Xosefina de Beauharnais

Nome orixinal	(fr) Joséphine de Beauharnais
Biografía
Nacemento	23 de xuño de 1763 Les Trois-Îlets, Francia
Morte	29 de maio de 1814 (50 anos) Rueil-Malmaison, Francia
Causa da morte	Difteria
Datos persoais
País de nacionalidade	Francia
Relixión	Catolicismo
Actividade
Lugar de traballo	París (1779–1814)
Ocupación	coleccionista de arte , artista , debuxante , mecenas
Período de actividade	1779 - 1814
Lingua	Lingua francesa
Outro
Título	Emperatriz Raíña consorte
Familia	Duc de Dalberg (en)
Cónxuxe	Napoleón I de Francia (1796, 1796–1809) Alexandre de Beauharnais (1779, 1779–1794)
Fillos	Eugène de Beauharnais  () Alexandre de Beauharnais Hortênsia de Beauharnais (pt)  () Alexandre de Beauharnais
Pais	Joseph-Gaspard de Tascher de La Pagerie (pt)   e Rose Claire des Vergers de Sannois (pt)
Premios  Orde das Damas Nobres da Raíña María Luísa

María Xosefina Rosa Tascher de la Pagerie (en francés: Marie Josèphe Rose Tascher de la Pagerie),^[1] vizcondesa de Beauharnais, coñecida como Xosefina de Beauharnais, nada o 23 de xuño de 1763 na Martinica (daquela colonia do Reino de Francia) e finada o 29 de maio de 1814 en Rueil-Malmaison (Illa de Francia, Francia), crioula de nacemento, foi a primeira esposa de Napoleón Bonaparte, emperador dos franceses e, por tanto, emperatriz de Francia.

Por parte da súa filla Hortensia, foi avoa de Napoleón III, e pola do seu fillo, bisavoa dos máis recentes reis e raíñas suecos e daneses. As familias reais actuais de Bélxica, Noruega e Luxemburgo tamén descenden de Xosefina.

Xosefina, chamada Rosa até coñecer a Napoleón, naceu e viviu na Martinica (Antillas Menores) até que en 1780 contraeu matrimonio en París con Alexandre de Beauharnais.

A finais de 1783 separouse do seu esposo e pouco despois regresa á Martinica, onde pon orde na economía familiar en medio da sublevación de escravos de 1791 e da Revolución Francesa. De regreso a París ese ano, chega xusto para á caída do Antigo Réxime e a instauración da Primeira República Francesa. Grazas aos seus contactos sociais coñece a Napoleón Bonaparte, con quen casa en 1796, dous anos despois de que o seu primeiro esposo fora axusticiado na guillotina.

En decembro de 1804 Xosefina é coroada emperatriz de Francia polo seu segundo e último esposo, Napoleón.^[2] Pouco despois, en 1810, por no serlle posíbel darlle un fillo herdeiro a Napoleón, a parella divorciouse e Xosefina retirouse ao Castelo da Malmaison, da súa propiedade.

Xosefina morreu o 29 de maio de 1814, eloxiada polos franceses, que a chamaban l'bonne Josephine (Xosefina, a boa).^[3]

Polo menos até outubro de 1779 Xosefina usou o seu primeiro nome, Rosa, ou o nome máis familiar, Yeyette. Despois do seu matrimonio con Alexandre de Beauharnais, asinaba Vizcondesa de Beauharnais ou ben Lapagerie de Beauharnais. O certificado de matrimonio con Napoleón viña asinado con M. R. J. Tascher, e de alí en adiante asinaba cos dous apelidos: Lapagerie-Bonaparte ou Tascher-Bonaparte. A partir de 1804 asinaba simplemente Joséphine, nome co que foi coroada emperatriz de Francia e col que se rexistraron os eventos legais da súa posteridade.^[4]

Wikimedia Commons ten máis contidos multimedia na categoría:  Xosefina de Beauharnais

• Napoleón
• Alexandre de Beauharnais

• Juicio de Napoleón sobre Josefina de Beauharnais. (en castelán)
• Napoleon and Josephine (en inglés)

Predecesor: María Antonieta de Austria Raíña consorte dos franceses	Emperatriz consorte dos franceses 2 de decembro de 1804 - 10 de xaneiro de 1810	Sucesor: María Luísa de Austria
Predecesor: María Teresa das Dúas Sicilias Princesa das Dúas Sicilias	Raíña consorte de Italia 26 de maio de 1805 - 10 de xaneiro de 1810	Sucesor: María Luísa de Austria
Predecesor: Novo título	Duquesa de Navarra 9 de abril de 1810 - 29 de maio de 1814	Sucesor: Augusto de Beauharnais