Անտոնիո Միրանտե (իտալ.՝ Antonio Mirante, հուլիսի 8, 1983(1983-07-08)[1][2][3], Կաստելամարե դի Ստաբիա, Նեապոլ, Կամպանիա, Իտալիա), իտալացի ֆուտբոլիստ, «Ռոմա» ակումբի դարպասապահ։
Միրանտեն «Յուվենտուսի» ակադեմիայի սան է, որի կազմում հանդես է եկել 2000 թվականից։ 2004 թվականին նա վարձավճարով տեղափոխվել է Սերիա Բ-ի «Կրոտոնե» ակումբ, որի կազմում անցկացրել է 41 խաղ։ Հաջորդ մրցաշրջանում նա կրկին վարձավճարով տեղափոխվել է Իտալիայի առաջնության «Սիենա» ակումբ։ 2005 թվականի օգոստոսի 28-ին՝ «Կալյարի» ակումբի դեմ խաղում նա կատարել է իր նորամուտը Սերիա Ա-ում[4]։ 2005/2006 թվականների մրցաշրջանում նա անցկացրել է 26 խաղ «Սիենա» ակումբի կազմում։ Իսկ 2006/2007 մրցաշրջանում Միրանտեն Սերիա Բ-ի «Յուվենտուս» ակումբի կազմում անցկացրել է 7 խաղ։
2008 թվականի ամռանը Միրանտեն տեղափոխվել է «Սամպդորիա» ակումբ[5]։ «Սամպդորիայի» կազմում հիմնական խաղացող չի դարձել և 2 մրցաշրջանում մասնակցել է Իտալիայի առաջնության միայն 21 խաղի, իսկ 2008/09 մրցաշրջանում նա թիմին օգնել է հասնել մինչև Իտալիայի գավաթի խաղարկության եզրափակիչ։ 2009 թվականի ամռանը Միրանտեն տեղափոխվել է «Պարմա» ակումբ։ Նույն տարվա հոկտեմբերի 23-ին՝ «Ուդինեզե» ակումբի դեմ խաղում նա կատարել է իր նորամուտը նոր թիմի կազմում[6]։ «Պարմա» ակումբի կազմում նա անցկացրել է 6 մրջաշրջան՝ մասնակցելով 204 խաղի։
2015 թվականի ամռանը Միրանտեն տեղափոխվել է «Բոլոնյա» ակումբ։ Օգոստոսի 22-ին «Լացիո» ակումբի դեմ խաղում նա կատարել է իր նորամուտը նոր թիմի կազմում[7]։
Անտոնիո Միրանտեն մասնակցել է 2006 թվականի Եվրոպայի երիտասարդական առաջնությանը, սակայն այդ մրցաշարում մնացել է պահեստայինների նստարանին և խաղադաշտ դուրս չի եկել։ 2010 և 2014 թվականներին նա հրավիրվել է Իտալիայի հավաքական, բայց այդպես էլ խաղադաշտ դուրս չի եկել։
«Յուվենտուս»
Իտալիա
