«Պլազա» հյուրանոց
 | |
|---|---|
 | |
| Տեսակ | բազմահարկ շենք, երկնաքեր, հյուրանոց և workplace? |
| Երկիր |  ԱՄՆ[1] |
| Տեղագրություն | Նյու Յորք շրջան[1] և Նյու Յորք |
| Փողոց | Հինգերորդ պողոտա |
| Ճարտարապետական ոճ | նեոռենեսանս |
| Բարձրություն | 76 մետր |
| Հարկեր | 18[2] |
| Սեփականատեր | Ֆեյրմոն հյուրանոցներ և հանգստյան տներ |
| Հիմնադրված է | 1907 |
| Բացված | 1907 |
| Ճարտարապետ | Henry Janeway Hardenbergh? |
| Ժառանգության կարգավիճակ | Վայր՝ ԱՄՆ պատմական վայրերի ազգային ցանկից, ԱՄՆ-ի ազգային պատմական հուշարձաններ, Նյու Յորքի տեսարժան վայր, New York State Register of Historic Places listed place? և Նյու Յորքի տեսարժան վայր |
 | |
 | |
| Պաշտոնական կայք | |
«Պլազա» հյուրանոց (անգլ.՝ The Plaza Hotel), հինգաստղանի հյուրանոց Նյու Յորքում։ Համարվում է Նյու Յորքի ամենահին և աշխարհի ամենահեղինակավոր հյուրանոցներից մեկը։ Գտնվում է Մանհեթենի կենտրոնական հատվածում՝ Բանակային մեծ հրապարակում, որտեղ իրար են հատվում 59-րդ փողոցը և հինգերորդ պողոտան։ Հյուրանոցը գտնվում է Նյու Յորքի կենտրոնական պարկի հարավարևելյան անկյունի հարևանությամբ։
Պատմություն
[խմբագրել | խմբագրել կոդը]
Հյուրանոցի կառուցումը սկսվել է 1905 թվականին և արժեցել $12,5 միլիոն ԱՄՆ դոլար[3]։ «Պլազան» բացվել է 1907 թվականի հոկտեմբերի 1-ին։ Այն ժամանակ հյուրանոցում մեկ գիշերվա համար մեկ համարի գինը կազմում էր $2,5 (մոտ $58,2 ԱՄՆ դոլար ժամանակակից արժեքով), իսկ այսօր այդ նույն սենյակի գինը գերազանցում է 700 ԱՄՆ դոլարը[4]։
1943 թվականին հյուրանոցը գնել է Քոնրադ Հիլթոնը՝ վճարելով 7,4 միլիոն դոլար։ Հյուրանոցը գնելուց հետո՝ նա ծախսել է ևս 6 000 000 դոլար՝ վերակառուցման աշխատանքների համար։ Դրանից հետո հյուրանոցը մի քանի անգամ վերավաճառվել է։ Գնորդներից մեկը եղել է ԱՄՆ ներկայիս նախագահ Դոնալդ Թրամփը։ Նա «Պլազան» 1988 թվականին գնել է 407,5 միլիոն ԱՄՆ դոլարով։
1985 թվականի սեպտեմբերին հյուրանոցում համաձայնագիր է կնքվել ԱՄՆ-ի, Ճապոնիայի, Գերմանիայի Ֆեդերատիվ Հանրապետության, Ֆրանսիայի և Մեծ Բրիտանիայի ֆինանսների նախարարների միջև՝ տվյալ երկրների ազգային արժույթի համեմատ դոլարի կուրսի նվազեցման մասին[5]։
Վերջին վերակառուցման համար հյուրանոցը փակվել է 2005 թվականի ապրիլի 30-ին[6]։ Երեք տարի անց՝ հյուրանոցը վերաբացվել է[7]։ Այնտեղ հաշվարկվում էր 282 հյուրանոցային համարներ և 152 մասնավոր բնակարաններ։ Այդպիսի բնակարաններից առաջինը վաճառվել է 10 միլիոն դոլարով։ Գնորդը եղել է իսրայելցի ձեռնարկատեր Լև Լևաևը, իսկ վերջինը վաճառվել է ռեկորդային 50 000 000 ԱՄՆ դոլարով։ Բայց վերջին ժամանակներում հյուրանոցում մասնավոր բնակարան կարելի է գնել 50 քառակուսի մետրը սկսած 1 500 000 ԱՄՆ դոլարով[8]։
Ճարտարապետական հուշարձան
[խմբագրել | խմբագրել կոդը]
1978 թվականին Նյու Յորքի պահպանման հանձնաժողովը հյուրանոցին տվել է հատուկ կարգավիճակ, որը, «Ուոլդորֆ Աստորիա» հյուրանոցի հետ միասին, հյուրանոցին շնորհում է Նյու Յորքի պատմական տեսարժան վայրի կարգավիճակ[9]։ Այսպիսով, հյուրանոցը դարձել է զբոսաշրջիկների այցելության օբյեկտներից մեկը։ 2009 թվականի հունվարին «Պլազա» հյուրանոցը փակվել է զբոսաշրջիկների այցելության համար։
Պլազան ֆիլմերում
[խմբագրել | խմբագրել կոդը]Հյուրանոցի դեբյուտը ֆիլմերում տեղի է ունեցել 1959 թվականին Ալֆրեդ Հիչքոքի «Դեպի հյուսիս հյուսիս-արևմուտքով» ֆիլմում, ինչը Պլազան էլ ավելի հայտնի է դարձրել։ Հյուրանոցը հայտնվել է «Տանը մենակ 2։ Նյու Յորքում կորածը», «Մեծ բիզնես», «Դանդի անունով կոկորդիլոսը», «Հարսնացուների պատերազմ», «Դա կարող էր պատահել քեզ հետ», «Էլոիզայի արկածները», «Էլոիզայի արկածները 2», «Ընտանիքասերը», «Սարդ-մարդը», «Նյու Յորքի վայրկյան», «Մեծն Գեթսբին», «Բամբասանքի աղջիկ» ֆիլմերում և հեռուստասերիալներում։
Հետաքրքիր փաստեր
[խմբագրել | խմբագրել կոդը]- 1964 թվականի փետրվարին հյուրանոցում իջևանել է The Beatles բրիտանական ռոք խումբը՝ Նյու Յորքում իրենց առաջին այցի ժամանակ։
Տես նաև
[խմբագրել | խմբագրել կոդը]- Ջարեդ Ֆլեգ
Ծանոթագրություններ
[խմբագրել | խմբագրել կոդը]- ↑ 1,0 1,1 archINFORM (գերմ.) — 1994.
- ↑ https://www.skyscrapercenter.com/building/wd/11741
- ↑ «The Plaza Hotel: History». Արխիվացված է օրիգինալից 2010 թ․ մարտի 28-ին. Վերցված է 2017 թ․ դեկտեմբերի 2-ին.
- ↑ «The Plaza». Արխիվացված է օրիգինալից 2012 թ․ հուլիսի 23-ին. Վերցված է 2017 թ․ դեկտեմբերի 2-ին.
- ↑ ««National Register of Historic Places Inventory-Nomination»» (PDF). Արխիվացված է օրիգինալից (PDF) 2011 թ․ մայիսի 27-ին. Վերցված է 2017 թ․ դեկտեմբերի 2-ին.
- ↑ Danto, Ginger. «Suite Deal for the Plaza.» Brandweek 2005 April 25: 30.
- ↑ Baltic, Contributing Editor Scott. «New York’s Plaza Hotel Reopens After $400M Renovation.» Commercial Property News 2008 March 3: NA.
- ↑ «Apartment at Plaza goes for a big sum: $50M». Արխիվացված է օրիգինալից 2011 թ․ հունիսի 4-ին. Վերցված է 2017 թ․ դեկտեմբերի 2-ին.
- ↑ «National Historic Landmarks». Արխիվացված է օրիգինալից 2007 թ․ հոկտեմբերի 16-ին. Վերցված է 2017 թ․ դեկտեմբերի 2-ին.
Արտաքին հղումներ
[խմբագրել | խմբագրել կոդը]- «The Plaza Hotel»-ի պաշտոնական կայք էջը Արխիվացված 2012-07-23 Wayback Machine(անգլ.)
 | Վիքիպահեստն ունի նյութեր, որոնք վերաբերում են ««Պլազա» հյուրանոց» հոդվածին։ |
| ||||||||||
Text is available under the CC BY-SA 4.0 license; additional terms may apply.
Images, videos and audio are available under their respective licenses.
