Ermanno Olmi

Biografía
Nacemento	24 de xullo de 1931 Bérgamo, Italia
Morte	7 de maio de 2018 (86 anos) Asiago, Italia
Causa da morte	doenza
Datos persoais
Residencia	Reino de Italia
País de nacionalidade	Italia (1946–2018) Reino de Italia (1931–1946) Italia
Actividade
Campo de traballo	Filme, filming (en) , dirección de cine, Produción de cinema e documental
Ocupación	director de cinema , deseñador de produción , produtor de cinema , escenógrafo , escritor , director de televisión , director de fotografía , montador , guionista , realizador
Período de actividade	1953 -
Membro de	Istituto Veneto di Scienze, Lettere ed Arti (en)
Lingua	Lingua italiana
Familia
Fillos	Fabio Olmi (en)
Premios (2009)  Viareggio-Versilia International Prize (en) (2002)  David di Donatello for Best Film (en) , premiado polo traballo Il mestiere delle armi (2002)  David di Donatello for Best Director (en) , premiado polo traballo Il mestiere delle armi (1992)  David Luchino Visconti (en) (1989)  David di Donatello for Best Film (en) , premiado polo traballo La leggenda del santo bevitore (pt) (1989)  David di Donatello for Best Director (en) , premiado polo traballo La leggenda del santo bevitore (pt) (1988)  León de Ouro, premiado polo traballo La leggenda del santo bevitore (pt) (1980)  BAFTA de Melhor Documentário (pt) , premiado polo traballo A árbore dos zocos (1979)  David di Donatello for Best Film (en) , premiado polo traballo A árbore dos zocos (1979)  César ao mellor filme estranxeiro, premiado polo traballo A árbore dos zocos (1978)  Palma de Ouro, premiado polo traballo A árbore dos zocos (1962)  David di Donatello for Best Director (en) , premiado polo traballo O emprego (1961)  Sutherland Trophy (en) , premiado polo traballo O emprego  Cabaleiro da Gran Cruz da Orde ao Mérito da República Italiana  doutor honoris causa pola Universidade de Padua  Leopard of Honour (en)  Premio Feltrinelli

Ermanno Olmi, nado en Treviglio (Bérgamo) o 24 de xullo de 1931 e finado en Asiago (Vicenza) o 7 de maio de 2018^[1] foi un director de cinema e guionista italiano. Considérase un continuador dos principios estéticos e das aspiracións sociais e políticas do neorrealismo italiano.

Nado no seo dunha familia campesiña católica, quedou orfo cando o seu pai morreu na segunda guerra mundial. Non rematou os seus estudos secundarios e finalmente matriculouse na Academia da Arte Dramática de Milán para seguir os cursos de recitado. Mentres estudaba entrou a traballar na empresa EdisonVolta, na que xa estaba empregada a súa nai. Olmi rodou para EdisonVolta máis de corenta documentais entre 1953 e 1961.

En 1959 estreou a súa primeira longametraxe, Il tempo si è fermato, no que narra a amizade entre un estudante e o garda dunha presa nunha paraxe solitaria de alta montaña. O emprego (1961) gañou o premio da crítica no Festival de Venecia. En 1977 Olmi rodou a súa obra mestra, A árbore dos zocos, co que gañou a Palma de Ouro no Festival de Cannes.

Durante uns anos estivo apartado da actividade cinematográfica por unha enfermidade. O guión no que estaba traballando nese tempo, sobre as súas lembranzas da guerra en Italia, finalmente foi convertido nunha novela, Ragazzo della Bovisa. Regresou en 1987 con Lunga vita alla signora! e o ano seguinte gañou o León de Ouro no Festival de Venecia con A lenda do santo bebedor, baseado nun conto de Joseph Roth. Con Il segreto del bosco vecchio (1993), protagonizado por Paolo Villaggio, rompeu o seu costume de recorrer a actores non profesionais ou pouco coñecidos.

O seu filme de 2001 Il mestiere delle armi, baseado na figura do condottiero Giovanni de Médicis recibiu boas críticas e gañou nove premios David di Donatello.

• Il tempo si è fermato (1958)
• O emprego (1961)
• I fidanzati (1963)
• E venne un uomo (1965)
• Un certo giorno (1968)
• A árbore dos zocos (1978)
• Cammina cammina (1983)
• Lunga vita alla signora! (1987)
• A lenda do santo bebedor (1988)
• 12 registi per 12 città (1989). Documental colectivo
• Lungo il fiume (1992)
• Il segreto del bosco vecchio (1993)
• Il denaro non esiste (1999)
• Il mestiere delle armi (2001)
• Cantando dietro i paraventi (2003)
• Tickets (2005). Codirixido con Abbas Kiarostami e Ken Loach
• Centochiodi (2007)
• Il villaggio di cartone (2011)

• Wakeman, John (editor): World Film Directors. Nova York: The H.W. Wilson Company, 1988. Volume 2: 1945-1985, pp. 710–715.

• Ermanno Olmi na IMDb (en inglés).