Portivechju ò Portivecchju, hè una cumuna di u dipartamentu di u Pumonti (Corsica suttana). Hè a terza cità di l'isula di Corsica cù a so pupulazione ma ancu cù a so superficia. Pussede 11.229 abitanti in u 2021. Si chjamava Portus Syracusanus à l'epica rumana è Ventimiglia la nova à l'epica genovese. Hè cunnisciuta da i so salini (hè cugnumata "cità 'llu sali") è da a so impurtanta suariccia. Fù un locu di pastori vinuti di l'Alta Rocca. L'abitanti sò chjamati Purtivichjacci.

A cità di Portivechju hè situata à u Sudeste di a Corsica. A so superficia hè di 168,65 km². Hè cusì a terza cumuna a più maiò di l'isula, dopu à Sartè è Calinzana. U Mare Tirrenu hè situatu à u livanti di a cità. Rinumata per e so piaghje (Cala Rossa, Palombaggia, Santa Ghjulia...), Portivechju pussede salini d'una decina d'ettari, ma chì oghji sò ghjeneralmeinte abbandunati. Portivechju hè oghji a più grande cità di l'estremu Sudu di a Corsica.

Portivechju hè duminata à u punente da i rilievi di l'Ospedale è di a Cagna, chì sò l'estensione meridiunale di u massicciu di l'Alcùdina.

A cumuna di Portivechju pussede parechje marine (o piaghje). E più famose sò Palombaggia, Santa Ghjulia, Cala Rossa, Tamaricciu o ancu Portu Novu.

Ci sò parechji fiumi nantu à u territoriu di a cumuna di Portivechju, cum'è u Cavu, l'Osu o ancu u Stabiacciu. Qualchì stagni è lavi (naturali o artifiziali) sò ancu prisenti.

U clima di Portivechju hè mediteranniu. L'estati sò caldi è l'inverni dulci. A timperatura media hè superiore à 17°C. A timperatura a più fredda registrada hè di -2,9°C, è a più calda di 41°C.

Portivechju hà un portu cummirciale è una gara marittima. Sò situati à a calata di Siracusa è sò gestiti da a Càmera di Cumerciu è d'Industria d’Aiacciu è di a Corsica Suttana. A cità hè culligata à u portu di Marsiglia da rotazione regulare (ogni marti, ghjovi è sàbbatu). Ci sò ancu altre destinazione cum'è Tulone, Nizza, Savona, Piombinu, Posthudorra è Golfo Aranci. Portivechju hà ancu una stazione di a Sucietà Naziunale di Salvamentu Marittimu (SNSM) cù dui battelli.

Portivechju ùn hà micca linea di camini di ferru dapoi a so destruzione à a fine di a guerra, in u 1943.

Ci sò qualchì di linee d'autobus regulare chì passanu o vanu à a cità. E dui principale cità di l'isula, Bastia è Aiacciu, sò cullegate da Portivechju in autobus.

L'aeroportu di Figari Corsica-Suttana hè situatu à solu 23 chilometri di Portivechju. Hè accessibile da a cità grazia à a strada dipartimentale D859 in parte.

	E cumune di Pumonti
Afà - Aiacciu - Alata - Albitreccia - Altaghjè - Ambiegna - Appiettu - Arbiddara - Arburi - Arghjusta è Muricciu - Arru - Auccià - Auddè - Azilonu è Ampaza - Azzana - Balogna - Bastelica - Bastilicaccia - Belvideri è Campumoru - Bilia - Bucugnà - Bunifaziu - Calcatoghju - Campu - Cannelle - Carbini - Carbuccia - Cardu è Turghjà - Carghjaca - Carghjesi - Casaglionu - Casalabriva - Cavru - Ciamannaccia - Coggia - Conca - Coti è Chjavari - Cristinacce - Cugnocolu è Muntichji - Currà - Cuttuli è Curtichjatu - Cuzzà - Eccica è Suaredda - Evisa - Figari - Foce - Fuzzà - Frassetu - Furciolu - Ghjunchetu - Granaccia - Grossa - Grussetu è a Prugna - Guagnu - Guargualè - Laretu di Taddà - Lecci - Letia - Livesi - Livia - Lopigna - Macà è Croci - Marignana - Mela - Munacia d'Auddè - Murzu - Ocana - Ortu - Osani - Otta - Palleca - Partinellu - Pastricciola - Peri - Piana - Pianottuli è Caldareddu - Pila è Canali - Pitretu è Bicchisgià - Pitrusedda - Poghjolu - Portivechju - Prupià - Quasquara - Quenza - Rennu - Rezza - Rosazia - U Salge - Sampolu - San Gavinu di Càrbini - Sant' Andrea d'Urcinu - Santa Lucia di Tallà - Santa Maria è Figaniedda - Santa Maria è Sichè - Sari di Portivechju - Sari d'Urcinu - A Sarra di Farru - A Sarra di Scupamè - Sarrula è Carcupinu - Sartè - Serriera - Soccia - Sotta - Suddacarò - Surbuddà - Tassu - Tavacu - Tavera - Todda - Ulmetu - Ulmiccia - Urbalaconu - Valli di Mezana - Veru - Vicu - Vighjaneddu - Villanova - Vuttera - Zevacu - Zicavu - Zigliara - Zirubia - Zonza - Zozza