Prezidanto de Usono
| Prezidanto de Usono | ||
|---|---|---|
| President of the United States | ||
| ||
| Joe Biden, la 46-a kaj nuna Prezidanto de Usono | ||
| balote elektita ofico ĉefkomandanto Usona armeo ĉefministro ŝtatestro prezidanto 
| ||
| Komenco | 30-a de aprilo 1787 vd | |
| Lando(j) | Usono vd | |
| Retejo | Oficiala retejo | |
La Prezidanto de Usono, ankaŭ Prezidanto, (angle President of the United States of America) estas la regnestro de Usono. La ofico de la Prezidanto establiĝis kiam la usonan konstitucion oni ratifis en la jaro 1788. La unua prezidanto, George Washington, fariĝis prezidanto en la jaro 1789. La nuna prezidanto de Usono estas Joe Biden, ekde la 20-a de januaro 2021.
Laŭ la usona konstitucio li estas ankaŭ la estro de la ekzekutiva alo de la usona registaro. La 2-a artikolo de la usona konstitucio establas, ke la Prezidanto estu la Ĉefa Komandanto (Commander-in-Chief) de la usona armeo. La Prezidanto posedas ankaŭ potencojn specife donatajn al la Prezidanto, inkluzive la potencojn:
- leĝigi per lia subskribo proponleĝojn, kiujn kaj la Domo de Reprezentantoj kaj la Senato aprobis;
- krei Kabineton de konsilistoj;
- doni pardonojn; kaj
- konsenti al traktatoj kaj elekti federalajn oficistojn, ambasadorojn, kaj federalajn juĝistojn (inkluzive la juĝistojn de la Supera Kortumo de Usono).
Institucioj
[redakti | redakti fonton]La oficiala loĝejo kaj administrejo de la Prezidanto estas la Blanka Domo.
La Unua Damo de Usono estas neoficiala titolo kaj pozicio tradicie tenita de la edzino de la prezidanto, samtempa kun lia fino de ofictempo.
Pli detalaj informoj troveblas en artikolo Prezidenta Administro de Usono.La Oficejo de la Plenuma Aŭtoritato/Branĉo de la Prezidanto de Usono aŭ Administra Oficejo de la Prezidanto de Usono (angle Executive Office of the President of the United States, mallongigita: EOP aŭ EOPOTUS) konsistas el teamoj de la Prezidanto de Usono kaj helpaj teamoj kiuj raportas al la Prezidanto. La Direktoro de la Oficejo de la Plenuma Aŭtoritato estas la Stabestro de la Blanka Domo. La nombro da Blankdomo-kunlaborantaro pliiĝis signife ekde 1939.
La Konsilio pri Nacia Sekureco de Usono, Usona Nacia Sekureckonsilio aŭ Nacia Sekureckonsilio (angle United States National Security Council, akronime konata kiel NSC) estas usona federacia instanco kiu subtenas la usonan prezidanton en la disvolviĝo, efektivigo kaj kunordigo de la sekureco kaj ekstera politiko de la lando.
Vidu ankaŭ
[redakti | redakti fonton]Eksteraj ligiloj
[redakti | redakti fonton]- angle Oficiala retejo de la prezidanta oficejo
- angle Filmoj el la prezidanta oficejo en la reta portalo Vimeo
Text is available under the CC BY-SA 4.0 license; additional terms may apply.
Images, videos and audio are available under their respective licenses.
