Pablo Valcarce
| Pablo Valcarce | |||
|---|---|---|---|
 | |||
| Información persoal | |||
| Nome | Pablo Valcarce Vidal | ||
| Nacemento | 3 de febreiro de 1993 | ||
| Lugar de nacemento | Ponferrada | ||
| Altura | 1,72 m. | ||
| Posición | Extremo dereito | ||
| Carreira xuvenil | |||
| Ponferradina | |||
| 2011–2012 | Numancia | ||
| Carreira sénior | |||
| Anos | Equipos | Aprs | (Gls) |
| 2011 | Ponferradina B | 1 | (1) |
| 2012–2015 | Numancia B | 97 | (24) |
| 2015–2018 | Numancia | 102 | (19) |
| 2018–2021 | Mallorca | 10 | (1) |
| 2019–2021 | → Ponferradina | 71 | (10) |
| 2021–2023 | Burgos | 75 | (10) |
| 2023–2024 | Deportivo da Coruña | 17 | (2) |
|
Partidos e goles só en liga doméstica. Club: actualizado a 22 de xuño de 2024. [ editar datos en Wikidata ] | |||
Pablo Valcarce Vidal, nado en Ponferrada o 3 de febreiro de 1993, é un futbolista español que xoga como extremo dereito e dianteiro. É irmán xemelgo do tamén futbolista Luis Valcarce, lateral esquerdo do Avilés.
Traxectoria
[editar | editar a fonte]Numancia
[editar | editar a fonte]Formouse como futbolista no principal club do seu Bierzo, natal, a Ponferradina.[1] En 2011 debutou co filial na Terceira División, antes de ingresar xunto ao seu irmán xemelgo Luis no equipo xuvenil do Numancia. Na tempada 2012/13 subiu ao Numancia B e na segunda parte da campaña fíxose coa titularidade. O 30 de xaneiro de 2015, tanto el como o seu irmán Luis renovaron o seu contrato co club soriano ata 2017.[1] Debutou co primeiro equipo en Segunda División o 15 de marzo do mesmo ano, nunha derrota por 4-0 diante do Valladolid onde substituíu nos minutos finais a Javier del Pino.[2]
O 23 de agosto marcou o seu primeiro gol na categoría de prata, conseguindo o quinto tanto do seu equipo na goleada por 6-3 sobre o Tenerife.[3] Seis días despois, marcou dous goles máis na vitoria por 3-2 ante o Girona FC.[4]
En xaneiro de 2016 asinou o seu primeiro contrato profesional, ascendendo definitivamente ao primeiro equipo e recibindo o dorsal número 20.[5] Acabou a campaña con 7 goles, cifra que mellorou na seguinte campaña, con 8 dianas. A 2017/18 foi a súa última tempada no Numancia e pechouna disputando a promoción de ascenso á Primeira División, onde o equipo caeu eliminado na final ante o Valladolid. Xogou un total de 104 paritdos co primeiro equipo do club soriano, nos que marcou 19 goles.
Mallorca
[editar | editar a fonte]En xullo de 2018, tras rematar o seu contrato co Numancia, asinou por catro anos co Mallorca, tamén de Segunda.[6] Con todo, xogou só dez partidos durante a tempada (12 contando a Copa do Rei), e contribuíu cun gol ao ascenso do equipo de Vicente Moreno á Primeira División.[7][8]
Non chegou a debutar na máxima categoría, pois para a tempada 2019/20 regresou á Ponferradina, nunha cesión por un ano que finalmente foi ampliada a dous.[9] Durante ese tempo disputou un total de 73 partidos co club berciano, anotando 10 goles.
Burgos
[editar | editar a fonte]En agosto de 2021, despois de rescindir o seu contrato co Mallorca, incorporouse ao Burgos, equipo que viña de ascender á Segunda División.[10] Xogou 77 encontros co equipo burgalés durante dúas tempadas, marcando na primeira delas 10 goles, a cifra máis alta da súa carreira.
Deportivo da Coruña
[editar | editar a fonte]No verán de 2023 foi anunciado como novo xogador do Deportivo da Coruña, da Primeira Federación.[11] Debutou na segunda xornada ante o Lugo e dúas semanas despois marcou o único gol do Deportivo no empate ante o Unionistas.[12] Aínda que dispuxo de oportunidades no treito inicial da campaña, disputando como titular cinco partidos, o seu escaso rendemento fixo que acabase por desaparecer das aliñacións de Imanol Idiakez e que non xogase ningún minuto dende decembro ata maio, cando o equipo xa conseguira o obxectivo do ascenso a Segunda.[12][13]
Palmarés
[editar | editar a fonte]- Deportivo da Coruña
- Primeira Federación (1): 2023/24.
Notas
[editar | editar a fonte]- ↑ 1,0 1,1 "Pablo y Luis Valcarce, los gemelos de Ponferrada" (en castelán). 4 de marzo de 2013. Consultado o 14 de setembro de 2023.
- ↑ "Monólogo del Valladolid ante un rival diezmado desde el inicio". Marca (en castelán). 15 de marzo de 2015. Consultado o 14 de setembro de 2023.
- ↑ "Set del Numancia al Tenerife con lluvia de goles tras el descanso". Marca (en castelán). 23 de agosto de 2015. Consultado o 14 de setembro de 2023.
- ↑ "Victoria sobre la hora y liderato". Marca (en castelán). 29 de agosto de 2015. Consultado o 14 de setembro de 2023.
- ↑ "El Numancia hace profesional a Pablo Valcarce" (en castelán). 29 de xaneiro de 2016. Consultado o 14 de setembro de 2023.
- ↑ El RCD Mallorca ficha a Pablo Valcarce hasta 2022 (RCD Mallorca sign Pablo Valcarce until 2022); RCD Mallorca, 2 July 2018 (in Spanish)
- ↑ Aguiló, Josep María (24 de xuño de 2019). "El Real Mallorca vuelve a estar entre los grandes" (en castelán). Consultado o 14 de setembro de 2023.
- ↑ Estébanez, Álex (18 de xullo de 2019). "La Deportiva pesca en Mallorca" (en castelán). Consultado o 14 de setembro de 2023.
- ↑ Otero, Roberto (19 de xullo de 2019). "La Ponferradina remata el 3x1 de este viernes con la llegada de Pablo Valcarce". Marca (en castelán). Consultado o 14 de setembro de 2023.
- ↑ Navarro, Jorge (1 de agosto de 2021). "Pablo Valcarce se convierte en el séptimo refuerzo del Burgos". Marca (en castelán). Consultado o 14 de setembro de 2023.
- ↑ "Pablo Valcarce, novo xogador do Dépor 2023-24". 22 de agosto de 2023. Consultado o 14 de setembro de 2023.
- ↑ 12,0 12,1 Losada, Víctor (29 de xuño de 2024). "El Deportivo y Pablo Valcarce separan sus caminos" (en castelán). Consultado o 2 de setembro de 2024.
- ↑ Gómez, Xurxo (22 de novembro de 2023). "La intrascendencia de Pablo Valcarce" (en castelán). Consultado o 2 de setembro de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente.com (en castelán).
Text is available under the CC BY-SA 4.0 license; additional terms may apply.
Images, videos and audio are available under their respective licenses.
