որտեղ մրցույթի գործադիր ղեկավար Յոն Օլա Սանդը նշում է որ քվեարկությունը կայացել է արդար և թափանցիկ, իսկ այսպիսի խախտումների մասին խոսակցություններ տեղի են ունենում համարյա թե ամեն տարի[10]։
Ադրբեջան, Ռուսաստան և Բելառուս
[խմբագրել | խմբագրել կոդը]Երբ մրցույթի եզրափակչում Ադրբեջանը ոչ մի միավոր չտվեց Ռուսաստանին, Ադրբեջանի նախագահ Իլհամ Ալիևը հանձնարարեց սկսել հետաքննություն։ Ռուսաստանի արտաքին գործերի նախարար Սերգեյ Լավրովը հայտարարեց որ արդյունքները եղել են կեղծ և սա անպատասխան չի մնա։ Բելառուսի նախագահ Ալեքսանդր Լուկաշենկոն մրցույթի արդյունքներից հետո հայտարարեց, որ Ռուսաստանի քվեարկության արդյունքները եղել են կեղծ և այդ պատճառով էլ Բելառուսը չի ստացել ոչ մի միավոր Ռուսաստանից[11]։
Գրագողության մեղադրանքներ
[խմբագրել | խմբագրել կոդը]Մրցույթում Դանիայի հաղթանակից հետո հոլանդացի երաժիշտ Էրիկ վան Տիյնը հայտարարեց, որ Էմիլի դը Ֆորեսթը իր «Only Teardrops» երգի մեղեդին գողացել է հոլանդական Կ-Օտիկ խմբի «I Surrender» երգից, որը թողարկվել է 2002 թվականին[12][13]։
Ֆինլանդիայի մասնակցի համբույրը բեմում
[խմբագրել | խմբագրել կոդը]Ֆինլանդիան ներկայացնող Կրիստա Սիեգֆրիդսը մրցույթի բեմում իր «Marry Me» երգի վերջին մասում համբուրվում է աղջկա հետ, որը բավականին բացասաբար է ընդունվում հանրության կողմից։ Այդ համբույրը որակավորվում է որպես Եվրատեսիլի առաջին «լեսբիական համբույր»։ Թուրքիայում Եվրատեսիլը հեռարձակող TRT հեռուստաընկերությունը միայն այդ համբույրի պատճառով չհեռարձակեց մրցույթը։ [14][15][16]
Մասնակից երկրներ
[խմբագրել | խմբագրել կոդը]![](https://upload.wikimedia.org/wikipedia/commons/thumb/a/a6/ESC_2013_Semi-Finals.svg/220px-ESC_2013_Semi-Finals.svg.png)
2012 թվականի դեկտեմբերի 21-ին հրապարակվեց այն 39 երկրների անունները որոնք մասնակցելու են մրցույթին։ 1 տարի բացակայությունից հետո մրցույթ է վերադարձել Հայաստանը, Պորտուգալիան և Բոսնիա և Հերցեգովինան հրաժարվեցին մասնակցել ֆինանսական խնդիրների պատճառով, իսկ Սլովակիան և Թուրքիան տարբեր պատճառներով հայտարարեցին իրենց դուրս գալու մասին։
Վերադարձած մասնակիցներ
[խմբագրել | խմբագրել կոդը]Վալենտինա Մոնեթթան ներկայացրեց Սան Մարիոնոն երկրորդ անգամ։ Ելիցա Թոդորովան և Ստոյան Յանկուլովը ովքեր ներկայացրել էին Բուլղարիան Եվրատեսիլ 2007ում 2013-ին վերադարձան մրցույթ։ Մանկական Եվրատեսիլ 2007-ում Սերբիան ներկայացրած Նևենա Բոզովիչը այս անգամ մասնակցեց Եվրատեսիլին որպես Մոյե 3 խմբի անդամ։ Եվրատեսիլ 2011-ում Ալբանիան ներկայացրած Աուրելա Գաչեյի կիթառահար Բլեդար Սեյկոն Ադրիան Լուլգյուրայի հետո մասնակցեց այս տարվա մրցույթին։ Եվրատեսիլ 2010-ում Հայաստանը ներկայացրած Եվա Ռիվասի բեք-վոկալ Գոռ Սուջյանը վերադարձավ մրցույթ իր Դորիանս խմբի հետ։ Ալյոնա Մունը ով ներկայացրեց Մոլդովան Եվրատեսիլ 2012-ում Պաշա Պարֆենիի բեք-վոկալն էի։ Էստոնացի երգչուհու բեք-վոկալներ Լաուրի Պիլհարը և Կաիդո Պոլդման նույնպես հանդես եկան մրցույթի բեմում, ովքեր 2001 թվականի մրցույթում հաղթանակ բերեցին Էստոնիային։
1-ին կիսաեզրափակիչ
[խմբագրել | խմբագրել կոդը]- 1-ին կիսաեզրափակիչը կայացել է մայիսի 14-ին։
- Իտալիան, Մեծ Բրիտանիան և Շվեդիան քվեարկել են այս կիսաեզրափակչում։
- 10 ամենաշատ միավորներ հավածաք երկրները անցնել են եզրափակիչ։
№ | Երկիր | Լեզուն | Արտիստ | Երգ | Հայերեն | Միա- վոր |
Ար- դյունք |
---|---|---|---|---|---|---|---|
01 | ![]() |
անգլերեն | Նատալիա Կելլի | «Shine» | Շողա | 27 | 14 |
02 | ![]() |
էստոներեն | Բիրգիտ | «Et Uus Saaks Alguse» | Նոր սկիզբ | 52 | 10 |
03 | ![]() |
անգլերեն | Հաննա | «Straight Into Love» | Ուղիղ սիրո մեջ | 8 | 16 |
04 | ![]() |
խորվաթերեն | Կլապա ս Մորա | «Mižerja» | Վիշտ | 38 | 13 |
05 | ![]() |
անգլերեն | Էմիլի դը Ֆորեսթ | «Only Teardrops» | Միայն արցունքների կաթիլներ | 167 | 1 |
06 | ![]() |
անգլերեն | Դինա Գարիպովա | «What If» | Իսկ եթե | 156 | 2 |
07 | ![]() |
անգլերեն | Զլատա Օգնևիչ | «Gravity» | Գրավչություն | 140 | 3 |
08 | ![]() |
անգլերեն | Անուկ | «Birds» | Թռչուններ | 75 | 6 |
09 | ![]() |
չեռնոգորերեն | Հու Սի | «Igranka» | Երեկույթ | 41 | 12 |
10 | ![]() |
անգլերեն | Անդրիուս Պոյավիս | «Something» | Ինչ որ բան | 53 | 9 |
11 | ![]() |
անգլերեն | Ալյոնա Լանսկայա | «Solayoh» | - | 64 | 7 |
12 | ![]() |
ռումիներեն | Ալյոնա Մուն | «O Mie» | Միլիոն | 95 | 4 |
13 | ![]() |
անգլերեն | Ռայան Դոլան | «Only Love Survives» | Միայն սերն է հավերժ | 54 | 8 |
14 | ![]() |
հունարեն | Դեսպինա Օլիմպիու | «An Me Thimasai» | Եթե հիշում ես ինձ | 11 | 15 |
15 | ![]() |
անգլերեն | Ռոբերտո Բելլարոսա | «Love Kills» | Սերը սպանում է | 75 | 5 |
16 | ![]() |
սերբերեն | Մոյե 3 | «Ljubav Je Svuda» | Սերը ամենուր է | 46 | 11 |
2-րդ կիսաեզրափակիչ
[խմբագրել | խմբագրել կոդը]- 2-րդ կիսաեզրափակիչը կայացել է մայիսի 16-ին։
- Գերմանիան, Իսպանիան և Ֆրանսիան քվեարկել են այս կիսաեզրափակչում։
- 10 ամենաշատ միավորներ հավաքած երկրները անցնել են եզրափակիչ։
№ | Երկիր | Լեզուն | Արտիստ | Երգ | Հայերեն | Միա- վոր |
Ար- դյունք |
---|---|---|---|---|---|---|---|
01 | ![]() |
անգլերեն | ՓեՌ | «Here We Go» | Գնացի՛նք | 13 | 17 |
02 | ![]() |
իտալերեն, անգլերեն | Վալենտինա Մոնեթթա | «Crisalide (Vola)» | Տիկնիկ | 47 | 11 |
03 | ![]() |
մակեդոներեն | Լոզանո և Էսմա | «Pred da se razdeni» | Մինչև արևելք | 28 | 16 |
04 | ![]() |
անգլերեն | Ֆարիդ Մամեդով | «Hold Me» | Գրկիր ինձ | 139 | 1 |
05 | ![]() |
անգլերեն | Քրիստա Սիեգֆրիդս | «Marry Me» | Ամուսնացիր ինձ հետ | 64 | 9 |
06 | ![]() |
անգլերեն | Ջանլուկա | «Tomorrow» | Վաղը | 118 | 4 |
07 | ![]() |
բուլղարերեն | Ելիցա Թոդորովա և Ստոյան Յանկուլով | «Samo shampioni» | Միայն չեմպիոններ | 45 | 12 |
08 | ![]() |
իսլանդերեն | Էյտոուր Ինգի | «Ég á Líf» | Իմ կյանքում | 75 | 6 |
09 | ![]() |
հունարեն, անգլերեն | Կոզա Մոստրա և Ագաֆոնաս Իակովիդիս | «Alcohol Is Free» | Խմիչքը անվճար է | 121 | 2 |
10 | ![]() |
եբրայերեն | Մորան Մազոր | «Rak bishvilo» | Միայն նրա համար | 40 | 14 |
11 | ![]() |
անգլերեն | Դորիանս | «Lonely Planet» | Միայնակ մոլորակ | 69 | 7 |
12 | ![]() |
հունգարերեն | ԲայԱլեքս | «Kedvesem» | Իմ թանկագին | 66 | 8 |
13 | ![]() |
անգլերեն | Մարգարետ Բերգեր | «I Feed You My Love» | Ես կերակրում եմ քեզ իմ սիրով | 120 | 3 |
14 | ![]() |
ալբաներեն | Ադրիան Լուլգյուրայ և Բլեդար Սեյկո | «Identitet» | Ինքնություն | 31 | 15 |
15 | ![]() |
անգլերեն | Նոդիկո Թաթիշվիլի և Սոփո Գելովանի | «Waterfall» | Ջրվեժ | 63 | 10 |
16 | ![]() |
անգլերեն | Տակասա | «You and Me» | Դու և ես | 41 | 13 |
17 | ![]() |
անգլերեն | Չեզար | «It's My Life» | Դա իմ կյանքն է | 83 | 5 |
Եզրափակիչ
[խմբագրել | խմբագրել կոդը]Եզրափակչի երկրներն են.
- «Մեծ Հնգյակը»՝ Գերմանիան, Իսպանիան, Իտալիան, Մեծ Բրիտանիան և Ֆրանսիան։
- Հյուրընկալող երկիրը՝ Շվեդիան։
- 10 երկիր առաջին կիսաեզրափակչից։
- 10 երկիր երկրորդ կիսաեզրափակչից։
Եզրափակիչ փուլը տեղի է ունենցել մայիսի 18-ին։
№ | Երկիր | Լեզուն | Արտիստ | Երգ | Հայերեն | Միա- վոր |
Ար- դյունք |
---|---|---|---|---|---|---|---|
01 | ![]() |
ֆրանսերեն | Ամանդին Բուրժուա | «L’enfer Et Moi» | Դժոխքը և ես | 14 | 23 |
02 | ![]() |
անգլերեն | Անդրիուս Պոյավիս | «Something» | Ինչ որ բան | 17 | 22 |
03 | ![]() |
ռումիներեն | Ալյոնա Մուն | «O Mie» | Միլիոն | 71 | 11 |
04 | ![]() |
անգլերեն | Քրիստա Սիեգֆրիդս | «Marry Me» | Ամուսնացիր ինձ հետ | 13 | 24 |
05 | ![]() |
իսպաներեն | Էլ Սուենո դե Մորֆեո | «Contigo Hasta El Final» | Քո հետ մինչև վերջ | 8 | 25 |
06 | ![]() |
անգլերեն | Ռոբերտո Բելլարոսա | «Love Kills» | Սերը սպանում է | 71 | 12 |
07 | ![]() |
էստոներեն | Բիրգիտ | «Et Uus Saaks Alguse» | Նոր սկիզբ | 19 | 20 |
08 | ![]() |
անգլերեն | Ալյոնա Լանսկայա | «Solayoh» | - | 48 | 16 |
09 | ![]() |
անգլերեն | Ջանլուկա | «Tomorrow» | Վաղը | 120 | 8 |
10 | ![]() |
անգլերեն | Դինա Գարիպովա | «What If» | Իսկ եթե | 174 | 5 |
11 | ![]() |
անգլերեն | Կասկադա | «Glorious» | Փառավոր | 18 | 21 |
12 | ![]() |
անգլերեն | Դորիանս | «Lonely Planet» | Միայնակ մոլորակ | 41 | 18 |
13 | ![]() |
անգլերեն | Անուկ | «Birds» | Թռչուններ | 114 | 9 |
14 | ![]() |
անգլերեն | Չեզար | «It's My Life» | Դա իմ կյանքն է | 64 | 13 |
15 | ![]() |
անգլերեն | Բոնի Թայլեր | «Believe In Me» | Հավատ ինձնում | 23 | 19 |
16 | ![]() |
անգլերեն | Ռոբին Շերնբերգ | «You» | Դու | 62 | 14 |
17 | ![]() |
հունգարերեն | ԲայԱլեքս | «Kedvesem» | Իմ թանկագին | 84 | 10 |
18 | ![]() |
անգլերեն | Էմիլի դը Ֆորեսթ | «Only Teardrops» | Միայն արցունքների կաթիլներ | 281 | 1 |
19 | ![]() |
իսլանդերեն | Էյտոուր Ինգի | «Ég á Líf» | Իմ կյանքում | 47 | 17 |
20 | ![]() |
անգլերեն | Ֆարիդ Մամեդով | «Hold Me» | Գրկիր ինձ | 234 | 2 |
21 | ![]() |
հունարեն, անգլերեն | Կոզա Մոստրա և Ագաֆոնաս Իակովիդիս | «Alcohol Is Free» | Խմիչքը անվճար է | 152 | 6 |
22 | ![]() |
անգլերեն | Զլատա Օգնևիչ | «Gravity» | Գրավչություն | 214 | 3 |
23 | ![]() |
իտալերեն | Մարկո Մենգոնի | «L'Essenziale» | Հիմնական | 126 | 7 |
24 | ![]() |
անգլերեն | Մարգարետ Բերգեր | «I Feed You My Love» | Ես փայփայում եմ քեզ իմ սիրով | 191 | 4 |
25 | ![]() |
անգլերեն | Նոդիկո Թաթիշվիլի և Սոփո Գելովանի | «Waterfall» | Ջրվեժ | 50 | 15 |
26 | ![]() |
անգլերեն | Ռայան Դոլան | «Only Love Survives» | Միայն սերն է հավերժ | 5 | 26 |
![]() |
![]() |
![]() | |||
ձախից աջ Էմիլի դը Ֆորեսթ, հաղթող (Դանիա); Ֆարիդ Մամեդով, երկրորդ տեղ (Ադրբեջան); Զլատա Օգնևիչ, երրորդ տեղ (Ուկրաինա)
|
Խոսնակներ
[խմբագրել | խմբագրել կոդը]Երկրները իրենց քվեարկության արդյունքները հայտնել են հետևյալ հերթականությամբ.
– Ջոն Քենեդի Օ Կոննոր
– Յոհիո
– Անդրի Քսահու
– Կորնալդ Մաաս
– Կատարին Բելլովիչ
– Սքոթ Միլլս
– Օֆեր Նանշո
– Մայա Նիկոլիչ
– Մատիաս
– Եվա Նովոդոմսկի
– Սոնիա Արգինթ
– Օլիվիա Ֆորտունա
– Թամիլլա Շիրինովա
– Տուջի Կեշտկար
– Անդրե
– Ֆեդերիկա Գենտիլե
– Կրիստինա Վելեր
– Ինես Պազ
– Դարյա Դոմրաչևա
– Անմարի
– Յոաննա Դրագնևա
– Բարբարա Լոյս
– Ալսու
– Էմմա Հիկեյ
– Ռոլֆ Ռուսալու
– Լենա Մայեր-Լանդրութ
– Սիգրուն Մարիա Հիլմարսդոտիր
– Մարինե Վինգես
– Ադրիանա Մագանիա
– Նիկի Բիրնե
– Սոֆիո Լասսեն-Կահլկե
– Իվանա Սեբեկ
– Անդրեա F
- Լիզա Ցիկլաուրի
– Դիմիտար Ատանասովսկի
– Լուկաս Համտսոս
– Ուրսուլա Տոլյ
– Մելանիե Ֆրեյմոնդ
– Իգնա Կրուպավիուս
Այլ մրցանակներ
[խմբագրել | խմբագրել կոդը]Մարսել Բեզանսոնի մրցանակ
[խմբագրել | խմբագրել կոդը]Մարսել Բեզենոսի անվան մրցանակը տրվում է շվեդացի պրոդյուսեր Քրիստեր Բյորկմանի կողմից սկսած 2002 թվականի մրցույթից։ Մրցանակը տրվում է երեք անվանակարգերում հաղթողերին. Արտիստիզմի մրցանակ, կոմպոզիտորի մրցանակ և մամլո մրցանակ։
Անվանակարգ | Երկիր | Երգ | Կատարող(ներ) | Կոմպոզիտոր(ներ) |
---|---|---|---|---|
Արտիստիզմի մրցանակ | ![]() |
"Hold Me" | Ֆարիդ Մամեդով | Ջոն Բալլարդ, Ռալֆ Չարլի |
Կոմպոզիտորի մրցանակ | ![]() |
"You" | Ռոբին Շերնբերգ | Ռոբին Շերնբերգ, Լիննեա Դեբ, Ջոն Դեբ, Յոակիմ Հարեսթադ Հաուկաս |
Մամլո մրցանակ | ![]() |
"Waterfall" | Սոփո Գելովանի և Նոդիկո Թաթիշվիլի | Թոմաս գ։ Սոն |
ՕԳԱԵ
[խմբագրել | խմբագրել կոդը]ՕԳԱԵ միջազգային կազմակերպությունը հիմնվել է 1984 թվականին Ֆինլանդիայում։ Կազմակերպության ունի ակումբներ Եվրոպական 40 երկրներում։ Յուրաքանչյուր երկրի ակումբ ամեն տարվա մրցութից օրեր առաջ կաzմակերպում է քվեարկություն ակումբի մասնակիցների միջև և բոլոր մասնակիցների քվեարկության ձայների արդյունքում կազմվում է թոփ 10 և վերջում հաշվվում է բոլոր ակումբերի մասնակիցների քվեարկության արդյունքերը։ Ստորև ներկայացված են 2013 թվականի մրցույթի ամենաշատ ձայներ ստացած 5 երկրները.
Երկիր | Երգ | Կատարող(ներ) | Կոմպոզիտոր(նոր) | ՕԳԱԵ արդյունք |
---|---|---|---|---|
![]() |
"Only Teardrops" | Էմիլի դը Ֆորեսթ | Լիզ Քեբլ, Ջուլիա Ֆաբրին Յակոբսեն, Թոմաս Ստենգարդ | 374 |
![]() |
"Crisalide" | Վալենտինա Մոնեթթա | Մաուրո Բալեստրի, Ռալֆ Զիգել | 282 |
![]() |
"I Feed You My Love" | Մարգարետ Բերգեր | Կարին Պարկ, «Machopsycho» | 269 |
![]() |
"Glorious" | Կասկադա | Յանն Պեիֆեր, Մանուել Ռեուտեր, Անդրես Բալլինաս, Թոնի Կորնելիսեն | 195 |
![]() |
"L'essenziale" | Մարկո Մենգոնի | Մարկո Մենգոնի, ռոբերտո Կազալինո, ֆրանչեսկո դե Բենեդետիս | 177 |
Բարբարա Դեքսի մրցանակ
[խմբագրել | խմբագրել կոդը]Բարբարա Դեքսի մրցանակը տրվում է բելգիացի երգչուհի Բարբարա Դեքսի անունից ով «Iemand als jij» երգով ներկայացրել է Բելգիան Եվրատեսիլ 1993 երգի մրցույթում։ Մրցանակը տրվում է այն արտիստին ով eurovisionhouse.nl կայքի կողմից անցկացրած քվեարկության արդյունքում ճանաչվում է հաղթող որպես ամենավատ հագնված արտիստ։ Ստորև ներկայացված են 2013-ի թոփ 5 ամենաշատ ձայներ ստացած արտիստները.
Երկիր | Կատարող | Ձայներ |
---|---|---|
![]() |
Մոյե 3 | 967 |
![]() |
Չեզար Օուատու | 544 |
![]() |
Մորան Մազոր | 296 |
![]() |
Ադրիան և Բլեդար | 150 |
![]() |
Հու Սի | 110 |
Ծանոթագրություններ
[խմբագրել | խմբագրել կոդը]- ↑ Հայաստանը հաստատում է իր մասնակցությունը(անգլ.)
- ↑ Բոսնիա և Հերցեգովինան չի լինի Մալմոյում(անգլ.)
- ↑ Պորտուգալիան չի մասնակցի Եվրատեսիլ 2013-ին Արխիվացված 2013-06-08 Wayback Machine(անգլ.)
- ↑ Սլովակիան չի լինի Մալմոյում(անգլ.)
- ↑ Թուրքիան չի մասնակցի Եվրատեսիլին Մալմոյում(անգլ.)
- ↑ Մալմյոն կհյուրընկալի Եվրատեսիլ 2013 երգի մրցույթը(անգլ.)
- ↑ TT (2012 թ․ հունիսի 20). «Inget schlager-EM i Göteborg». Sydsvenskan (Swedish). Արխիվացված է օրիգինալից 2012 թ․ հունիսի 24-ին. Վերցված է 2012 թ․ հունիսի 20-ին.
((cite web))
: CS1 սպաս․ չճանաչված լեզու (link) - ↑ «Many Armenians in Netherlands and Belgium voted for Dorians but their votes weren't counted». MediaMax. 2013 թ․ մայիսի 21. Վերցված է 2013 թ․ մայիսի 24-ին.
- ↑ 15min.lt լրատվական գործակալության տարածած տեսագրությունը
- ↑ «Eurovision organisers respond to media reports on voting». eurovision.tv. 2013 թ․ մայիսի 21. Վերցված է 2013 թ․ մայիսի 22-ին.
- ↑ "Russia: Azerbaijan's Eurovision snub 'outrageous'", BBC News, 21 May 2013
- ↑ «One in three watch Anouk but is the Eurovision winner a Dutch copy?». DutchNews.nl. 2013 թ․ մայիսի 19. Վերցված է 2013 թ․ մայիսի 22-ին.
- ↑ «Winnend lied Denemarken gejat van Nederlandse band?». Telegraaf.nl (in Dutch). 2013 թ․ մայիսի 19. Վերցված է 2013 թ․ մայիսի 20-ին.
- ↑ Morgan, Joe; Littauer, Dan (2013 թ․ մայիսի 16). «Turkey cancels Eurovision Song Contest over lesbian kiss». Gay Star News. Արխիվացված է օրիգինալից 2015 թ․ օգոստոսի 13-ին. Վերցված է 2013 թ․ մայիսի 22-ին.
- ↑ Gripper, Ann (2013 թ․ մայիսի 20). «Double denim, a lesbian kiss and Loreen's return: Eurovision 2013's best pictures». The Daily Mirror. Վերցված է 2013 թ․ մայիսի 22-ին.
- ↑ «Eurovision winner announced». NineMSN. 2013 թ․ մայիսի 19. Արխիվացված է օրիգինալից 2013 թ․ հունիսի 7-ին. Վերցված է 2013 թ․ մայիսի 22-ին.
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Եվրատեսիլ 2013 երգի մրցույթ» հոդվածին։ |
|
|
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.