Xogos Olímpicos de Inverno de 1940
| Tipo | Xogos Olímpicos de Inverno  |
|---|---|
| Deporte | Deporte de inverno |
| Localización e Datas | |
| País | Xapón |
| Data | 1940 |
Os V Xogos Olímpicos de Inverno debían celebrarse no ano 1940, na cidade de Garmisch-Partenkirchen, Alemaña.
O Comité Olímpico Internacional (COI) elixiu, nun primeiro momento, a cidade de Sapporo, no Xapón, como sede destes Xogos. Porén, por mor da Segunda Guerra chinesa-xaponesa suspendéronse as organizacións das Olimpíadas de verán Toquio 1940 e de Sapporo.
O COI elixiu Sankt-Moritz como substituta. Xurdiron diferenzas entre o Comité Olímpico Suízo e o COI, que levaron á renuncia da cidade á organización dos Xogos. Garmisch-Partenkirchen, sede dos últimos Xogos Invernais, foi elixida para substituíla, pero o estoupido da segunda guerra mundial impediu a realización dos Xogos.
Sapporo organizou os Xogos de 1972, mentres que Sankt-Moritz os Xogos de 1948.
Text is available under the CC BY-SA 4.0 license; additional terms may apply.
Images, videos and audio are available under their respective licenses.
