Picipes badius
| Picipes badius | |
|---|---|
 | |
| Sailkapen zientifikoa | |
| Erreinua | Fungi |
| Klasea | Agaricomycetes |
| Ordena | Polyporales |
| Familia | Polyporaceae |
| Generoa | Picipes |
| Espeziea | Picipes badius I. V. Zmitrovich & A. Kovalenko
|
| Basionimoa | Boletus badius |
Picipes badius Polyporaceae familiako onddo espezie bat da.[1] Ezin da jan, gogorra eta zapore txarrekoa delako. Usteldura zuria sortzen du.
Sinonimoak: Polyporus picipes, Polyporus nigripes, Polyporus badius.
Deskribapena
[aldatu | aldatu iturburu kodea]Kapela: 5 eta 15 cm bitarteko diametrokoa, mehea, kopa itxuran, ertza izurtua, lehoi kolorekoa, arrexka edo gaztaina kolorekoa, ilunagoa erdirantz. Azal leuna, satinatua, distiratsua, eguraldi hezean ia likatsua.
Tutuak: Zurixkak, laburrak, oso dekurrenteak.
Tutu dekurrenteak: Hanka ukitzeaz gain, beherantz jarraitzen duten tutuak.
Poroak: Biribilak edo obalatuak, hasieran zurixkak, gero krema kolorekoak.
Hanka: Gehienetan laburra, 2 eta 10 cm bitarteko garaierakoa eta 0,5 eta 3 cm bitarteko lodierakoa, Eszentriko edo alboan, zilindrikoa, kurbatua, elastikoa, betea. Batzuetan, zenbait ale oinarrian soldatuta jaiotzen dira. Arre-marroixka kolorekoa, ilunagoa edo argiagoa, belusduna behealdean.
Haragia: Mehea, zaila, elastikoa, zurixka edo zuri-krema kolorekoa. Zapore mikatz samarra eta garratza du eta Scleroderma generokoen usaina.[2]
Etimologia: Polyporus terminoa grekotik dator, ugari, asko, esan nahi duen "poly" hitzetik eta poro, urrats, esan nahi duen "póros" hitzetik. Poro ugarirekin. Badius epitetoak, hori-gaztaina koloretik gorrixkara doan kolorekoa, esan nahi du.
Jangarritasuna
[aldatu | aldatu iturburu kodea]Ez da jangarria. Gogorra eta zapore txarrekoa delako.[3]
Nahasketa arriskua
[aldatu | aldatu iturburu kodea]Polyporus varius delakoarekin nahas daiteke, hau txikiagoa da eta okre kolore argikoa eta oina ongi mugatutako bi eremutan banatua du.
Sasoia eta lekua
[aldatu | aldatu iturburu kodea]Udaberrian eta udazkenean, hainbat hostozabalen, motzondo, enbor zahar edo adar hiletan: pagoak, haritzak, sahatsak eta abar.[4]
Banaketa eremua
[aldatu | aldatu iturburu kodea]Australia, Zeelanda Berria, India, Kanada, Ameriketako Estatu Batuak, Mexiko, Erdialdeko Amerika, Erdialdeko Asia, Europa, Errusia, Japonia, Txina, Kaukasia, Filipinak.
Erreferentziak
[aldatu | aldatu iturburu kodea]- ↑ Euskal Herriko perretxiko eta onddoak, 2013, 2014, 2016, 2017, Fernando Pedro Pérez, Kultura Saila, Eusko Jaurlaritza • Bizkaiko Perretxiko eta Onddoak, A.D.E.V.E., 2012 • Euskalnatura • Euskal Herriko Onddoak. 5 tomos, Luis García Bona, Kriselv, 1987 • Catálogo micológico del País Vasco, Aeranzadi, 1973 • Mendizalearen Hiztegia [mikologia], Ostadar Mendi Taldea.
- ↑ (Gaztelaniaz) Mendaza, Ramon, Diaz, Guillermo. (1987). Guia fotografica y descriptiva 800 especies a todo color. Iberduero, 633 or. ISBN 84-404-0530-8..
- ↑ (Gaztelaniaz) Ubillos Javier. (2020). Curso de iniciación a la micología, fichas micológicas. Asociacion cultural “Baxauri” Kultur Elkartea Mikologia, Bajauri, Cofradia Vasca de Gastronomia.
- ↑ (Gaztelaniaz) Bon,Marcel. (1988). Guia de Campo de los hongos de Europa. Ediciones Omega, S. A. Barcelona, 314 or. ISBN 84-282-0865-4..
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q96636858
Multimedia: Royoporus badius / Q96636858
Espezieak: Picipes badius
Text is available under the CC BY-SA 4.0 license; additional terms may apply.
Images, videos and audio are available under their respective licenses.
