Zwjazkowa rada
_Plenarsaal.JPG)
Zwjazkowa rada (němsce Bundesrat) je jako tak mjenowana „krajna komora“ z lěta 1949 wustawowy organ Zwjazkoweje republiki Němskeje, přez kotrež wobdźěla so zwjazkowe kraje na zakonjedawarstwje (legislatiwje) a zarjadnistwje zwjazka kaž tež w naležnosćach Europskeje unije.
Kóždy kraj je – wotpowědujo swojeje wulkosće – přez zastupjerjow swojeho krajneho knježerstwa w zwjazkowej radźe zastupjeny. Někotre zakonje trjebaja schwalenje přez Zwjazkowu radu, zo bychu nabyli płaćiwosć. Na tamnym boku ma Zwjazkowa rada – kaž Zwjazkowy sejm – prawo, namjetować nowe zakonje abo změny wobstejacych zakonjow. Na te wašnje wobkedźbuja so zajimy krajow w politiskim tworjenju wole cyłkowneho stata. Zwjazkowa rada je tuž wuraz federalizma w Němskej.
Sydło Zwjazkoweje rady je wot lěta 2000 něhdyši pruski „knježi dom“ w Berlinje, do toho tak mjenowany „Zwjazkowy dom“ w Bonnje.
Předsyda Zwjazkoweje rady ma po protokolu štwórte najwyše zastojnstwo w Němskej po zwjazkowym prezidenće, zwjazkowym kanclerje a prezidenće Zwjazkoweho sejma. Wot 1. nowembra 2015 hač do 31. oktobra 2016 bě Stanisław Tilich jako ministerski prezident Sakskeje amtěrowacy předsyda Zwjazkoweje rady.
Rozdźělenje sydłow
[wobdźěłać | žórłowy tekst wobdźěłać]
Rozdźělenje sydłow w Zwjazkowej radźe na kraje wotpowěduje slědowacym prawidłam:
- kóždy kraj ma znajmjeńša tři hłosy,
- kraje z wjace hač dwěmaj milionomaj wobydlerjow maja štyri hłosy,
- kraje z wjace hač šěsć milionami wobydlerjow maja pjeć hłosow,
- kraje z wjace hač sydom milionami wobydlerjow maja šěsć hłosow.
Potajkim su małe kraje lěpje reprezentowane hač wulke. W krajach, hdźež knježi knježerstwowa koalicija z wjacorych stronow, su zastupjerjo wšěch stronow w Zwjazkowej radźe zastupjeni.
| kraj | wobydlerjo[1] | hłosy | knježace strony |
přichodne wólby[. 1] |
před- sydstwo[. 2] |
|---|---|---|---|---|---|
 Badensko-Württembergska
|
10.631.278 | █ █ █ █ █ █ | Zeleni, CDU | 2026 | 2029 |
.svg){kind=small} Bayerska
|
12.604.244 | █ █ █ █ █ █ | CSU, Swobodni wolerjo | 2023 | 2028 |
 Berlin
|
3.421.829 | █ █ █ █ | SPD, Lěwica, Zeleni | 2021 | 2034 |
 Braniborska
|
2.449.193 | █ █ █ █ | SPD, CDU, Zeleni | 2024 | 2036 |
 Bremen
|
657.391 | █ █ █ | SPD, Zeleni, Lěwica | 2023 | 2026 |
 Delnja Sakska
|
7.790.559 | █ █ █ █ █ █ | SPD, CDU | 2022 | 2030 |
 Durinska
|
2.160.840 | █ █ █ █ | Lěwica, SPD, Zeleni | 2024 | 2022 |
 Hamburg
|
1.746.342 | █ █ █ | SPD, Zeleni | 2025 | 2023 |
 Hessenska
|
6.045.425 | █ █ █ █ █ | CDU, Zeleni | 2023 | 2031 |
 Mecklenburgsko-Předpomorska
|
1.596.505 | █ █ █ | SPD, CDU | 2021 | 2024 |
 Porynsko-Pfalca
|
3.994.366 | █ █ █ █ | SPD, Zeleni, FDP | 2026 | 2033 |
 Posaarska
|
990.718 | █ █ █ | CDU, SPD | 2022 | 2025 |
 Sakska
|
4.046.385 | █ █ █ █ | CDU, Zeleni, SPD | 2024 | 2032 |
 Saksko-Anhaltska
|
2.244.577 | █ █ █ █ | CDU, SPD, Zeleni | 2026 | 2021 |
 Schleswigsko-Holsteinska
|
2.815.955 | █ █ █ █ | CDU, FDP, Zeleni | 2022 | 2035 |
 Sewjerorynsko-Westfalska
|
17.571.856 | █ █ █ █ █ █ | CDU, FDP | 2022 | 2027 |
| cyłkownje | 80.767.463 | 69 | |||
- ↑ po prawidłownym wólbnym turnusu
- ↑ kalenderske lěto předsydstwa, w kotrymž tute zwjetša leži; potajkim lěto po započatku předsydstwa
Nóžki
[wobdźěłać | žórłowy tekst wobdźěłać]Wotkazaj
[wobdźěłać | žórłowy tekst wobdźěłać]
Commons: Zwjazkowa rada – Zběrka wobrazow, widejow a awdiodatajowText is available under the CC BY-SA 4.0 license; additional terms may apply.
Images, videos and audio are available under their respective licenses.
