Patrick Mixelena, batez ere Mixu goitizenez ezaguna, (Donibane Lohizune, Lapurdi, 1970 - Baiona, Lapurdi, 2009ko urtarrilaren 2a^[1]) euskal abeslaria zen.

Donibane Lohizunen jaio eta Urruñan bizi izan zen. Familia senpertarra zuen amaren aldetik, Matxin Irabola bertsolariaren birriloba zen eta lotura handia atxiki izan zuen Senpererekin^[2].

1986an Xabaltxekin Ipar Haize pop-folk taldea sortu zuen eta 1989an taldean desegin zuten.^[3] 1990ean Izan musika taldearekin hasi zen eta bi urtez egon zen han. Urruñako Kuxkuxtu txarangan aritu zen ere zortzi urtez. Hala ere, Sustraia taldearekin izan zuen arrakasta gehien.^[4] 1992an sortua, Mustafa kantak arrakasta handia izan zuen eta horren ondorioz, hainbat urtetan Mustafa goitizenez deitu izan zioten Mixuri.

2007an diskoa atera zuen bakarlari gisa.^[5] Urte berean MMX proiektua sortu zuen Maialen Errotabehere ezpeletarra eta Xabaltx zuraidarrarekin batera. Hego Amerikan zehar bira egin zuten.^[3]

2009ko urtarrilaren 2an Aviron Bayonnais/Castres partidaren hasieran, Mixuk Avironen maskotarekin batera Aviron Bayonnais errugbi taldearen Peña Baiona ereserkia kantatzeko ardura zuen. Kantatu zuen eta handik gutxira bihotzekoak jota hil zen.^[1] Bi semeren aita zen.

• Segi segi (Agorila, 1995)
• Euskal label (Oihuka, 1996)
• Sustraia - live (Agorila, 1997)
• Bi mila (MSI, 2000)
• Ze bizia (Agorila, 2004)
• Beti bidean (Agorila, 2005)
• Sustraia in live (Agorila, 2008)

• Mixu (Agorila, 2008)

• MMX (Agorila, 2008)

• Xabaltx
• Matxin Irabola

• (Frantsesez) Sustraia taldearen webgunea
• (Frantsesez) Sustraia taldearen MySpacea^{[Betiko hautsitako esteka]}