Delnja Sakska
| Wopon | Chorhoj |
|
|
| Zakładne daty | |
|---|---|
| stolica | Hannover |
| přestrjeń | 47.624,22 km² |
| wobydlerstwo | 8.027.031 (31. dec 2021) |
| hustosć wobydlerstwa | 169 wob. na km² |
| oficialne websydło | niedersachsen.de |
| Politika | |
| ministerski prezident | Stephan Weil (SPD) |
| knježacej stronje | SPD a Zeleni |
| strony w parlamenće (146 sydłow) |
SPD 57 CDU 47 Zwjazk 90/Zeleni 24 AfD 18 |
| poslednje wólby | 9. oktobra 2022 |
| přichodne wólby | 2027 |
| Zastupjerjo w Zwjazkowej radźe |
6 |
| karta | |
 | |
Delnja Sakska (němsce Niedersachsen, delnjoněmsce Neddersassen) je zwjazkowy kraj z něhdźe wósom milionami wobydlerjow, kotryž leži mjez Smolinami a Sewjernym morjom na sewjerozapadźe Němskeje. Po přestrjeni je po Bayerskej druhi najwjetši kraj Zwjazkoweje republiki Němska. Jeho hłowne město je Hannover.
Geografija
[wobdźěłać | žórłowy tekst wobdźěłać]Delnja Sakska mjezuje ze Schleswigsko-Holsteinskej, Hamburgom a Mecklenburgsko-Předpomorskej na sewjerowuchodźe, z Braniborskej a Saksko-Anhaltskej na wuchodźe, z Durinskej a Hessenskej na samym juhowuchodźe, ze Sewjerorynsko-Westfalskej na juhu a z Nižozemskej na zapadźe. Na sewjeru twori pobrjóh Sewjerneho morja přirodnu mjezu. Tež Wuchodofriziske kupy słušeja k Delnjej Sakskej.
Přez Delnju Saksku běži rěka Łobjo, kotraž tworja hranicu ze Schleswigsko-Holsteinskej, Hamburgom, Mecklenburgsko-Předpomorskej a Braniborskej, kaž tež rěki Weser, Aller a Ems.
Města
[wobdźěłać | žórłowy tekst wobdźěłać]Najwjetše města Delnjeje Sakskeje su:
| město | wobydlerstwo (2021)[1] |
|---|---|
| Hannover | 535.932 |
| Brunšwik | 248.823 |
| Oldenburg | 170.389 |
| Osnabrück | 165.034 |
| Wolfsburg | 123.949 |
| Göttingen | 116.557 |
| Salzgitter | 103.694 |
| Hildesheim | 100.319 |
| Delmenhorst | 77.522 |
| Wilhelmshaven | 75.027 |
Stawizny
[wobdźěłać | žórłowy tekst wobdźěłać]Delnja Sakska je so w lěće 1946 załožiła.
Mjena sydlišćow
[wobdźěłać | žórłowy tekst wobdźěłać]W Delnjej Sakskej eksistuja někotre mjena sydlišćow (Lüchow, Wustrow, Bardowiek), kotrež pochadźa ze słowjanskeje rěče. Tuta słowjanska rěč hižo njeeksistuje, ale bě přiwuzna z kašubšćinu, pólšćinu, ale tež ze hornjoserbšćinu, delnjoserbšćinu, čěšćinu a słowakšćinu. Słuša k lechiskej skupinje zapadosłowjanskich rěčow. Ale su tam tež mjena němskeho pochada.
Žórła
[wobdźěłać | žórłowy tekst wobdźěłać]- ↑ Krajny zawod za statistiku a komunikacisku technologiju Delnjeje Sakskeje, ličby wobydlerstwa na zakładźe censusa 2011; staw 31. decembra 2021
Wotkazaj
[wobdźěłać | žórłowy tekst wobdźěłać]
Commons: Delnja Sakska – Zběrka wobrazow, widejow a awdiodatajow- Oficielne webstrony (němsce)
Badensko-Württembergska • Bayerska • Berlin • Braniborska • Bremen • Delnja Sakska • Durinska • Hamburg • Hessenska • Mecklenburgsko-Předpomorska • Porynsko-Pfalca • Posaarska • Sakska • Saksko-Anhaltska • Schleswigsko-Holsteinska • Sewjerorynsko-Westfalska
1952 k Badensko-Württembergskej fuzionowali: Südbaden | Württemberg-Baden | Württemberg-Hohenzollern
Text is available under the CC BY-SA 4.0 license; additional terms may apply.
Images, videos and audio are available under their respective licenses.
