Bozankecy
Basankwitz

DEC
město:	Budyšin
zagmejnowanje:	1936 (do Delnjeje Kiny)
wobydlerstwo:	33 (31. decembra 2023)[1]
wysokosć:	163 metrow n.m.hł.
51.214.481944444444163 Koordinaty: 51° 12′ 0″ S, 14° 28′ 55″ W
póstowe čisło:	02625
předwólba:	03591
wotwodźene słowa:	wobydler/ka: Bozančan/-ka adjektiw: Bozančanski skłonowanje: Bozankec, Bozankecam, Bozankecy, Bozankecami, w Bozankecach
Wjesna tafla w Bozankecach
wikidata: Bozankecy (Q19679393)

Bozankecy (němsce Basankwitz) su hornjołužiska wjeska na juhu Budyskeho wokrjesa, kotraž słuša z lěta 1994 k Budyšinej. Ma něhdźe 30 wobydlerjow a leži pjeć kilometrow sewjerowuchodnje Budyskeho stareho města při Albrechtowce.

Michał Rostok naliči 1887 slědowace serbske ležownostne mjena: Zahon, Pjerdawki, Na horje, Předows, Pola Bórka, Na šćežkach, Pola Kiny.^[2]

Wjeska naspomni so prěni raz w lěće 1365 jako Bosenkewicz abo Bosinkewicz.^[3] Ležownostne knjejstwo měješe we 18. lětstotku Budyska měšćanska rada. We 1880tych lětach mějachu Bozankecy po statistice Arnošta Muki 43 wobydlerjow, kiž běchu bjez wuwzaća Serbja.^[4] Po ludličenju 1925 běchu wot cyłkownje 49 wobydlerjow 39 ewangelskich a dźesać katolskich.^[3] Ewangelscy wobydlerjo chodźa do Budyšina kemši.

Bozankecy běchu hač do lěta 1936 samostatna gmejna z něhdźe 50 wobydlerjemi a wot tohole lěta dźěl Delnjokinjanskeje gmejny. Po tym zo bu Delnja Kina 1994 do Budyšina zagmejnowana, słušachu Bozankecy k tutomu měšćanskemu dźělej. Hakle wot spočatka 2020tych lět liča jako swójski měšćanski dźěl.

W Bozankecach so narodźištaj

• Handrij Dučman (1836–1909); farar, spisowaćel a basnik
• Pětr Dučman (1839–1907); lěkar a narodny prócowar

• Basankwitz/Bozankecy. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 270.

1. ↑ staw: 31. decembra 2023; Statistiska rozprawa města Budyšina za IV. kwartal 2023, awgust 2024
2. ↑ Michał Rostok: Ležownostne mjena. W: ČMS 40 (1887), str. 3–50, tu str. 17 (digitalizat).
3. ↑ ^{3,0 3,1} Bozankecy w Digitalnym stawizniskim zapisu městnow Sakskeje (němsce)
4. ↑ Ernst Tschernik: Die Entwicklung der sorbischen Bevölkerung. Akademie-Verlag, Berlin 1954, str. 50. → wšě wjeski

Měšćanske dźěle Budyšina

Błohašecy | Bobolcy | Bolborcy | Bórk | Bozankecy | Ćichońca | Ćemjercy | Debrikecy | Delni Wunjow | Delnja Kina | Horni Wunjow | Hornja Kina | Južne předměsto | Lešawa | Lubochow | Mały Wjelkow | Nadźanecy | Nowe Małsecy | Nutřkowne město | Sćijecy | Sewjerowuchodny wobkruh | Słona Boršć | Smochćicy | Strowotna studnja | Wownjow | Wuchodne předměsto | Wulki Wjelkow | Wuricy | Zajdow | Zapadne předměsto (ze Židowom)