Alfredo Gómez Cerdá
Alfredo Gómez Cerdá | |
---|---|
Bizitza | |
Jaiotza | Madril, 1951ko uztailaren 6a (73 urte) |
Herrialdea | Espainia |
Hezkuntza | |
Hizkuntzak | gaztelania |
Jarduerak | |
Jarduerak | idazlea eta haur literaturaren idazlea |
Jasotako sariak | ikusi
|
Alfredo Gómez Cerdá (Madril, 1951ko uztailaren 6a), idazle espainiarra, batez ere, Haur eta Gazte Literaturako idazlea. Ehun liburu baino gehiago idatzi ditu eta hainbat sari eskuratu. Prentsarako kolaborazio asko egin ditu, eta, Haur eta Gazte Literaturarekin zerikusia duten hainbat eta hainbat jardueratan hartu du parte. 1989an Barco de Vapor Saria jaso zuen Apareció en mi ventana liburuarekin. 2005ean El tigre que tenía miedo a las gallinas liburua White Raven katalogo entzutetsuan sartu zen eta 2009an Barro de Medellín lana hautatu zuten White Raven zerrendarako. Hain zuzen, urte berean (2009) eta Barro de Medellin lanarekin lortu zuen Espainiako Haur eta Gazte Literaturaren Sari Nazionala.
Bizitza
[aldatu | aldatu iturburu kodea]Alfredo Gómez Cerdá Madrilen jaio zen 1951n, Carabanchel auzoan, garai hartan Madrilgo kanpoaldean. Ez etxean, ez eskolan ez zuen liburu askorik izan eskura, baina betidanik gustatu izan zaio irakurtzea. Hala ere, zaletasun hori garatzeko aukera nerabezaroan izan zuela aitortzen du Peonza aldizkarian egindako elkarrizketa batean. Irakurtzearekin batera hasi omen zen idazten, eta bi bide paralelo izan zirela dio. Hamabost urterekin Madrilgo "Cardenal Cisneros" institutuan hasi zen ikasten han antzerkira zaletu zen eta eskolako antzerki taldean sartu. Orduan hasi zen Valle Inclán, Buero Vallejo, Alfonso Sastre, Bertolt Brecht, Ionesco, Arrabal, Samuel Beckett eta beste hainbat egileren obrak ezagutzen. Garai hartan antzerki obrak idatzi zituen, batez ere. [1]
Gómez Cerdá Filologia Hispanikoan lizentziatu zen. Nerabezarotik idazteko joera izan zuen arren, hogeita hamar bat urte zituenean hasi zen Haur eta Gazte Literatura idazten. Artean, irakurtzen ez zekien haur baten aita zen eta hari kontatzeko ipuinak idazten eta ilustratzen hasi zen. HGL eremu oso zabala eta sormena muturreraino eramateko moduko alorra zela ohartu zen, eta izugarri erakarri zuen. Haur eta Gazte Literaturako bere lehen lanarekin (Las palabras mágicas, 1982) Barco de Vapor Saria eskuratu zuen eta harrez gero, sari asko irabazi ditu. [1]
Generoari dagokionez, zaila da Gómez Cerdáren obra genero bati lotzea. Izan ere, psikoliteratura, abentura, umorea eta beste hainbat generotara gerturatu izan da. Baina adi irakurriz gero, ikus daiteke, batez ere, pertsonaia eta bere ingurua, pertsonaia eta bere familia, pertsonaia eta bere lagunak, edo pertsonaia eta bere barne-mundua direla gehien sakontzen dituen gaiak. [2]
Lanak
[aldatu | aldatu iturburu kodea]Haur eta Gazte Literatura
[aldatu | aldatu iturburu kodea]
|
|
|
|
|
Euskarara itzulitako lanak
[aldatu | aldatu iturburu kodea]- Euri-ttantta (1996).
- Luixon (1997).
- Nora eta laugarren errege magoa (2003)
- Medellingo lokatza (2010).
- Neska baten hitza (2014).
Erreferentziak
[aldatu | aldatu iturburu kodea]Kanpo loturak
[aldatu | aldatu iturburu kodea]Text is available under the CC BY-SA 4.0 license; additional terms may apply.
Images, videos and audio are available under their respective licenses.