Jan Rychtar
![](https://upload.wikimedia.org/wikipedia/commons/thumb/e/e3/Nosa%C4%87icy_Ewangelska_cyrkej_1.jpg/220px-Nosa%C4%87icy_Ewangelska_cyrkej_1.jpg)
Jan Rychtar (němsce Johann Richter; * 24. januara 1732 w Klukšu, † 14. januara 1802 w Nosaćicach) bě serbski ewangelski farar, wučer a pedagogiski prócowar.
Narodźi so jako syn wowčerja na Klukšanskim knježim dworje a wopytowaše seminar w Delnim Wujězdźe. Wot 1746 do 1750 bě chowanc syrotownje w Hali nad Solawu a wot 1750 studowaše teologiju, najprjedy w Lipsku (1750/51) a potom w Hali (1751–56). Za čas studija bě čłon Serbskeho prědarskeho towarstwa a wuwučowaše při łaćonskej šuli syrotownje w Hali. Wot 1756 do 1760 bě z wučerjom na realce we Wittenbergu. 1760 nawróći so do Łužicy a nastupi farske městno w Nosačanskej wosadźe. Po jeho smjerći w lěće 1802 přewza Rychtarjowy syn Ernst Bohachwał tamnišu wosadu.
Jan Rychtar wobstara w lěće 1773 nowe wudaće Noweho zakonja w hornjoserbskej rěči, kotrež bu wot Pětra Eliasa Šěracha w Rudolstadće ćišćene.
Žórło
[wobdźěłać | žórłowy tekst wobdźěłać]- Rudolf Kilank: Rychtar, Jan. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 488
Text is available under the CC BY-SA 4.0 license; additional terms may apply.
Images, videos and audio are available under their respective licenses.