Ազգային գվարդիա
Ազգային գվարդիա (ֆր.՝ la Garde Nationale, անգլ.՝ National Guard), քաղաքացիական զինված աշխարհազոր։
Պատմություն
[խմբագրել | խմբագրել կոդը]Ստեղծվել է 1789 թվականին, Ֆրանսիայում՝ բուրժուական հեղափոխության սկզբին։ Ընդհատումներով գոյատևել է մինչև 1871։ Ազգային գվարդիան կազմվում էր տերիտորիալ սկզբունքով։ Մինչև 1852 թվականը նրա սպայական կազմը ընտրովի էր (բացի գլխավոր հրամանատարից)։
Ֆրանսիա
[խմբագրել | խմբագրել կոդը]1870-1871 թվականներին Փարիզի Ազգային գվարդիա, որի մեջ ֆրանս-պրուսական պատերազմի ժամանակ ընդգրկվեցին ժողովրդական զանգվածները, հեղափոխական մեծ դեր խաղաց։ Նրա Կենտրոնական կոմիտեն դարձավ 1871 թվականի մարտի 18-ի ապստամբության ղեկավարը և մինչև մարտի 28-ը կատարում էր Փարիզի ժամանակավոր հեղափոխական կառավարության դեր։
Եվրոպա
[խմբագրել | խմբագրել կոդը]Եվրոպայում XIX դարի բուրժուական հեղափոխությունների շրջանում քաղաքացիական աշխարհազոր (Ազգային գվարդիա, ազգային միլիցիա, քաղաքացիական գվարդիա և այլն) գոյություն ուներ Գերմանական միության երկրներում, Իսպանիայում, իտալական պետություններում և այլուր։
ԱՄՆ-ում այժմ կա բանակի և ռազմաօդային ուժերի Ազգային գվարդիա, որն իր կազմում ունի 23 հետևակային, զրահատանկային և օդային-դեսանտային դիվիզիա (300 հազար մարդ)։ Այն ամերիկյան իմպերիալիզմի ռազմական հենարանն է երկրի ներսում և օգտագործվում է հակապատերազմական ելույթները, նեգրական շարժումները և բանվորական ցույցերը ճնշելու համար։
Տես նաև
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Ազգային գվարդիա» հոդվածին։ |
| ||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 106)։ 
|
Text is available under the CC BY-SA 4.0 license; additional terms may apply.
Images, videos and audio are available under their respective licenses.
