José Luis Puente Domínguez
  | |
| Biografía | |
|---|---|
| Nacemento | 31 de marzo de 1918 Santiago de Compostela, España |
| Morte | 12 de febreiro de 2006 (87 anos) Santiago de Compostela, España |
| Catedrático de universidade | |
| | |
| Datos persoais | |
| País de nacionalidade | España |
| Actividade | |
| Ocupación | cirurxián , médico |
| Membro de | |
| Lingua | Lingua castelá |
Familia | |
| Pai | José Puente Castro |
Premios
| |
  | |
José Luis Puente Domínguez, nado o 31 de marzo de 1918 en Santiago de Compostela e finado na mesma cidade o 12 de febreiro de 2006, foi un médico galego, especializado en anatomía e patoloxía cirúrxica.
Traxectoria
[editar | editar a fonte]Naceu nunha familia vencellada á medicina, pois seu pai era José Puente Castro, daquela un dos doutores máis importantes de Galicia. Licenciouse en Medicina e Cirurxía pola Universidade de Santiago de Compostela en 1941 con premio extraordinario, ao obter a matrícula de honra en todas as materias. Foi alumno interno de Anatomía con Ángel Echeverri e axudante de cirurxía na consulta de seu pai no Hospital Provincial desde 1939 a 1942[1]. Doutorouse en Medicina pola Universidade de Madrid (1944) cunha tese sobre a cavidade medular dos ósos longos".
En 1942 acadou a praza de profesor auxiliar de Anatomía e trasladouse cunha bolsa a Viena, onde estivo traballando como axudante no Instituto Anatómico que dirixía Eduard Pernkopf, anatomista austríaco que acabaría sendo reitor da universidade vienesa. Precisamente de Pernkopf, naquela altura un membro destacado do Partido Nazi, traduciu os seis tomos da Topographische Anatomie des Menschen, coñecido como o Atlas Pernkopf. En 1945 recibe outra bolsa, neste caso do CSIC, para ir formarse ao Porto: alí traballou co anatomista portuense Hernâni Monteiro.
Accedeu á cátedra de Anatomía na Universidade de Salamanca en 1948, e ficou na capital salmantina até que se trasladou, en 1952, á Universidade de Santiago de Compostela. Dous anos despois, en 1954, foi escollido catedrático de Histoloxía e de Patoloxía Cirúrxica. Nas súas investigacións traballou a patoloxía biliar e da mama, así como en temas de citometría de cancro de colon e de mama.
A partir de 1960 traballou tamén na sanidade pública española, como cirurxián. Xubilouse en 1987 e desde aquela foi profesor emérito da Universidade de Santiago, e académico da Real Academia Española de Medicina, primeiro como correspondente logo xa, a partir de 1991, de pleno dereito. Ingresou na Academia o 21 de maio de 1991, para ocupar a cadeira de neurocirurxía, cun discurso de ingreso titulado O ensino da cirurxía[2].
Tamén foi presidente da Asociación Española de Cirurxiáns durante dous anos, entre 1982 e 1984[3].
Galardóns
[editar | editar a fonte]- Académico da Real Academia Española de Medicina (1991).
- Académico da Real Academia de Medicina e Cirurxía de Galicia (1966).
- Medalla Castelao (1990)[4].
- Presidente de honra e cofundador da Sociedade Galega de Patoloxía Dixestiva[5].
- Medalla de Ouro da Sociedade Española de Patoloxía Dixestiva
- Medalla de Ouro da Asociación Española de Cirurxiáns.
- Medalla de Ouro da Sociedade Anatómica Española.
- Premio Virgili da Sociedade Catalá de Cirurxía en 1987[6].
- I Premio Novoa Santos da Asociación de Médicos Galegos en Madrid en 1996[7].
Notas
[editar | editar a fonte]- ↑ Puente Domínguez, José Luis (2004). "La cirugía que he vivido (1932-1988)". 16-12-2004 77 (3). ISSN 0009-739X.
- ↑ Puente Domínguez, Jose Luis (1991). Real Academia Nacional de Medicina, ed. La enseñanza de la cirugía (en español). Consultado o 26 de abril de 2011.
- ↑ "HISTORIAL DE LAS JUNTAS DIRECTIVAS DE LA AEC". Arquivado dende o orixinal o 25 de setembro de 2010. Consultado o 16 de abril de 2011.
- ↑ "Medallas Castelao" (en español). Arquivado dende o orixinal o 03 de xullo de 2011. Consultado o 26 de abril de 2011.
- ↑ "Presidente de Honor de la Sociedad Gallega de Patología Digestiva" (en español). Arquivado dende o orixinal o 02 de setembro de 2011. Consultado o 26 de abril de 2011.
- ↑ "Medallas Virgili" (en español). Arquivado dende o orixinal o 29 de novembro de 2014. Consultado o 26 de abril de 2011.
- ↑ "Premio Novoa Santos" (en español). Arquivado dende o orixinal o 01 de xuño de 2020. Consultado o 26 de abril de 2011.
Véxase tamén
[editar | editar a fonte]Ligazóns externas
[editar | editar a fonte]
Text is available under the CC BY-SA 4.0 license; additional terms may apply.
Images, videos and audio are available under their respective licenses.
