Tekst üüb Öömrang

Ameerikoo as en "dobelkontinent" faan a eerd. Hi lingt auer 15.000 kilomeeter faan nuurd (Kap Morris Jesup) tu süüd (Kap Hoorn), an auer tjiin tidjtsoonen faan uast (UTC±0, Greenlun) tu waast (UTC-10, Alaska). Üüb en flaak faan ~ 42,5 miljoon kwadrootkilomeetern lewe gud ian miljaard minsken.

Auer Ameerikoo so grat as, woort hat uun Ameerikoo salew ei üs ään, man üs tau kontinenten uunsen an betiakent. Diar snaaket'am ei faan "Ameerikoo", man faan "A Ameerikoos":

• Nuurd-Ameerikoo
  • USA
  • Madel-Ameerikoo
  • Kariibik
• Süüd-Ameerikoo

Di nööm 'Ameerikoo' komt faan Amerigo Vespucci (1451–1512) uf, di ütjfünjen hed, dat Christoph Kolumbus ei uun Indien lunagt wiar - huar hi eegentelk hen wul - , man üüb en neien kontinent. Likes sai wi daalang noch tu a uuriinwenern faan Ameerikoo 'indiooner'.

 Commonskategorii: Ameerikoo – Saamlang faan bilen of filmer

Wikivoyage Raisfeerer: Ameerikoo (sjiisk)

 Wikisource: Ameerikoo  (sjiisk)