Marsileáceas Marsileaceae
Pilularia globulifera, arriba Marsilea quadrifolia, abaixo
Clasificación científica
Reino: Plantae Subreino: Tracheobionta División: Pteridophyta Clase: Polypodiopsida Orde: Salviniales Familia: Marsileaceae Mirb., 1802
Xéneros
Véxase o texto

A das marsileáceas (Marsileaceae) é unha familia de pteridófitas da clase das polipodiópsidas unha das dúas integradas na orde das salviniales.^[1]

A familia foi descrita en 1802 polo botánico francés Charles-François Brisseau de Mirbel, nun traballo publicado en Hist. Nat. Vég. 5: 126.^[2]

A familia comprende os seguintes xéneros:^[2][3][4]

• Marsilea L.
• Pilularia L.
• Regnellidium Lindm.

Son plantas acuáticas ou anfibias, rizomatosas, con talos que crecen na superficie do solo ou son subterráneos.
O talo principal é longo, arrástrase polo chan e dá lugar a brotes longos ou curtos só nos nós, con pelos adheridos lateralmente, multicelulares.
As raíces xorden nos nós e tamén ao longo dos entrenós.
Os frondes son dísticos, con pecíolos longos, ás veces filiformes e sen láminas expandidas.
Os soros aparecen dentro de corpos duros, esféricos ou reniformes, denominados esporocarpos, que xorden en talos curtos cerca ou na base dos pecíolos.
Os esporanxios son de dou tipos, e nacen dentro do mesmo soro e esporocarpo; o macrosporanxio contén unha soa macróspora; os microsporanxios conteñen de 20 a 64 micrósporas.
Os gametófitos quedan dentro das esporas; os microgametófitos están formados só por unhas poucas células; os megagametófitos sobresaen das esporas, cada un con cadanseu arquegonio simple.^[2]

Wikimedia Commons ten máis contidos multimedia na categoría:  Marsileáceas

Wikispecies posúe unha páxina sobre:  Marsileáceas

• Novikoff, A. & Barabasz-Krasny, B. (2015): "System of Embryophytes". En: Novikoff A. & Barabasz-Krasny B. Modern Phytomorphology. System of EmbryophytesArquivado 06 de outubro de 2020 en Wayback Machine..

• Salviniais

• Water Clover Family. Marsileaceae na EOL.