Fleegenfanger
 Tekst üüb Öömrang
|
| Fleegenfanger | ||||||||||
|---|---|---|---|---|---|---|---|---|---|---|
Fleegenfanger (Drosera rotundifolia) | ||||||||||
| Süstemaatik | ||||||||||
| ||||||||||
| Wedenskapelk nööm | ||||||||||
| Drosera rotundifolia | ||||||||||
| L. |
A Fleegenfanger (Drosera rotundifolia) as en plaant uun det famile faan a Fleegenfangern (Droseraceae).
Beskriiwang
[Bewerke | Kweltekst bewerke]A fleegenfanger as en muarjuarag krüüs an woort 5 bit 20 cm huuch. A ruter ling man 5 cm jip an kön det plaant ei alian fersurge.
A bleeden san trinj, 0,5 bit 1,8 cm grat an haa sowat 200 fiin ruad fangbleeden. Letj insekten an fleegen, oober uk flenerker an sogoor skirskööden bak diar fääst bi an wurd faan det plaant apliaset.
A bloosen san 1 cm lung, bleu faan Jüüne bit August an gung bluas eeben, wan a san skinjt.
Föörkemen
[Bewerke | Kweltekst bewerke]Üüb a nuurdelk eerdheleft, faan Euroopa auer Aasien bit Nuurdameerikoo jaft at fleegenfangern, sogoor uun Alaska an Greenlun könst'es finj. Jo brük föl san, föl weeder an en süren grünj an waaks uun muuren of üüb möösk.
Slacher
[Bewerke | Kweltekst bewerke]- Drosera rotundifolia
- Drosera rotundifolia onerslach pygmaea
- Drosera rotundifolia onerslach gracilis
- Drosera anglica
Nat
[Bewerke | Kweltekst bewerke]Al uun't 12. juarhunert as a fleegenfanger üs medesiin jin hoost an longkraankhaiden iinsaat wurden. Uk jin kraankhaiden uun't hood as't uun Itaalien brükt wurden. Uun Skotlun haa's fleegenfangern brükt, am brons tu farwin.
Daalang stäänt a fleegenfanger oner natüürskül.
Wichtag bööd tu artiikler auer't sünjhaid
Ferwisang efter bütjen
[Bewerke | Kweltekst bewerke]
Wikimedia Commons hää bilen of filmer tu: Fleegenfanger 
Wikispecies hää en artiikel tu: Fleegenfanger Text is available under the CC BY-SA 4.0 license; additional terms may apply.
Images, videos and audio are available under their respective licenses.
