Cypriniformes
| Cypriniformes | |
|---|---|
| Paleozeno-Gaur egun | |
.JPG) | |
| Sailkapen zientifikoa | |
| Erreinua | Animalia |
| Azpierreinua | Bilateria |
| Filuma | Chordata |
| Klasea | Actinopteri |
| Ordena | Cypriniformes Bleeker, 1859
|
| Azpibanaketa | |
Cipriniformes, teleosteoen infraklaseko ordena.
Ordena honetan, 5-6 familia, 320tik gora genero eta 3.250 espezie baino gehiago sartzen dira, besteak beste, karpak, ezkailuak eta mazkarrak.
Ordena honetako espezieen bereizgarri batzuk hauek dira: bizkar-hegal sinple bat dute, eta ez dute hortzik ahoan; hortzen ordez, faringe-hortz deritzen egitura batzuk dituzte eztarrian.
Ur gezetan bizi dira nagusiki, baina bada itsasoan bizi den espezie bat bederen —Tribolodon brandtii—. Asiaren hego-ekialdean dago ordena honetako dibertsitate handiena, baina ez dago bat ere ez Australian ez eta Hego Amerikan ere.
Cyprinidae familia —karpak eta ezkailuak— da nagusi ordena honetan; izan ere, ordena honetako dibertsitatearen bi heren osatzen dute. Balitoridae eta Gyrinocheilidae familiako espezieak Asiaren lurralde tropikal eta subtropikaletako ur gezetan bizi dira, eta algak eta ornogabe txikiak jaten dituzte. Catostomidae bentosadun familiako espezieak Ipar Amerikan eta Asiaren ekialdean bizi dira, eta karpen antza dute bai itxurari bai ekologiari dagokienez. Cobitidae familiakoak, berriz, ohikoak dira Eurasian eta Afrikaren iparraldeko zenbait lekutan.
Ordena garrantzitsua da gizakiarentzat, bi arrazoi nagusi hauengatik: batetik, elikagai inportantea da herrialde batzuetan, Europan eta Asian, batez ere; bestetik, akuario-arrain zabaldua da, eta espezie batzuk dituzten kolore biziengatik hazten dituzte.
Sailkapenari buruzko xehetasunak:
- Cobitoidea subordena:
- Balitoridae
- Balitorinae subfamilia
- Nemacheilinae subfamilia
- Catostomidae - arrain bentosadunak
- Catostominae subfamilia
- Cycleptinae subfamilia
- Ictiobinae subfamilia
- Cobitidae - mazkarrak
- Botiinae subfamilia
- Cobitinae subfamilia
- Gyrinocheilidae - arrain alga-jaleak
- Balitoridae
- Cyprinoidea subordena:
- Cyprinidae - karpak, zamo txikiak eta barboak
- Psilorhynchidae
Banaketa
[aldatu | aldatu iturburu kodea]Erreferentziak
[aldatu | aldatu iturburu kodea]Kanpo estekak
[aldatu | aldatu iturburu kodea]- (Gaztelaniaz) Iberiar penintsulako Cypriniformes ordenako espezieak
- (Ingelesez) Cypriniformes Tree of Life proiektua
| Autoritate kontrola |
|
|---|
Datuak: Q177879
Multimedia: Cypriniformes / Q177879
Espezieak: Cypriniformes
Erreinua: Animalia • Filuma: Chordata • Azpifiluma: Vertebrata • Infrafiluma: Gnathostomata • Superklasea: Osteichthyes | |
| Chondrostei | |
| Neopterygii | Lepisosteiformes • Amiiformes • Osteoglossiformes • Hiodontiformes • Elopiformes • Albuliformes • Notacanthiformes • Anguilliformes • Saccopharyngiformes • Clupeiformes • Gonorynchiformes • Cypriniformes • Characiformes • Gobiesociformes • Gymnotiformes • Siluriformes • Salmoniformes • Esociformes • Osmeriformes • Argentiniformes • Ateleopodiformes • Stomiiformes • Aulopiformes • Myctophiformes • Lampriformes • Polymixiiformes • Percopsiformes • Batrachoidiformes • Lophiiformes • Gadiformes • Ophidiiformes • Mugiliformes • Atheriniformes • Beloniformes • Cetomimiformes • Cyprinodontiformes • Stephanoberyciformes • Beryciformes • Zeiformes • Gasterosteiformes • Syngnathiformes • Synbranchiformes • Tetraodontiformes • Pleuronectiformes • Scorpaeniformes • Perciformes |
Text is available under the CC BY-SA 4.0 license; additional terms may apply.
Images, videos and audio are available under their respective licenses.
