Eleccións xerais de España de 2004
← 2000  2008  →
Data	14 de marzo de 2004
Tipo	Eleccións xerais en España e grupo de eleccións
Cargo elixido	350 deputado no Congreso dos Deputados 208 senador de España
A Deputado no Congreso dos Deputados 34.571.831 26.155.436    75.66٪ 7.42 25.483.504      407.795    264.137 B Senador de España 34.571.831 26.187.162    75.75٪ 6.92 24.746.291      679.816    761.055
Resultado da votación
PSOE  — José Luis Rodríguez Zapatero coalición política Partido Democrático de la Nueva Izquierda, Partit dels Socialistes de Catalunya A 11.026.163   43.27٪ 8.56 B 81   38.94٪ 13.46 Deputado 125 → 164 39 Senador 53 → 81 28 PP  — Mariano Rajoy A 9.635.491   37.81٪ 7.43 B 102   49.04٪ 12.02 Deputado 183 → 148 35 Senador 127 → 102 25 CiU  — Josep Antoni Duran i Lleida A 835.471   3.28٪ 0.97 B 4   1.92٪ 1.93 Deputado 15 → 10 5 Senador 8 → 4 4 Izquierda Unida  — Gaspar Llamazares A 801.821   3.15٪ 2.39 Deputado 8 → 2 6 ERC  — Josep-Lluís Carod-Rovira A 652.196   2.56٪ 1.71 Deputado 1 → 8 7 EAJ  — Josu Erkoreka A 420.980   1.65٪ 0.1 B 6   2.88٪ 0 Deputado 7 → 7 Senador 6 → 6 Coalición Canaria  — Paulino Rivero A 235.221   0.92٪ 0.17 B 3   1.44٪ 0.48 Deputado 4 → 3 1 Senador 4 → 3 1 ICV-EUiA  — Francisco Jorquera A 234.790   0.92٪ 0.4 Deputado 1 → 2 1 Bloque Nacionalista Galego  — Francisco Rodríguez Sánchez A 208.688   0.82٪ 0.52 Deputado 3 → 2 1 UPN-PP A 127.653   0.5٪ Deputado 2 Entesa  — Rosa Díez A 123.611   0.49٪ Deputado 1 CHA  — José Antonio Labordeta A 94.252   0.37٪ 0.04 Deputado 1 → 1 EA  — Begoña Lasagabaster A 80.905   0.32٪ 0.12 Deputado 1 → 1 Nafarroa Bai  — Uxue Barkos Berruezo A 61.045   0.24٪ Deputado 1

O 14 de marzo de 2004, os españois maiores de idade, foron chamados ás urnas para renovar as Cortes, por novena vez dende a Transición.

Tralos atentados de Madrid do 11 de marzo, os días previos ás eleccións do domingo 14 estiveron cheos de polémica. Acusacións cruzadas entre goberno e oposicións quentaron os ánimos ata que a xente comezou a concentrarse nas rúas na xornada de reflexión. Feito que foi condenado polo goberno que acusara ó PSOE de organizar manifestacións fronte as sedes do PP. Pola outra banda tanto PSOE como o resto de grupos da oposición acusaran ó goberno de non comunicar toda a información posible e adxudica-la autoría dos atentados de Atocha a ETA, cando logo Al Qaeda se os atribuíu.

• Os resultados co 99,99% dos votos escrutados foron:

O 14 de marzo estaban inscritos no censo electoral 34 571 831 persoas, das cales un 75,66% votou, e un 24,34% abstívose.

Outras cifras:

• Votos válidos: 99,98%
• Votos nulos: 1,01
• Votos a candidaturas: 98,42%
• Votos brancos: 1,58%

As eleccións do 14-M tiñan como principal aliciente a concorrencia dos dous novos líderes políticos do PP e do PSOE.

• Mariano Rajoy, líder do Partido Popular.
• José Luis Rodríguez Zapatero, secretario xeral do Partido Socialista Obrero Español.

Outros líderes

• Gaspar Llamazares, coordinador xeral de Izquierda Unida.
• Josep Antoni Duran i Lleida, por Convergència i Unió.
• Josep Lluís Carod-Rovira, presidente de Esquerra Republicana de Catalunya.
• Josu Iñaki Erkoreka polo Partido Nacionalista Vasco.
• Paulino Rivero por Coalición Canaria.
• Francisco Rodríguez polo Bloque Nacionalista Galego.
• José Antonio Labordeta por Chunta Aragonesista.
• Begoña Lasagabaster por Eusko Alkartasuna.
• Uxue Barkos por Nafarroa Bai.

As eleccións do 14-M víanse como unha proba da sociedade ao Partido Popular, que tivera que enfrontarse ao petroleiro Prestige (cunha actuación moi cuestionada), e á involucración de España na guerra de Iraq (feito que contaba coa repulsa da sociedade). Aínda por estes feitos, unha semana antes dos atentados do 11-M o PP tiña unha ampla vantaxe sobre o PSOE, aínda que o PP non volvería a acadar a maioría absoluta do 2000.

Unha semana antes das eleccións, debido á lei electoral que o prohibe, deixáronse de publicar sondaxes electorais; nese momento, cunha elevada porcentaxe de enquisados que se declaraban "indecisos", algúns falaban de empate técnico.

A campaña estivo moi marcada polo pacto do goberno tripartito en Cataluña, e pola reunión de Josep-Lluís Carod-Rovira e dirixentes da ETA. José Luis Rodríguez Zapatero prometeu non formar goberno a menos que o seu partido fose o máis votado. Mariano Rajoy pediu unha maioría cómoda para non ter que depender de pactos.

Ipsos-Eco Consulting (TVE), Sigma Dos (Antena 3), Instituto Opina (SER) (7 marzo 2004) [1], Demoscopia (Telecinco)

• Véxase o artigo principal Atentados do 11 de marzo de 2004 en Madrid

O 11 de marzo, tres días antes das eleccións, tivo lugar o maior atentado terrorista na historia recente de España e de Europa: os atentados de Madrid. Como consecuencia a estes feitos os partidos políticos suspenderon as súas campañas electorais.

A sombra dos atentados tivo moita influencia para que moitos partidos adquirisen votos, que até aquel momento eran indecisos. Nas sedes do PP, a noite antes da apertura dos colexios electorais, sucedéronse concentracións en contra da política informativa do Ministerio do Interior sobre a autoría dos atentados, nos que o ministerio apuntaba como principal sospeitosa á ETA, existindo outra liña de investigación aberta cara ao terrorismo islámico.

A ministra Ana Palacio, de Asuntos Exteriores, remitiu un memorando a todas as sedes diplomáticas para alentalos a defender a idea da autoría etarra, e o Goberno conseguiu unha declaración de condena explícita a ETA na ONU.

• Partido Popular: Juntos vamos a más. Foi o partido que máis investiu na campaña, 11,42 millóns de Euros.
• Partido Socialista Obrero Español: Merecemos una España mejor e ZP, Zapatero Presidente. O orzamento foi de 10,5 millóns de Euros.
• Izquierda Unida: Con tu voto, es posible. Palabra. Gastou máis de 5,7 millóns de Euros.
• Convergència i Unió: Duran per Catalunya. Sentit comú. (Duran para Cataluña. Sentido común).
• Esquerra Republicana de Catalunya: Parlant la gent s'entén (Falando enténdese a xente).
• Partido Nacionalista Vasco: Bai, gehiago nahi dut (Si, quero máis).
• Chunta Aragonesista: Labordeta, gente como tú.

As sondaxes realizadas a pé de urna, a votantes que xa depositaran o seu voto, daban diferenzas significativas cos publicados na semana anterior. A maioría das sondaxes a pé de urna, daban como vencedor das eleccións ao Partido Socialista cunha lixeira vantaxe.

O reconto de votos deu ao PSOE un 42,63% dos votos, superando ao PP que obtivo un 37,64%. O PSOE converteuse no partido maioritario do Congreso, aínda que a 12 escanos da maioría absoluta. O PP, pola súa parte, seguiu sendo a forza maioritaria do Senado, aínda que perdeu a maioría do 2000. Izquierda Unida foi a terceira forza máis votada, pero conseguiu menos escanos que Convergència i Unió, PNV e ERC, conseguiron os ascensos que lle prognosticaban as sondaxes.

Centos de militantes convocáronse na rúa Ferraz de Madrid. Zapatero honrou a memoria dos falecidos nos atentados do 11-M, e ante un público maioritariamente mozo, comprometeuse con eles pronunciando as palabras "No os fallaré". Mariano Rajoy felicitou a Zapatero pola súa vitoria, e afirmou que o PP despedíase do poder "con la tranquilidad del trabajo bien hecho" e "con las cuentas claras".

O PP conseguiu unha maioría relativa no Senado, aínda que preto da maioría absoluta. Con todo, perdeu 25 senadores e o PSOE gañou 28. Os resultados foron.

Total do Estado, con 99,99% dos votos escrutados ás 3:42 do 15 de marzo de 2004.

A Coruña	Lugo
Ourense	Pontevedra

v c e Eleccións xerais en España
Reinado de Fernando VII	1810  · 1813  · 1820
Sexenio Revolucionario	1869  · 1871  · abril de 1872  · agosto de 1872  · 1873
Restauración	1876  · 1879  · 1881  · 1884  · 1886  · 1891  · 1893  · 1896  · 1898  · 1899  · 1901  · 1903  · 1905  · 1907  · 1910  · 1914  · 1916  · 1918  · 1919  · 1920  · 1923
Segunda República	1931  · 1933  · 1936
Monarquía parlamentaria	1977  · 1979  · 1982  · 1986  · 1989  · 1993  · 1996  · 2000  · 2004  · 2008  · 2011  · 2015  · 2016  · abril de 2019  · novembro de 2019  · 2023