Mary Midgley
Mary Beatrice Scrutton, (coñecida como Mary Midgley) nada en Londres o 13 de setembro de 1919 e finada en Newcastle upon Tyne o 10 de outubro de 2018,[1] foi unha filósofa e ética inglesa.
Traxectoria
[editar | editar a fonte]Foi profesora de filosofía na Universidade de Newcastle, coñecida polo seu traballo sobre ciencia, ética e dereitos dos animais. Escribiu o seu primeiro libro, Beast and Man (1978), cando tiña case 60 anos, e escribiu outros 15 máis tarde. Foi doutora honoris causa pola Universidade de Durham e pola Universidade de Newcastle. Publicou a súa autobiografía, The Owl of Minerva (A curuxa de Minerva), en 2005.
Pensamento
[editar | editar a fonte]Midgley opúxose claramente ao reducionismo e ao cientificismo, e loitou contra calquera intento de facer da ciencia un substituto do humanismo. Escribiu sobre o que ela cría que os filósofos podían aprender da natureza, e especialmente dos animais. Midgley insistiu en que os seres humanos deben ser considerados sobre todo como unha especie animal.
Moitos dos seus libros e artigos tratan sobre as ideas filosóficas que aparecen nos libros de ciencia, como os de Richard Dawkins. Tamén escribiu a favor da interpretación moral da Hipótese de Gaia. The Guardian describiuna como unha filósofa ferozmente combativa e a "principal lacra da "pretensión científica" do Reino Unido".[2]
Notas
[editar | editar a fonte]- ↑ Mary Midgley (1919-2018).
- ↑ Brown, Andrew (13 January 2001). "Mary, Mary, quite contrary".
Véxase tamén
[editar | editar a fonte]Outros artigos
[editar | editar a fonte]Text is available under the CC BY-SA 4.0 license; additional terms may apply.
Images, videos and audio are available under their respective licenses.