Bologna

DEC
Wopon
Zakładne daty
stat	Italska
region	Emilia-Romagna
metropolowe město	Bologna
wysokosć	54 metrow n.m.hł.
přestrjeń	140 km²
wobydlerstwo	387.971 (1. januara 2023)
hustosć zasydlenja	2.771,2 wob./km²
póstowe čisło	40100
předwólba	(+39) 051
webstrona	comune.bologna.it
p • d • w

Bologna je uniwersitne město z nimale 400.000 wobydlerjemi na sewjeru Italskeje a stolica regiona Emilia-Romagna. Nadeńdźe so pod Appeninskimi horinami mjez rěkomaj Reno a Savena. Pobrjóh Jadranskeho morja je něhdźe 60 kilometrow zdaleny. Uniwersita w Bologni płaći jako najstarša w Europje a jedna z najstaršich na swěće.

W lěće 2000 bě město jedna z dźewjeć kulturnych stolicow Europy.

Sydlišćo je so prawdźepodobnje w 6. lětstotku do Chrystusa wot Etruskow załožiło. W lěće 191 do Chr. dobychu Romjenjo Bolognu a přetwarichu ju do romskeje kolonije Bononia. W lěće 1088 załoži so Studio, předchadnik dźensnišeje uniwersity. W 13. lětstotku bě Bologna šeste abo sedme najwjetše město cyłeje Europy, po Konstantinoplu, Córdobje, Parisu, Bjenatkach, Florencu a snadź tež Mailandźe. Za tutón čas wojowaštej Bjenatki a Bologna wo nadknjejstwo při italskim brjoze Jadranskeho morja. Wot 1506 hač do 18. lětstotka a znowa po Wienskim kongresu 1815 słušeše město k Cyrkwinskemu statej. Dnja 2. awgusta 1980 zemrěchu při fašistisko-teroristiskim nadpadźe 85 ludźi.

Z Bologny pochadźatej italskej specialiće Tortellini a Mortadella.

Bologna je partnerske město Lipska.

• 
  Basilika a naměsto w starym měsće
• 
  Katedrala swj. Pětra (San Pietro)
• 
  Piazza Nettuno
• 
  Canale delle Moline

 Commons: Bologna – Zběrka wobrazow, widejow a awdiodatajow