Dubrjenske bahno
Dubrjenske bahno (němsce Dubringer Moor) je přirodoškitne pasmo na sewjeru Budyskeho wokrjesa. Leži něhdźe pjeć kilometrow juhozapadnje Wojerec mjez Michałkami na sewjeru, Kulowcom na wuchodźe, Kulowom na juhowuchodźe a Dubrjenkom na juhu a wobsteji z wulkeje nižiny z holanskim bahnom.
Z přestrjenju wot 17,09 km² je Dubrjenske bahno pjate najwjetše přirodoškitne pasmo Sakskeje. Wono wobsahuje najwjetši wobchowany bahnowy kompleks Hornjeje Łužicy. Teren z přimjeznymi rybjacymi hatami je wot lěta 1248 we wobsydstwje klóštra Marijina hwězda.
Bahno nasta w Halštrowskej lodowej dobje w pónoji mjez třomi morenami w formje do sewjerneho směra wotewrjeneho pódkowa, w kotrymž so woda nahromadźi. Z rostlinskeho materiala nastawaše přez něhdźe 10.000 lět hač do šěsć metrow sylna pochowa woršta.
Přez Dubrjenske bahno wjedźetej Krabatowy a Žabjacy kolesowarski pućik. Za motorizowany wobchad je zawrjene.
Woznam za přirodoškit
[wobdźěłać | žórłowy tekst wobdźěłać]Dubrjenske bahno je wažne lehnjenske pasmo za wšelakore wohrožene družiny ptačkow:
- čerwjeny milan
- čorny dypornak
- čorny milan
- drěwčik
- humpak
- kobčik
- kozydój
- mórski worjoł
- njebjeska koza
- paškowronc
- rybačk
- srokopjel
- šćejca
- šćekotak
- šěry dypak
- šwikawa
- wódnik
- žoraw
Nimo toho su w Dubrjenskim bahnje žiwe wudry, šupy, zmijicy a ješćelcy kaž tež mološe.
Wotkaz
[wobdźěłać | žórłowy tekst wobdźěłać]
Commons: Dubrjenske bahno – Zběrka wobrazow, widejow a awdiodatajowText is available under the CC BY-SA 4.0 license; additional terms may apply.
Images, videos and audio are available under their respective licenses.
