Գեորգի Գասպարյան
- Վիքիպեդիայում կան հոդվածներ Գասպարյան ազգանունով այլ մարդկանց մասին։
| Գեորգի Սահակի Գասպարյան | |
|---|---|
| 1942 կամ հուլիսի 7, 1942 (82 տարեկան) - | |
| Ծննդավայր | Մարտակերտի շրջանի՝ Զարդախաչ գյուղ |
| Կոչում | Հայրենիքին ծառայության համար 3-րդ աստիճանի շքանշան, ՀՀ Մարտական խաչ 1-ին աստիճանի շքանշան,Արցախի Հերոս բարձրագույն կոչում, Ոսկե Արծիվ շքանշան |
| Հրամանատարն էր | Ռեակտիվ դիվիզիայի հրամանատար |
| Մարտեր/ պատերազմներ | Շուշիի, Քաշաթաղի, Կուբաթլուի, Մարտակերտի, Քարվաճառի, Աղդամի, Ջեբրայիլի, Հորադիզի, Զանգելանի, Մինջևանի, Ֆիզուլիի, Զարդախաչի, Չափարի |
| Կրթություն | Թբիլիսիի հրետանային բարձրագույն հրամանատարական ուսումնարան |
| Պարգևներ | |
Գեորգի Իսահակի Գասպարյան (1942 կամ հուլիսի 7, 1942, Զարդախաչ, Մարտակերտի շրջան, ԼՂԻՄ, Ադրբեջանական ԽՍՀ, ԽՍՀՄ և Զարդախաչ, Մարտակերտի շրջան), Արցախի հերոս, Մարտական խաչ 1-ին աստիճանի շքանշանակիր։
Կենսագրություն
[խմբագրել | խմբագրել կոդը]Գեորգի Գասպարյանը ծնվել է 1942 թվականի հուլիսի 7-ին Լեռնային Ղարաբաղի Մարտակերտի շրջանի` Զարդախաչ գյուղում։ 1966 թվականին ավարտել է Թբիլիսիի հրետանային ուսումնարանը։ 1966-1988 թվականներին ծառայել է ԽՍՀՄ-ի ԶՈՒ-ում։ Գեորգի Գասպարյանը եղել է ռեակտիվ դիվիզիայի հրամանատար, ուսումնական կենտրոնի շտաբի պետ։ 1991 թվականին զինվորագրվել է Զարդախաչի կամավորական ջոկատին, մասնակցել է Զարդախաչի և Չափարի ինքնապաշտպանական մարտերին։ 2002 թվականին զորացրվել է բանակ։ Մասնակցել է Շուշիի, Քաշաթաղի, Կուբաթլուի, Մարտակերտի, Քարվաճառի, Աղդամի, Ջեբրայիլի, Հորադիզի, Զանգելանի, Մինջևանի, Ֆիզուլիի ազատագրական մարտերին։ Մասնակցել է գրեթե բոլոր ռազմական գործողություններին` Արաքսից մինչև Օմարի լեռնանցք։ 1999-2000 թվականներին ստանձնել է ԼՂՀ ՊԲ հրամանատարի առաջին տեղակալ հրետանու պետ։ 2000-2002 թվականներին դարձել է ՊԲ հրետանային ծառայության պետ։ 1996 թվականին Գեորգի Գասպարյանը ստացել է ԼՂՀ ՊԲ-ի գեներալ-մայորի կոչում։ Զինադադարի հաստատման գործում մեծ էր խորհրդային բանակում երկար ու պատվաբեր ուղի անցած հրետանավոր Գեորգի Գասպարյանի դերը։
Կոչումներ
[խմբագրել | խմբագրել կոդը]- Հայրենիքին ծառայության համար 3-րդ աստիճանի շքանշան (21.02.1978 թվական)
- ՀՀ Մարտական խաչ 1-ին աստիճանի շքանշան (18.02.2000 թվական)
- Արցախի Ազգային Հերոս բարձրագույն կոչում (08.05.2005 թվական)
- Ոսկե Արծիվ շքանշան
Արտաքին հղումներ
[խմբագրել | խմբագրել կոդը]- ԳԵՈՐԳԻ ԻՍԱՀԱԿԻ(չաշխատող հղում)
- ՀԵՐՈՍ (չաշխատող հղում)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
