Դեյվիդ Ջոել Սթերն
| Դեյվիդ Ջոել Սթերն անգլ.՝ David Stern | |
|---|---|
 | |
| Ծնվել է | սեպտեմբերի 22, 1942 |
| Ծննդավայր | Նյու Յորք, Նյու Յորք, ԱՄՆ |
| Մահացել է | հունվարի 1, 2020[1] (77 տարեկան) |
| Մահվան վայր | Նյու Յորք շրջան, Նյու Յորք, Նյու Յորք, ԱՄՆ[2] |
| Քաղաքացիություն |  ԱՄՆ |
| Կրոն | հուդայականություն |
| Կրթություն | Ռատգերսի համալսարան, Կոլումբիական համալսարանի իրավագիտության ֆակուլտետ և Teaneck High School? |
| Մասնագիտություն | փաստաբան, ձեռնարկատեր, սցենարիստ և իրավաբան |
| Զբաղեցրած պաշտոններ | NBA-ի կոմիսիոներ |
| Կուսակցություն | Դեմոկրատական կուսակցություն |
| Պարգևներ և մրցանակներ | |
 David Stern Վիքիպահեստում | |
Դեյվիդ Ջոել Սթերն (անգլ.՝ David Joel Stern, սեպտեմբերի 22, 1942, Նյու Յորք, 2020, հունվարի 1, Նյու Յորք), Բասկետբոլի ազգային ասոցիացիայի (NBA) կոմիսար 1984 թվականից 2014 թվականներին։ Նա իր աշխատանքը սկսեց NBA-ում՝ որպես արտաքին խորհրդատու, 1978 թվականին զբաղեցրեց գլխավոր խորհրդատուի պաշտոնը, իսկ 1980 թվականին դարձավ գործադիր փոխնախագահ։ 1984-2014 թվականներին նա լիգայի կոմիսար էր՝ փոխարինելով Լարրի Օ'Բրայենին։ Սթերնը Ռատգերսի համալսարանի հոգաբարձուների խորհրդի անդամ էր, Կոլումբիայի համալսարանի հոգաբարձուների խորհրդի նախագահ։ Նա նաև Միջազգային հարաբերությունների խորհրդի անդամ էր[3]։
2012 թվականի հոկտեմբերի 25-ին Սթերնը հայտարարեց, որ 2014 թվականի փետրվարի 1-ից հեռանալու է NBA-ի կոմիսարի պաշտոնից։ Այդ պաշտոնում նա իրեն փոխարինող նշանակեց Ադամ Սիլվերին[4]։ 2014 թվականի օգոստոսի 8-ին նա ընդունվեց Բասկետբոլի փառքի սրահ, որպես մի ֆունկցիոներ, ով նշանակալի ներդրում ունեցավ բասկետբոլի զարգացման մեջ[5]։ 2016 թվականին նա դարձել է նաև ՖԻԲԱ փառքի սրահի անդամ։
Վաղ տարիներ
[խմբագրել | խմբագրել կոդը]Ծնվել է 1942 թվականի սեպտեմբերի 22-ին Նյու Յորքում հրեական ընտանիքում։ Մեծացել է Տինեկում (Նյու Յորք)։ Ավարտել է Տինեկի միջնակարգ դպրոցը։ Ընդունվել է Ռատգերսի համալսարան, որտեղ 1960 թվականին միացել է Sigma Delta Chapter միաբանությանը։ 1963 թվականին գերազանց ավարտել է համալսարանը, իսկ 1966 թվականին ավարտել է Կոլումբիայի համալսարանի իրավաբանական դպրոցը։ Ավելի ուշ նա պետական քննություններ է հանձնել և աշխատել է որպես փաստաբան։
Սթերնի կառավարման ժամանակ NBA-ում տեղի ունեցած հիմնական իրադարձություններ
[խմբագրել | խմբագրել կոդը]- 28 նոր մրցարանների կառուցում (10-ը՝ 1999 թվականից)
- 5 խմբի տեղափոխումը NBA («Կլիպերս», «Սակրամենտո Քինգս», «Նյու Օռլեանս Պելիկանս», «Մեմֆիս Գրիզլիս» և «Սիեթլ Սուպերսոնիքս»/«Օկլահոմա Սիթի Թանդեր»)
- NBA-ում նոր խմբերի ստողծում («Նյու Օռլեանս Պելիկանս», «Մինեսոտա Թիմբերվուլվզ», «Մայամի Հիթ», «Օռլանդո Մեջիք», «Տորոնտո Ռեպտորս», «Մեմֆիս Գրիզլիս» և «Շառլոթ Հորնեթս»)
- НБА-ի դրես-կոդի հաստատում
- NBA-ի եզրափակիչ գավաթի վերանվանումը (անգլ.՝ NBA Finals Trophy) Լարրի Օ'Բրայենի գավաթ անունով (անգլ.՝ Larry O'Brien Trophy)
- NBA-ի եզրափակչի MVP տիտղոսի վերանվանումը (անգլ.՝ NBA Finals MVP Trophy) NBA-ի եզրափակչի ամենաարժեքավոր խաղացողի՝ Բիլ Ռասելի մրցանակ անունով (անգլ.՝ Bill Russell NBA Finals Most Valuable Player Award)
- Ընդամենը 8 տարբեր թիմեր նվաճել են Լարրի Օ'Բրայենի գավաթը իր ղեկավարման 29 տարիների ընթացքում։
Անձնական կյանք և մահ
[խմբագրել | խմբագրել կոդը]Ամուսնացած է եղել Դիանա Բոկ Սթերնի հետ, ունեցել են երկու որդիներ[6]։
2019 թվականի դեկտեմբերի 12-ին Սթերնը ուղեղի արյունազեղում է ունեցել և շտապ վիրահատվել։ Մահացել է 2020 թվականի հունիսի 1-ին Նյու Յորքում 77 տարեկան հասակում[7]։
Ծանոթագրություններ
[խմբագրել | խմբագրել կոդը]- ↑ Stein M. David Stern, Transformative N.B.A. Commissioner, Dies at 77(անգլերեն) // The New York Times / (not translated to en-us) — (untranslated): (untranslated), 2020. — ISSN 0362-4331; 1553-8095; 1542-667X
- ↑ David Stern, Transformative N.B.A. Commissioner, Dies at 77 — The New York Times.
- ↑ «David J. Stern» (անգլերեն). nba.com. Արխիվացված է օրիգինալից 2010 թ․ հուլիսի 17-ին. Վերցված է 2010 թ․ հուլիսի 27-ին.
- ↑ Brian Windhorst (2012 թ․ հոկտեմբերի 25). «David Stern has date for retirement» (անգլերեն). ESPN. Արխիվացված օրիգինալից 2013 թ․ հունիսի 26-ին. Վերցված է 2013 թ․ հունիսի 21-ին.
- ↑ «David Stern». hoophall.com (անգլերեն). Naismith Memorial Basketball Hall of Fame. Արխիվացված է օրիգինալից 2014 թ․ օգոստոսի 9-ին. Վերցված է 2014 թ․ հոկտեմբերի 9-ին.
- ↑ «David J. Stern». NBA.com. 2007 թ․ նոյեմբերի 9. Արխիվացված է օրիգինալից 2010 թ․ հուլիսի 17-ին. Վերցված է 2011 թ․ հունվարի 10-ին.
- ↑ «Davis Stern die at 77». Վերցված է 20-02-08-ին.
Արտաքին հղումներ
[խմբագրել | խմբագրել կոդը]Text is available under the CC BY-SA 4.0 license; additional terms may apply.
Images, videos and audio are available under their respective licenses.
