Joe Quimby
The Simpsons universe (en)
Argitalpena
Sortzailea	Matt Groening
Ageri den obrak	ikusi The Simpsons
Datu biografikoak
Jaiotza-izena	Joseph Fitzgerald O'Malley Fitzpatrick O'Donnell The Edge Quimby
Jaiotza	Springfield, 1945eko abuztuaren 6a
Herrialdea	Ameriketako Estatu Batuak
Sexua	gizonezkoa
Egoitza	Springfield
Jarduera	politikaria

Joseph Diamond "Joe" Quimby edota Quimby alkatea Simpsondarrak estatubatuar marrazki bizidun telesaileko fikziozko pertsonaia bat da. Bere lehenbiziko agerpena 1990eko urriaren 7an aireratutako Bart Gets an "F" atalean izan zen.

Springfield udalerriko alkatea da eta Alderdi Demokratako politikaria. Ted Kennedy politikariaren parodia omen da eta Kennedy familiaren hainbat senide politikarietan oinarrituta sortu zuten.

Politikari ustelaren estereotipoa da, eta haren ezaugarri eta ahulezia guztiak ditu. Izaera berekoia, inongo eskrupulurik gabea, ustela, bizizalea, parrandazalea, lotsagabea, gonazalea eta putazalea du. Bertako mafiarekin harremanak ditu, herriko putetxeko ohiko bezeroa da eta bere emaztea etengabe engainatzen du, beti emakumez inguratua dago (gehienak emagalduak), politika helburua baino parranda egin eta ongi pasatzeko aitzakia besterik ez du. 1986an lehenbiziko aldiz alkate hautatu zutenetik, hurrengo hauteskunde guztietan alkate aukeratua izan da, noski, berak noizbait aitortu duenez azpijokoak, bozka erosketa eta ezkutuko bide ustelak erabiliz.