Bevaix
|
Por samtitola artikolo vidu la paĝon Bevaix (stacidomo). |
| Bevaix | |
|---|---|
 | |
| Blazono de Bevaix | |
 | |
| La duoninsulo Pointe du Grain vidita el Bevaix | |
| vilaĝo • former municipality of Switzerland | |
| Kantono | Neŭŝatelo |
| Distrikto | Boudry |
| Koordinatoj | 46° 55′ 55″ N 6° 49′ 0″ O / 46.93194 °N, 6.81667 °O (mapo)Koordinatoj: 46° 55′ 55″ N 6° 49′ 0″ O / 46.93194 °N, 6.81667 °O (mapo) |
|
| |
| Nombro de loĝantoj | 3837 |
| Areo | 10,78 km² |
| Alteco | 475 m super marnivelo |
| Poŝtkodo | 2022 |
| Komunumkodo | 6402 |
 | |
| Mapo de Bevaix | |
Pri la komunumo
[redakti | redakti fonton]Bevaix estas komunumo en la distrikto Boudry en Kantono Neŭŝatelo, Svislando. Ĝi havis 3837 loĝantojn je la 31-a de decembro 2010.
Geografio
[redakti | redakti fonton]Bevaix situas ĉe la suda flanko de la Neŭŝatela Ĵuraso ĉe la norda bordo de la Lago de Neŭŝatelo, proksimume 12 kilometrojn sudokcidente de la urbocentro de la kantonĉefurbo Neŭŝatelo. La komunumo Bevaix konsistas el la vilaĝo Bevaix kaj la setlejoj Les Marrins (apud la lagobordo), Les Prises (en nordokcidento de la komunumo), La Lorraine (en sudo de la komunumo) kaj L'Abbaye (en oriento de la komunumo kun grandaj vitejoj apud la lagobordo).
La teritorio de la komunumo etendiĝas sur areo de 10,78 km², de kiuj 47,1% estas kovritaj de arbaro, 34,1% servas por agrikulturo kaj 18,3% por setlado.[1]
Najbaraj komunumoj
[redakti | redakti fonton]La komunumo Bevaix limas en nordo al Boudry, en oriento al Cortaillod, en sudo al la Lago de Neŭŝatelo, en okcidento al Gorgier, kaj en nordokcidento al Brot-Dessous.
Trafiko
[redakti | redakti fonton]Tra Bevaix pasas la kantona ĉefvojo n-ro 5 kaj la svisa aŭtovojo A5, al kiu ĝi disponas pri propra alveturejo. Bevaix disponas pri stacidomo ĉe la trajnlinio de Svisaj Federaciaj Fervojoj de Bielo al Laŭzano. La komunumo estas ankaŭ servata de buslinio de Boudry al Saint-Aubin-Sauges.
Historio
[redakti | redakti fonton]La unua dokumenta mencio de Bevaix datiĝas el la jaro 998 kiel villa Bevacensi. Apud la Lago de Neŭŝatelo estis malkovritaj la restaĵoj de ok prahistoriaj lagobordaj setlejoj, kvin el ili en la neolitiko kaj tri el la bronzepoko. En la jaro 998 certa Rudolfo fondis la priorejon Bevaix, al kiu la donacis malgrandan teritorion. Al tiu tribunalejo korespondas la hodiaŭa komunumo Bevaix. En la jaro 1263 la tribunalejo Bevaix estis komuna havaĵo de la prioro de Bevaix kaj de la Senjoroj de Gorgier kaj la Senjoroj de Colombier. La landa reganto estis la grafoj de Neŭŝatelo. Post la reformacio la senjoreco transiris en du etapoj unue al Johano Jakobo de Wattenwyl kiel senjoro de Colombier kaj poste al la grafoj de Neŭŝatelo en la jaro 1564. Ĝis 1832 Bevaix formis neŭŝatelan majorejon.[2]
Notoj kaj referencoj
[redakti | redakti fonton]Vidu ankaŭ
[redakti | redakti fonton]Eksteraj ligiloj
[redakti | redakti fonton]- Oficiala retejo de la komunumo Bevaix
- Bevaix en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Bevaix – (Kolekto de bildoj kaj plurmediaj dosieroj)
Text is available under the CC BY-SA 4.0 license; additional terms may apply.
Images, videos and audio are available under their respective licenses.
