Andrés Pajares

Biografía
Nacemento	6 de abril de 1940 (84 anos) Madrid, España
Datos persoais
País de nacionalidade	España
Actividade
Campo de traballo	Actuación, filme, televisión e teatro
Ocupación	actor , actor de teatro , realizador , actor de cinema , director de cinema , actor de televisión , guionista
Lingua	Lingua castelá
Selo discográfico	Philips EMI
Familia
Fillos	Andrés Burguera (pt)
Páxina web	andrespajares.es

Andrés Pajares Martín (Madrid, 6 de abril, 1940) é un actor, director, guionista e cómico de cine, teatro e televisión español.

Comezou como actor cómico en discotecas e nas compañías musicais de Antonio Machín, Manolo Escobar e Tony Leblanc. Encabezaba un cartel por primeira vez con Antonio Casal e actuou con Sara Montiel e Rocío Jurado antes de formar a súa propia compañía de revistas (Más vale pájaro en mano, Del coro al caño, La risa está servida). Alternou os escenarios co café-teatro, especialidade na que acadou un peculiar protagonismo, e gravou varios discos ao mesmo tempo.

Tamén participou en numerosos programas de televisión, sobre todo cun personaxe, El currante, que el mesmo fixo de película anos despois.

En 1979 comezou a traballar no cine xunto a Fernando Esteso. Pajares e Esteso traballaron xuntos en once películas con Mariano Ozores como director, con eles acadaron gran repercusión e popularidade a nivel nacional. A parella traballou no cine ata 1983, cando rodaron La Lola nos lleva al huerto, a súa última película xuntos. Catro anos máis tarde reencontraronse, esta vez no escenario, na obra La extraña pareja, de Neil Simon, dirixida por José Osuna .

Xa separado profesionalmente de Fernando Esteso, continuou traballando como actor de cine e televisión. En 1990 chegou ao punto culminante da súa carreira como actor grazas a ¡Ay, Carmela!, coa que gañou, entre outros, un Goya do Academia e o premio ao mellor actor no festival Montreal.

En 1996 participou como actor, xunto a María Barranco, en Bwana e, posteriormente, en producións televisivas como ¡Ay, Señor, Señor! (1994 -1995) e Tío Willy (1998-1999).

Ademais da súa traxectoria profesional, tamén é coñecido en España pola súa vida privada e familiar. De cando en vez vese nalgúnha das televisións en programas do corazón e tamén en revistas de prensa rosa.

En 2008, coincidindo cos seus cincuenta anos de traxectoria artística,^[1] estreou a obra A mi manera de hacer,^[2] no que recreou os seus números máis populares. Pouco despois da súa estrea, o 28 de febreiro dese mesmo ano, a obra foi parada por problemas persoais do actor, aínda que máis tarde protagonizou a segunda parte de "Oro de Moscu", a película "La daga de Rasputin" dirixida por Jesús Bonilla, con grande éxito de recadación. Andrés Pajares é actualmente o decano dos actores cómicos españois.

Casou coa actriz Carmen Burguera, da que quedou viúvo en 1973^[3] e coa que tivo o seu fillo Andrés Burguera (1966).^[4] En 1975 casou con Ascensión «Chonchi» Alonso, nai da súa filla Mari Cielo (1976),^[5] separáronse en 1997. Despois tivo unha relación con Conchi Jiménez entre 1997 e 2003.^[6] En marzo de 2003 anunciou que tiña outra filla chamada Eva, nacida en 1971.^[7] A súa última relación sentimental coñecida é, desde 2016, coa súa secretaria, Juana Gil. O 5 de decembro de 2019 casou con ela civilmente.

Premios Goya

Medallas do Círculo de Escritores Cinematográficos^[8]

Actor

• El marino de los puños de oro - 1968
• La vida sigue igual - 1969
• Un adulterio decente - 1969
• Los extremeños se tocan - 1970
• En un mundo nuevo - 1972
• Los novios de mi mujer - 1972
• ¡Qué cosas tiene el amor! - 1973
• Me has hecho perder el juicio - 1973
• Cómo matar a papá sin hacerle daño - 1974
• Un lujo a su alcance - 1975
• En el Frente Miñano - 1975
• Los bingueros - 1979
• Los energéticos - 1979
• Yo hice a Roque III - 1980
• El liguero mágico - 1980
• Los chulos - 1981
• ¡Qué gozada de divorcio! - 1981
• Los liantes - 1981
• Brujas mágicas - 1981
• Todos al suelo - 1982
• Cristóbal Colón, de oficio... descubridor - 1982
• Padre no hay más que dos - 1982
• El currante - 1983
• Agítese antes de usarla - 1983
• La Lola nos lleva al huerto - 1984
• Playboy en paro - 1984
• La Hoz y el Martínez - 1984
• El Donante - 1985
• Moros y cristianos - 1987
• El embarazado - 1987
• Desmadre matrimonial - 1987
• ¡Ay, Carmela! - 1990
• Makinavaja, el último choriso - 1992
• Semos peligrosos (uséase Makinavaja 2) - 1993
• Bwana - 1996
• Náufragos - 1997
• Grandes ocasiones - 1998
• El oro de Moscú - 2003
• Tiovivo c. 1950 - 2004
• Mi mujer me pone los cuernos... o no - 2009
• La daga de Rasputín - 2011
• Torrente 5 - 2014

Director

• El donante - (1985)
• El embarazado - 1987
• Desmadre matrimonial - 1987
• Náufragos - 1997

Guionista

• Antoñito José, genio y figura - 1988
• Desmadre matrimonial - 1989
• Náufragos - 1997

• Pajares & CIA Docuserie (Atresplayer Premium, 2022)
• Paquita Salas (Flooxer/Netflix, 2016-presente)
• ¡Arriba ese ánimo! (La 1, 2012)
• Especial noitevella 2003: Regreso ao 2004: O día de fin de ano (La 1, 2003)
• Tío Willy (La 1, 1998-1999)
• Gran gala de la Hispanidad (Telecinco, 1996)
• ¡Ay, Señor, Señor! (Antena 3, 1994-1995)
• Especial Noitevella1990: Uno menos pa el 92 (La 1, 1992)
• Especial Noitevella 1982 (La 1, 1982)
• Ding-Dong (La 1, 1980)
• Especial Noitevella 1979 (La 1, 1979)
• 625 líneas (La 1, 1976-1978)
• Especial Noitevella 1978 (La 1, 1979)
• Especial Noitevella 1975 (La 1, 1975)
• Especial Noitevella 1974: Feliz aninovo (La 1, 1974)
• Pajareando (La 1, 1970)
• Especial Noitevella 1969: Felices anos 70 (La 1, 1970)

Referencias

Wikimedia Commons ten máis contidos multimedia na categoría:  Andrés Pajares