Գարեգին Ռշտունի
- Վիքիպեդիայում կան հոդվածներ Ռշտունի ազգանունով այլ մարդկանց մասին։
 | |
|---|---|
| Ծնվել է | 1840 ապրիլի 3 |
| Ծննդավայր | Բուխարեստ  Ռումինիա |
| Մահացել է | հոկտեմբերի 11, 1879 (տարիքը 39) |
| Մահվան վայր | Սալոնիկ  Հունաստան |
| Ազգություն | հայ |
| Մասնագիտություն | Դերասան |
Գարեգին Ռշտունի (ապրիլի 3, 1840, Բուխարեստ, Ռումինիա - հոկտեմբերի 11, 1879, Սալոնիկ, Հունաստան), հայ դերասան։
Կենսագրություն
[խմբագրել | խմբագրել կոդը]Գարեգին Ռշտունին ծնվել է 1840 թվականին, Բուխարեստում։ Վաղ տարիքում ծնողների հետ փոխադրվել է Կ.Պոլիս։ Բեմական գործունեությունն սկսել է 1865 թվականին։ 1868 թվականին ընդգրկվել է Հակոբ Վարդովյանի թատերախմբում։ Տիրապետել է բեմարվեստի առանձնահատկություններին, ժամանակին համեմատվել է Կոկլեն եղբայրների հետ։
Մեծ համբավ է ձեռք բերել հատկապես Մոլիերի պիեսների դերերի կատարումով՝ Փուրսոնյակ՝ «Պարոն դը Փուրսոնյակ», Ժորժ Դանդեն՝ «Ժորժ Դանդեն», Արզան՝ «Երևակայական հիվանդը», Հարպագոն՝ «Ագահը» և այլն։ Հեղինակել և կատարել է մի շարք կատակերգություններ։ Զբաղվել է նաև թատերագրությամբ, հիշարժան են՝ «Աղջկան մը օժիտը», «Թղթե վզնոցով սիրահարը» պիեսները։ Գրել է նաև Տիգրան Չուխաճյանի «Քյոսե Քեհյա» օպերետի լիբրետոն[1][2]։
Ծանոթագրություններ
[խմբագրել | խմբագրել կոդը]- ↑ «Տիգրան Չուխաճյանի «Քյոսե քեհյա» կոմիկական օպերան». Արխիվացված է օրիգինալից 2016 թ․ մարտի 5-ին. Վերցված է 2015 թ․ ապրիլի 3-ին.
- ↑ Գարեգին Ռշտունու կենսագրությունը zarkfoundation.com կայքում
Text is available under the CC BY-SA 4.0 license; additional terms may apply.
Images, videos and audio are available under their respective licenses.
